زي ماهو باين من العنوان .فية واحدة معايا في الشغل انا مستريح ليها جدا وعاوز افاتحها في اني اتقدم ليها
عرض للطباعة
زي ماهو باين من العنوان .فية واحدة معايا في الشغل انا مستريح ليها جدا وعاوز افاتحها في اني اتقدم ليها
متابع
اعتقد ممكن تكلم واحده صاحبتها تكون قريبه منها اوى لو كنت مكسوف ....
خليك جريء ... لو الموضوع جد ومش بتهزر .
فى أول فرصة بكرة فى الشغل .
قلها انا معجب بيكى وعاوز أطلب أيديك .... موافقة ؟
هتدعيلى
طالما زميلتك كلمها وش
لو مش كده حاول تشوف واحده كبيره عندكم فى الشغل تكلمها
كلمها انت احسن من لبخ الستات
طالما حضرتك قاصد خير يبقى اتكل على اللة
وانت فى الشغل قولها لو سمحتى كنت عايز اقعد مع الحج شوية ممكن تليفونة
طبعا هية هاتستغرب او هاتعمل مش فاهمة طبعا خجل وكسوف
تقوم داخل فى الموضوع على طول بس قبليها تاخدلك حبايتن جراءة على ثقة :nemoflow:
وتقولها انا عايز اقابل الحج بخصوص كذا وكذا
بس فية طريقة تانية تخلى اى زميلة تانية يكون فى كلام بينكوا تجس النبض دة لو انت معندكش شجاعة تتكلم
وخلى بالك طالما انت ناوى خير ان شاء اللة مبروك مقدما
وماتنساش تعزمنى
موفق ان شاء اللة
عاوز حضرتك تفكر كده لو انت معجب بيها علشان تصاحبها فقط هتتكسف ؟؟؟الاجابه لا
حضرتك بتطلب حاجه لحرام ولا عيب خليك جرئ وقولها بنفسك علشان لو فى نصيب بعد كده الحركه دى مش هتتنسى ابدا
وكمان عايزك تفكر شويه علشان لو لقدر الله ماحصلش نصيب خد بالك هتكره الشغل بسببها لو بتشوفها كل شويه
لمح من بعيد احسن عشان زميلتك فى شغل وقلها اننا بدور على عروسة بمواصفات معينة
انا مش مع الرأي انك تقولها كدا مرة واحدة لكن الافضل تخلى الموضوع على مرتين او تلاتة بطريقة غير مباشرة عشان لو عندها اى مانع ما تحرجش نفسك.
قولها هاتي المستند الفلاني اشوف فيه حاجه هتقولك ليه قولها هتعرفي بعدين واكتبلها ورقه وحطها في وسط ورقها
الا بالحق حضرتك شغال ايه ؟؟؟
صديقي المواطن
أسلم الطرق تقول لها أنا بدور على عروسة لشخص عزيز على قلبي وأنا ملقتش أحسن منك فإيه رأيك فلو لقيت قبول قول لها الواحد ده هو أنا وخد بالك هي حتكون عارفه إنو إنت ولكن حتفضل محافظ على كرامتك لو رفضت ﻷنك منطقتش على لسانك إنو إنت تجتبا للإحراج وقبل دخول البيت من بابه لا بد أن تلاقي قبولا عند الفتاة فلا تكبس على أنفاسها وتخش وش ونخلي أهلها يظغطوا عليها وبالتوفيق
وإلى اﻷمام ومن نصر إلى نصر
ودمتم للنضال
ما يضربها بفاس احسن
بص يا غالي سر المرأه ودنها
يعني تقعد معاها مره واتنين كمان وحاول تلمح ليها بشعورك يعني انتي من الناس الي بثق فيهم وبعزك والكﻻم دا وبتكبري في نظري كل يوم عن التاني وبعدين شوية كومنتات كويسه يعني شدها ليك بحيث انها تبدلك نفس الشعور هيبق الموضوع افضل بدل ما تدخل كدا وتبقئ جواز والسﻻم
وجهة نظر شخصيه
هو دا اللى انا هاعمله لو مكانك ..انك تقولها عايزك فى كلمة على انفراد المهم انك تجمع قواك فى الطلب دا..بعد كدة بقى لما تكلمها برة وشك يحمر يخضر مش هاتفرق معاها المهم تتكلم يهدوء وتقولها انك معجب بيها من زمان وباقى الكلام بتاع احمد بيه متولى
وربنا يوفقك
تابعها شوية وشوف تصرفاتها..ممكن تكون راشقة مع حد :-\ مرتبطة مثلا! شوفها بتتكلم في الفون كتير! علشان ماتجيش تفاتحها.. تعملك فيها صوفيا لورين.. وتقولك اصل انا مش بفكر في الجواز!! :-d اتقل شوية وراقبها..
فى مسالة مهمة جدا لو انت فعلا كنت بتحبها اكيد اكيد كانت هى هتحس بيك لانها معاك فى شغل وعينك فى عينها
البنات اصلا مش قاعدين الا للحاجات دى واكيد كانت هتفحتلك سكة عشان تنطق وتكلم
اما اذا كنت قادر بشدة انك تخفى مشاعرك تجاها عشان كدة هية محستش بيك ...... فاكيد كل اللى انت شايفة مجرد اعجاب وليس حب حقيقى لانك لو حبيتها حقيقى كان ظهر عليك وهية عرفت كدة من غير ما حتى تنطق او تتكلم
أنا في رأيي أنك متكونش مباشر معاها في الموضوع بسبب أنكم زملاء عمل و وشكم في وش بعض كل يوم, ففي حالة أنك قلتلها و حصل عدم قبول فساعتها هيبقى في حساسية زيادة في علاقتكم في العمل و مش بعيد تكره تروح الشغل بسببها..
بص يا سيدى ,انا راى اولا تصلى استخارة
ثانيا تروح تكلمها بكل ادب واحترام وتقولها انا كنت عايز اخد ميعاد مع الحج والدك و ازوركوا فى البيت ايه رايك؟
لو هى اوك حتديك النمرة علشان تكلمه ولو فيه حاجه تانيه مش حتديك النمرة
ولا فيه احراج ولا اى حاجه ,انا من اصحاب راى ان الصراحه الكلام المباشر افضل حاجه ولا لف ولا دوران
نصيحتي ليك:
1- صلي استخارة الاول وادعي من قلبك ان ربنا يوفقك لو فيها خير
2- متتكلمش انت بشكل مباشر معاها علشان الحساسية خصوصا انكوا فى الشغل مع بعض
3- حاول تخلي في وسيط فى الموضوع ويكون موثوق (ابعد عن البنات اللى في الشغل معاك علشان اللت والعجن + النفسنه والحوارات دي)
4- يفضل ان الوسيط يكون حد من اهلك .. ويفضل قوي لو اختك
5- ازاي بقه تعرفها على اختك دي انت تفكر فيها .. ممكن تشوف هيا بتخرج فين وتاخد اختك وتروح تخرج في نفس المكان (نادي او كافيه او غيره) وتعملها كأنها صدفة او تخلي اختك تستناك تحت الشغل في وقت انتهاء العمل وتنزل كأنك رايح تقابلها تديها حاجة ويكون ده في نفس وقت نزولها من الشغل مثلا .. وساعتها كلام البنات هيجيب بعضه وهتفتح معاها الموضوع واحدة واحدة بعد ما تكون انت بره الصورة خالص والموضوع يكون بين اختك وبينها بس
خلي بالك انك لازم تراعي حياء البنت فى المواضيع دي .. ولازم تراعي حساسية (انكوا شغالين فى شركة واحدة) علشان ممكن هيا نفسها ترفض
شوف وقت يكون الناس مش مركزه فيه ويكون الجو هادى
قلها انا معجب بيك وعاوز اتقدملكواديها نبذه سريعه عنك واهلك واخواتك وورقه تبقى كاتب فيها معلومات عنك وعن اهلك عشان لو حبوا يسألوا عليك وقلها انا سايبلك فترة اسبوعين تكونى سألت على وخدت فيهم قرار عشان لو مكانش فيه قبول ليك واتكسفت تقولك حتفهم كده بعد مايمروا الأسبوعين
الدوغرى مفيش احسن منه
والجواز كله قسمه ونصيب ومش معنى انها رفضتك يبقى انت عندك مشكله
وجو الحساسيات لا يدوم
بس تكون مصلى استخارة ومصفى نيتك كويس عشان دا جواز
بص م الاخر البنات بيحبوا الراجل الواضح الصريح الجرىء و متتكسفش من حاجه
انت مش طالب حاجه عيب او حرام
و اياك و الواسطه خصوصا من البنات علشان ماتضمنش الغيره و الحسد و ....و.......
خليك واثق فى نفسك و تأكد انها لو نصيبك مفيش حاجه فى الدنيا هتقف قدامك
طبعا لا تنسى الاستخاره
قوللها هى متقولش لواحدة زميلتكم مهما كنت واثق فيها لأن الحريم بيسيحوا وبيخربوا الدنيا. اسألنى انا على يدى والله . واحد زميلى كان معجب ببنت معانا وعايز يخطبها وطلب منى اجيبله معلومات وفعلا جبتله معلومات من بنت تانية ( عاقلة مش بتاعة لت وعجن ) لكن هو استعجل ومصبرش وراح الباشا سأل بنات تانيين ( بنات معروف انه لتاتين ومش بيتبل فى بؤهم فولة ) وفى ثانية كانت الشركة عارفة الموضوع هههههههههه
قولها وش ياباشا طبعا بالتدريج كدة وبهدوء ومتدخلش حد تانى فى الحوار علشان حتى لو مفيش قبول يبقى خلاص الموضوع بينكم انتم الاتنين بس وعلى كدة
بالتوفيق ان شاء الله
انا فاتحتها فعلا في الموضوع وقابلت اهلها واخدت اهلي نقابلهم وكلو تمام بس فية مشكلة
في المكان اللي احنا شغالين فية مينفعش احنا الاثنين نكون متجوزين وشغالين في نفس المكان
زي ما تقولو كدة نظام شركة
فدلوقت والدها عاوزني انا اللي اشوف شغل تاني وهية متسبش الشغل علي اساس انها قريبة من اهلهاوكدة
هل دة طلب منطقي ولا انا اللي مزودها برفضي للنقطة دي
اقصر الطرق بين نقطتين هي خط مستقيم
قالت لك لأ يبقى شيلها من نافوخك
اتدلعت و قالت لأ و هي كانت ناوية تقول أيوة يبقى فكك منها
اختلف معاك ........ لازم يبقى فيه راجل و الاتفاق يبقى مع راجل و كبير عشان وقت الجد او وقت المشاكل تعرف تتكلم معاه بالعقل و المنطق ...... الستات مالهومش كلمة و بيقولوا لا انا ما قلتش لا كنت اقصد كذا لا كنت فاكرك ما تقصدش كذا الخ الخالخ
و من حق ابوها يتدخل ....... ده ابوها و هي مسؤولة منه لحد ما تروح بيتك و لو ما بتسمعش كلام الراجل اللي رباها و شالها و وداها للدكتور 4 الفجر و غير لها قرفها اما كانت بتعمل على روحها و صرف عليها و خلاها بني ادمة و عروسة ...... يبقى عمرها ما هتسمع كلامك اللي عارفاك اول امبارح
بالاضافة ان لو الاب كلمته مش ماشية على البنت و امها يبقى عمر كلمتك ما هتمشي في بيتك عليها
كلامي هنا ان لو طلبات الاب غير عقلانية زي الاخ صاحب الموضوع اللي الراجل عايزه يسيب الشغل .... ساعتها اهرب .......
بس انا ضد مبدأ الاتفاق مع البنت او امها (او البنت و امها) ........ تهميش الاب هييجي على نافوخك مع اول مشكلة صغيرة او كبيرة سواء قبل او بعد الجواز
انا بتكلم مش على الاتفاقات العامه انا بتكلم على الامور اللى زى مثلا خلاص اتفق مع ابوها ان هما مثلا هيجيبوا اوضتين وهما اوضتين
فبتكلم على الامور ان العفش هما اللى ينزلوا يختاروه انما مش كل شويه ابوها يقول انا عاوز اوضه شكلها كذا كانه هوه اللى هيسكن
انما بقية الامور متفق معاك فى كل كلامك
هوة انا اتكلمت تاني مع والدها بيقول ان الشغل دلوقتي قريب من بيت اهلها علشان لو محتاجة من والدتها اي شئ اما انا فممكن اشوف شغل في مكان تاني
للاسف اننا احنا الاثنين نكون في نفس المكان دة صعب بالنسبة لظروف الشغل وطبيعة الشركة
انا خايف اكون بظلمها لو رفضت الموضوع دة.بس انا فعلا مش عارف الاقي شغل في مكان تاني.
بص انا برضه فى شغلى ممنوع الموضوع ده بس عرفت حاجة انه ممكن يبقى الزوج فى ادارة والزوجة فى ادارة تانية وده فعلا حاصل فى حالات كثير معايا. شوف الموضوع ده
ربنا يقدملك مافية الخير
انا اتكلمت معها النهاردة هية وابوها
الاثنين مصرين انها متتنقلش من الشركة او تشوف شغل تاني
ووالدها قالها صراحة انت راجل دور انت علي مكان تاني تشتغل فية....
للاسف الموضوع هيبوظ او يمكن باظ خلاص
بصراحة انا مش مقتنع انك تسيب شغلك
تحت اي بند
انا شايف انه شرط غريب فرأي
والله اعلم ..