الموضوع: اخيرا تحررت من قيود التوكيل وحطيت زيت ووووووولف

صديقي المواطن
مبروك وبالتوفيق وإلى اﻷمام ومن نصر إلى نصر
ودمتم للنضال

العنوان فين في مدينة نصر وأسعار الزيوت هناك ايه لو سمحت

المشاركة الأصلية كتبت بواسطة ahmedfathi

من ساعة ما اشتريت العربيه من 2010 وانا بعمل صياناتى فى التوكيل وكان التوكيل بيحط زيت توتال كوارتز 5000 . لحد ما كملت 40 الف كيلو ... كنت عارف انو غلط بس مضطر عشان ما اخرجش بره الضمان


وجاءت اللحظه الحاسمه . اول صيانه بعد خروجى من الضمان .. روحت التوكيل وقلتلهم انا عاوز اغير نوع الزيت وهاشتريه من بره واجيبه اغيره هنا وهو بالمره اكمل الصيانه هنا .. قالولى يا تغير زيت من هنا يا اما تغيره بره .قولت فى سرى ( انتو والزيت بتاعكو ) .

وطلعت على مركز وولف لتغيير الزيوت فى مدينه نصر . انا انطباعاتى عن محلات الزيوت عموما . انو بيبقى اوضه متر فى متر ومليانه جراكن زيت كتير لحد السقف . والمكان كله زيت وشحم وكده .

اول ما وصلت ببص ع المكان لقيته مكان شيك جدا . مكيف . نضيف جدا . والجراكن مرصوصه بشكل جميل .
قولت فى سرى فعلا كريم منير عمره ما يروح مكان اى كلام

دخلت لقيت شاب محترم اسمه المهندس فادى . قعدت معاه واتكلمنا مع بعض عن الانواع اللى موجوده .وعن الانجن فلاش وبما انى كنت بحط زيت معدنى على مدى 40 الف كيلو كنت لازم احط ميه نار مش انجن فلاش بس عشان يشيل الاوساخ والزباله اللى كانت جوه...

وجينا بقى لمرحله التغيير واللى قام بيها فنى باين عليه شاطر اسمه حسين . وحطيت الانجن فلاش ودورت 10 دقايق ونزل الزيت القديم بعد كده وكان نازل اسود وزى الميه

وحط الزيت الجديد والعربيه خدت بالضبط الجركن ال4 لتر . 5w40

وهو جارى التجربه بس انا واثق فى النتيجه مقدما ان شاء الله

الف مبروك ياباشا وان شاء الله الزيت الجديد يعجبك انا كمان كنت هناك الاسبوع اللى فات وغيرت الزيت الى 5W-30 C3
بس كنت عاوز اعرف الصنايعى اللى غيرلك الزيت بعد ال ENGINE Flash كان رافع العربيه بالكوراك ولا العربيه كانت عالارض
علشان العربيه بتاعتى كانت مايله مش واقفه مظبوط عالارضكان رافعها بالكوراك وقرأت هنا ان الموضوع ده غلط علشان بيتبقى رواسب من الزيت القديم و ENGINE Flash لسه فى الماتور
ولا انت رأيك ايه ؟

انا غيرت عندهم ل فايتل تك 5w50 بقالى 2000 كم تقريبا وماشى الحال والزيت ما بينقصش
افيو 2006عاملة 64000 كم كانت بيتحط زيت معدنى لحد 55000 كم

5W50 يااااه طب ما حطتيش 5W40 ??[/QUOTE]

هم اللى رشحوة ليا علشان العربية متعودة على زيت معدنى ولما حطيت شل الترا 5w40 نقص كيلو الا ربع في 6000 كم فقررنا نحط 5w50 لو مشى الحال ممكن اجرب المرة الجاية 5w40