الموضوع: اخيرا تحررت من قيود التوكيل وحطيت زيت ووووووولف

المشاركة الأصلية كتبت بواسطة smartjo

هو ايه الفرق بين 5000 و 10000 غير عدد الكيلومترات ؟؟
وايه معنى الزيت المعدنى والزيت التخليقى ؟؟

الزيت المعدني مستخرج من مشتقات البترول بالكامل
لزيت التخليقي جزء منة من مشتقات البترول والباقي محضر معمليا
طبعا التخليقي انظف بكتييييييييييييير
مافيش معدني يوصل ل10000 التخليقي بس وممكن يعدي ال15000

المشاركة الأصلية كتبت بواسطة ahmedfathi

من ساعة ما اشتريت العربيه من 2010 وانا بعمل صياناتى فى التوكيل وكان التوكيل بيحط زيت توتال كوارتز 5000 . لحد ما كملت 40 الف كيلو ... كنت عارف انو غلط بس مضطر عشان ما اخرجش بره الضمان


وجاءت اللحظه الحاسمه . اول صيانه بعد خروجى من الضمان .. روحت التوكيل وقلتلهم انا عاوز اغير نوع الزيت وهاشتريه من بره واجيبه اغيره هنا وهو بالمره اكمل الصيانه هنا .. قالولى يا تغير زيت من هنا يا اما تغيره بره .قولت فى سرى ( انتو والزيت بتاعكو ) .

وطلعت على مركز وولف لتغيير الزيوت فى مدينه نصر . انا انطباعاتى عن محلات الزيوت عموما . انو بيبقى اوضه متر فى متر ومليانه جراكن زيت كتير لحد السقف . والمكان كله زيت وشحم وكده .

اول ما وصلت ببص ع المكان لقيته مكان شيك جدا . مكيف . نضيف جدا . والجراكن مرصوصه بشكل جميل .
قولت فى سرى فعلا كريم منير عمره ما يروح مكان اى كلام

دخلت لقيت شاب محترم اسمه المهندس فادى . قعدت معاه واتكلمنا مع بعض عن الانواع اللى موجوده .وعن الانجن فلاش وبما انى كنت بحط زيت معدنى على مدى 40 الف كيلو كنت لازم احط ميه نار مش انجن فلاش بس عشان يشيل الاوساخ والزباله اللى كانت جوه...

وجينا بقى لمرحله التغيير واللى قام بيها فنى باين عليه شاطر اسمه حسين . وحطيت الانجن فلاش ودورت 10 دقايق ونزل الزيت القديم بعد كده وكان نازل اسود وزى الميه

وحط الزيت الجديد والعربيه خدت بالضبط الجركن ال4 لتر . 5w40

وهو جارى التجربه بس انا واثق فى النتيجه مقدما ان شاء الله

شكراً جزيلاً لحضرتك و مشاركتك تجربتك مع زيوت وولف، يسعدنا جداً انطباعات حضرتك و بنسعى دايماً للافضل لعملائنا،