خبرااااء البومة فين محتاج مساعدة منكم

**JOE-AZMY** · 29-10-2013 08:28 PM

انا ادامي بومة 1600 سوبر اكشن
مو 2009 فابريكة بالكامل حتي الاكصدامات والكساحات عداد 20,000 كم خليجي سعودي و تابلوه ابانوس بس المفروض السوبر اكشن بينزل بفرش جلد طبيعي دي بقي فرش قطيفة بس الصراحة العرابية زيرووو هو طالب 127 الف جنية انا حاسس ان السعر عاااالي انتوا اية رئيكم يا جماعة ياريت محدش يبخل عليا ويقولي الحالة دي تسوي كااام واسف طولت عليكم

**drmsadek1979** · 29-10-2013 09:08 PM

سعر شديد قوي
110 كويس عليها ودا لصاحبها كمان

**hossamalsadik** · 29-10-2013 10:18 PM

متهيقلى كتير السعر
نفسى يغيرو أو يميزو اسماء ميتـسوبيـشى باسماء تانيه غير بومه وقرش وعالم الحيوان ده

**amro0000** · 29-10-2013 11:30 PM

سعر غالي اوي اوي اوي صاحبها مش بيبيع صاحبها الي بيبيع بيستظرف تقريبا دي سعرها جديد حوالي 130 او 135 الف علي ما اتذكر دة تهريج حضرتك ازاي يطلب كدة حط فرق بسيط وروح هات زيرو احسنلك

**Ahmed Amin** · 29-10-2013 11:39 PM

طبعاً السعر غالي وهوا بيحاول يستغل إن العربية مش هينزل منها جديد تاني,
ولسه فيه طلب عليها وحالتها تعتبر كويسة كيلو متر مع عدد سنين تعتبر ممشيتش فبيحاول يمسك سعر,

بس طبعاً السعر مش مقبول,,

لأن الركنة بتبوط حاجات كتير هتحتاج تغيرها,,
ومنها البطارية وكاوتش العربية والقواعد الكاوتش والجلب والبوجيهات بترطب والمساعدين بتنشف وبتهبد من الركنة,,
يعني باختصار هتصرف عليها الفرق اللي يخليك تجيب عربية زيرو أحسن لك.

**JOE-AZMY** · 30-10-2013 02:03 PM

شكرا يا شباب وفعلان السعرها عالي جدا وانا قولت لصحبها 115 بس مرضيش
وفي ناس كتير قوي قالولي البومة من اول 2011 الي 2013 مش حلوي فهل المعلومة دي صح

**Waleed_zayan** · 30-10-2013 10:21 PM

البومه من ٢٠١٠ فيها اختلاف فتيس و عفشه وعدم وجود عامود اتزان خلفى بالاضافة الى اختلاف طفيف فى فينش العربيه يعنى باختصار البومه لحد ٢٠٠٩ تكسب ،، طبعا السعر مبالغ فيه جداً بالنسبه للموديل وهى متجيبش اكتر من ١١٠ الف ،، حاول تكسر معاه شويه او اصبر وشوف حاجه تانيه ، مفيش اكتر من اللانسر

**JOE-AZMY** · 02-11-2013 02:51 PM

المشاركة الأصلية كتبت بواسطة waleed_zayan

البومه من ٢٠١٠ فيها اختلاف فتيس و عفشه وعدم وجود عامود اتزان خلفى بالاضافة الى اختلاف طفيف فى فينش العربيه يعنى باختصار البومه لحد ٢٠٠٩ تكسب ،، طبعا السعر مبالغ فيه جداً بالنسبه للموديل وهى متجيبش اكتر من ١١٠ الف ،، حاول تكسر معاه شويه او اصبر وشوف حاجه تانيه ، مفيش اكتر من اللانسر

شكرا ياباشا بس انا بدور علي عربية حالتها حلوي والي معاة حاجة كويسة بتلقي بيحكي في ارقام غريبة وانا فعلن بدور علي 2009 او 2008 سوبر اكشن بس مش لاقي حالة محترمة تتركب لدرجة اني زهقت من كتر التدوير وقلت اشتري كيا رايو هاتش باج 2012 او 2013 مع اني عارف اني بعك بس اعمل اية مش لاقي حاجة كويسة