كسر زجاج عربيتى وسرقة محتويات بها

الحمد لله اولاً
حسبى اله ونعم الوكيل ثانياً

امبارح الصبح ركنت امام شغلى فى القرية الذكية
وبعدين لقيت ان المحفظة فى جيبى فقلت اسيها فى العربية لانى نسيتها فى الشغل ساعات
فرجعت وفتحت الباب اليمين وحطيتها على الكرسى اللى جنبى
الركنة قدام الشغل
بين العربية وبين بوابة المبنى الرئيسية حوالى 100 متر
جنبى جنينة
اخر النهار نزلت لقيت الزجاج الجانبى مكسور
التابلوة مفتوح
محتويات درج الباب مبعترة فى السيارة
على ما استوعبت الصدمة لقيت ان المحفظة اتاخدت وتليفون قديم
الكاسيت والولاعة والطفاية زى ما هى
المفاجأة : اتصلت بالبنك اوقف الفيزا
لقيت ال............ اللى سرقنى حاول يسحب بيها فلوس من داندى مول ويشترى كمان من كارفور
الشرا منفعش لان الفيزا كانت تطلب الباسورد اما تشترى بيها وللاسف دى انا كنت هاوقفها وانقل حسابى بنك تانى

عايز اركب زجاج جديد
المفروض اعمل ايه

قدر الله وما شاء فعل. مهما كان المكان أمان متسيبش حاجه فيها الطمع باينه من الازاز والمحفظه كانت تبقى في الدرج أحسن من ما تسيبها على الكرسي. طبعا المحفظه كان فيها البطاقه ورخصتك ورخصه العربيه؟ الله يعينك على المشاوير بتاع استخراجهم.

حمد لله على سلامتك يا استاذ سعد وربنا يعوض عليك
بصراحة انت غلطان لأن الموضوع دا قتل بحثا في المنتدى ودايما كنا نقول محدش يسيب حاجة ملفتة للنظر خالص في العربية وانت حاطط المحفظة على الكرسي فهتلفت نظر جامد وبالتالي هتكون معرضة أكتر من غيرها للسرقة.
لكن متزعلش على الحاجة اللي راحت هي نصيبها كدا الحمد لله المهم تاخد بالك المرة الجاية.
بالنسبة للزجاج ممكن تروح دكتور جريش مثلا لو الإزاز نفس النوع.
هو إزاز لعربية ايه؟

وضع المحفظة غلط تماما بس الواحد كان مدى الامان لان المكان قدام البوابة ومش سمعنا عن حاجة هناك قبل كدة
فى المشاوير اللى برة كنت بحرص واخللى المحفظة معايا
لكن بصراحة انا فعلا غلطان
الزجاج كيا بيكانتو 2009

اقتباس:

---

المشاركة الأصلية كتبت بواسطة ahmed_adham

قدر الله وما شاء فعل. مهما كان المكان أمان متسيبش حاجه فيها الطمع باينه من الازاز والمحفظه كانت تبقى في الدرج أحسن من ما تسيبها على الكرسي.

---

كنت عايز أقول نفس الكلام دا وأكد عليه,
حتي لو ركنت راكن في باركنج عليه حراسة, متسيبش حاجة علي الكرسي الجانبي أو علي الطابلوة أو حوالين الفتيس ملفتة للنظر,

وربنا يعوضك خير, وحسبي الله ونعم الوكيل في اللي أستحل أنو يكسر أزاز عربيتك ويسرقك ويحاول يشتري حاجات بالفيزا بتاعتك.

حسبى الله ونعم الوكيل

ربنا يخلف عليك

صدقنى لو سايب قدامهم جنيه هيكسرلك الازاز

حسبى الله و نعم الوكيل انا مش عارف الناس دى بتقبل ازاى فلوس حرام على نفسها ؟ و زى الاخوه الاعضاء ما وضحوا ان الموضوع ده اتقتل بحث فى المنتدى عشان منهريش كثير الواحد بلاش يسيب فرصه واحده فى الميا تكون سبب فى كسر ازاز حتى لو سندويتش بجنيه فما بالك بمحفظه او سرقه عربيه الواحد يسيب العربيه شغاله ثوانى هيجيب حاجه و يحاول يركب انذار و قفل دركسيون و يركن فى مكان مضمون و ربنا يستر

ربنا يعوض عليك
و العوض على اللة فى البلد اللى حلاص مابقتش تنفع الواحد يعيش فيها عيشة ادمية

حد يسيب محفظة على الكرسي
أنا نزلت أصلي الجمعة في مسجد على الطريق الزراعي
يدوبك ربع ساعة رجعت لقيت الحرامي سرق علبة السجاير ونظارة رخيصة كنت عاملها مخصوص عشان اسيبها في العربية بدل ما اشيلها رايح جاي
لأني للأسف تركتهم واضحين على التابلوه
ربنا يكون في عونك

ياعم حرام عليك
وانت راجل مخضرم فى المنتدى وشوفت قصص وحكايات وروايات فى الفترة اللى فاتت
وتسيب المحفظة على الكرسى !!!
ده الواحد بيخاف يسيب الفكه أو كيس فيه شويه طماطم على الكنبة !!!

قدر الله وماشاء فعل
خير الحمد لله

قدر الله و ماشاء فعل ربنا يعوض عليك يا أ. احمد
حتى سمارت بيحصل فيها الكلام ده
لأ و الحرامى نزيه رايح يشترى بالفيزا و يسحب بيها فلوس
يعنى حد المفروض عارف يعنى ايه فيزا و ازاى تستخدم مش حرامى معدم عمره ما شافها فى حياته

قدر الله و ما شاء فعل.

مش متخيل .. يعني الكلام ده جوة القرية الذكية نفسها .. غريبة جدا.

دي مترزعة عساكر من جوة.

شفت النهاردة الصور على كاميرات المبنى
بس للاسف الصور جاية من بعيد ووشه مش باين
لابس جينز وقميص وشايل شنطة كتف
يعنى شكله متعلم

قدر الله وماشاء فعل ................ الحمد لله على اد كده واحنا مش بنتعلم بالساهل .

اللي سرقك شافك و انت بتحط المحفظة في العربية اكيد جنايني و لا عامل من الفواعلية
تعمل ايه تعرف و قت محاولة السحب و الشراء و عن طريق كاميرات ماكينات atm و كارفور تجيب امه!! ممكن تمشيها معاهم ودي او هتتطر تعمل محضر و النيابة تعمل امر
انا لو منك متسيبوش انت الحمد لله مخسرتش غير بطايق و رخص و كده فمتعكننش نفسك و اديك بتتسلي لحد ما تجيبه

اقتباس:

---

المشاركة الأصلية كتبت بواسطة thebutcherr

اللي سرقك شافك و انت بتحط المحفظة في العربية اكيد جنايني و لا عامل من الفواعلية
تعمل ايه تعرف و قت محاولة السحب و الشراء و عن طريق كاميرات ماكينات atm و كارفور تجيب امه!! ممكن تمشيها معاهم ودي او هتتطر تعمل محضر و النيابة تعمل امر
انا لو منك متسيبوش انت الحمد لله مخسرتش غير بطايق و رخص و كده فمتعكننش نفسك و اديك بتتسلي لحد ما تجيبه

---

ما ده اللى نويت عليه
كاميرات المبنى عندى مجبتش صورته
مش عارف الباقى نظامه ايه
وهيحتاجوا شغلانة فى النيابة لسه

آنا اسف بس حضرتك بالحركه دي ممكن تخلي واحد محتاج يتحول لحرامي وممكن يكون الي سرقك ده اول مره يعملها

متضايقش نفسك
الحمد لله انها جت على قد كده
ربنا ان شاء الله يعوض عليك بكل خير
ماتسبش اى حاجة تانى واضحه جوه العربيه حتى لو حاجة تافهه
ونصيحة حاول لو رايح مشوار وهاتتأخر حط عليها غطاء
كده مش هايبقى باين اوى للماشيين ايه اللى جواها

ولا يهمك يا احمد والحمد لله انك بخير
شوف الازاز اللى عندنا فى فيصل حسن محمد مش هتفرق كتير عن التوكيل ده جانبى

ركبت الزجاج النهاردة ماركة امان
بس سرعة النزول او الطلوع ابطأ من الزجاج اللى الناحية التانية
هل ده عادى
الزجاج كهرباء

القريه الذكيه المفروض من الاماكن الامان جدااااااااااااااااا كل كام متر راجل امن وكل ال عليهم متركنش هنا بس غريبه جدااااااااااااااااااا



الحمد لله انك بخير

اقتباس:

---

المشاركة الأصلية كتبت بواسطة Elawany13

ياعم حرام عليك
وانت راجل مخضرم فى المنتدى وشوفت قصص وحكايات وروايات فى الفترة اللى فاتت
وتسيب المحفظة على الكرسى !!!
ده الواحد بيخاف يسيب الفكه أو كيس فيه شويه طماطم على الكنبة !!!

قدر الله وماشاء فعل
خير الحمد لله

---

فعلا فعلا

اقتباس:

---

المشاركة الأصلية كتبت بواسطة a.saad

ركبت الزجاج النهاردة ماركة امان
بس سرعة النزول او الطلوع ابطأ من الزجاج اللى الناحية التانية
هل ده عادى
الزجاج كهرباء

---

لما كان الزجاج عندى مكسور وركبته برضه كانت نفس المشكله
وديته لحد تانى ركبهولى واتظبط وبقى تمام
هو موضوع بسيط بيفكوه وبيحركوه يمين شويه او شمال شويه وبيتزبط

انا مره اتسرقت وكان بين العربيه وبين كشك الشرطه العسكريه فى ش الخليفه المأمون 100 متر

الحراميه بقوا بجحين اوى

اقتباس:

---

المشاركة الأصلية كتبت بواسطة ahmedfathi

انا مره اتسرقت وكان بين العربيه وبين كشك الشرطه العسكريه فى ش الخليفه المأمون 100 متر

الحراميه بقوا بجحين اوى

---

عادى ياباشا
انا المرة اللى اتسرقت فيها كنت جوه الجيش

Sent from my GT-S6500D using Forum Runner

ما اعتقدش حد من اللي شغالين في القريه الذكيه .. و لا حتى العمال اللي بيجم يشتغلم ..لانهم بيخافم جدا
غالبا ده واحد من الزوار و كان مستني اي حد تاني و لقى الفرصه دي انه يشيل ذنوب ..

ربنا يعوض عليك ان شاء الله .. وكان لازم تبلغ امن القريه الذكيه لان اللي حصل ده فضيحه ..

ربنا يعوضك خير باذن الله
بس انت بصراحه غلطان جدا
ممكن تجيب الزجاج من الحرفيين استيراد
او جديد من التوكيل
لازم تربط مكنة الازاز كويس و انت بتركب الزجاج + تنضف الازاز كويس جدا من فجوات و صاج الباب

قدر الله وما شاء فعل

والمهم انك بخير يا أستاذ احمد

حمداً لله على سلامتك يا عمنا
محدش مننا بيتعلم ببلاش

ربنا يخلف عليك ... ويحفظنا جميعا من أمثال هؤلاء

أنا مش فاهم إزاي حاول يشتري من كارفور وما اتمسكش ... ده لما أي حد بيحاول تشتري حاجة بالفيزا من كارفور بالذات الكاشير يا إما بيطلب البطاقة بتاعته يا إما يدخل البن الكود بتاع الكارت والأمن موجود في كارفور على كل كاشير

وأزاي حاول يسحب برضه والماكينة ما سحبتش الكارت منه

اقتباس:

---

المشاركة الأصلية كتبت بواسطة d . A .\ ayman

ربنا يخلف عليك ... ويحفظنا جميعا من أمثال هؤلاء

أنا مش فاهم إزاي حاول يشتري من كارفور وما اتمسكش ... ده لما أي حد بيحاول تشتري حاجة بالفيزا من كارفور بالذات الكاشير يا إما بيطلب البطاقة بتاعته يا إما يدخل البن الكود بتاع الكارت والأمن موجود في كارفور على كل كاشير

وأزاي حاول يسحب برضه والماكينة ما سحبتش الكارت منه

---

فيه كارت اتسحب
الشراء من كارفور كان ب 2700 وممكن يتحجج انه مش عارف الرصيد الصح
مش كل الفيزا تطلب الكود عند الشرا

اقتباس:

---

المشاركة الأصلية كتبت بواسطة aliabutaleb

حمداً لله على سلامتك يا عمنا
محدش مننا بيتعلم ببلاش

---

الف شكر
المرة دى الدرس كان غالى

اقتباس:

---

المشاركة الأصلية كتبت بواسطة wawamoha

ما اعتقدش حد من اللي شغالين في القريه الذكيه .. و لا حتى العمال اللي بيجم يشتغلم ..لانهم بيخافم جدا
غالبا ده واحد من الزوار و كان مستني اي حد تاني و لقى الفرصه دي انه يشيل ذنوب ..

ربنا يعوض عليك ان شاء الله .. وكان لازم تبلغ امن القريه الذكيه لان اللي حصل ده فضيحه ..

---

اقتباس:

---

المشاركة الأصلية كتبت بواسطة moha4tec

ربنا يعوضك خير باذن الله
بس انت بصراحه غلطان جدا
ممكن تجيب الزجاج من الحرفيين استيراد
او جديد من التوكيل
لازم تربط مكنة الازاز كويس و انت بتركب الزجاج + تنضف الازاز كويس جدا من فجوات و صاج الباب

---

اقتباس:

---

المشاركة الأصلية كتبت بواسطة m7amd_7amdy

قدر الله وما شاء فعل

والمهم انك بخير يا أستاذ احمد

---

كتر خيركم جميعا طط

مش ممكن تجيبه عن طريق كاميرات المراقبه بتاعت كارفور اكيد على كل ماكينه كاميرا مراقبه واكيد بالفيزا هتعرف هو سحب الساعه كام بالظبط

الحمد لله انها جت على اد كده
ولازم تخلى بالك ومتسيبش اى حاجه ظاهره دول ممكن على شان جنيه يكسر الازاز
والزجاج اعمله عند دكتور جريش

ربنا يعوضك خير بس الواحد مايسبش اى حاجه على الكرسى

معلش يا باشا
تعيش و ااخد غيرها
و محدش بيتعلم ببلاش

اقتباس:

---

المشاركة الأصلية كتبت بواسطة a.saad

فيه كارت اتسحب
الشراء من كارفور كان ب 2700 وممكن يتحجج انه مش عارف الرصيد الصح
مش كل الفيزا تطلب الكود عند الشرا

---

السؤال بقي
يا تري دفع ال 2700 جنيه و لا عمل ايه

محدش بيتعلم ببلاش

قدر الله وما شاء فعل
معلش يا احمد باشا

اهم حاجة سلامتك ونصيحة من اخ متيبش اى حاجة مكشوفة فى العربية محفظة لاب توب موبايل اى حاجة لان الحرامى بيكسر القزاز وبيسرق اى حاجة حتى ولو اى اشنطة لانها حصلت عندنا فى شركة بابا عربية نقل كان فيها شنطة كسروا الازاز وخدوها بس الحمد لله كان مبلغ تا فة