عاوز رأيكوه فيه قدامى كيا ايرانى < سابا> موديل 2006 هاتش باك كامله مانيوال
عامله 8 الاف ك
مطلوب فيها 43,5
ايه رأيكو
عاوز رأيكوه فيه قدامى كيا ايرانى < سابا> موديل 2006 هاتش باك كامله مانيوال
عامله 8 الاف ك
مطلوب فيها 43,5
ايه رأيكو
Walahee ana sokt el kia pride el hatchbak el koree 7awalee 7 seneen. el 3arabeya dee momtaza le masr. ektesadeya gedan w 7amalet aseya. keta3 3'eyarha enaharda re7'eesa gedann. ana sokt mara el 3arabeya el iranee dee kanet kowayessa. feeha takreeban kol mazya el kia zaed el kamaleyat(takyeef + center+ ezaz kahraba) w motorha akwa men el motor elee nezel ma3a el kia el koree .
el iranee motorha 1300 cc , el koree motorha 1100 cc bass.
ana mesh mota2aked en el motor beta3ha koree wala laa. bass law el motor koree fa dee teb2a 3alama kwayessa. el mohem tekshef 3alaa el 3arabya 3and ma7ata mota7'asesa.
w fel nehaya el ray el awal wel a7'eer leek.
thaaaaaaaaanx
ابو نورا اكتر واحد يفيدك
لأنه معاه واحدة
فعلا و ممكن تبعتلة رساله خاصة علشان ممكن ميكونش شاف الموضوعاقتباس:
ابو نورا اكتر واحد يفيدك
لأنه معاه واحدة
الحقيقة العربية دى عاجبانى جدا, هيا مستوى الخامات فيها ليس بممتاز ولكنه مقبول و لكن العربية كموتور واداء وعفشة وسحب وثباتو انا ركبتها مع ابو نورا امبارح ولفينا بيها طول النهار, بسم الله ما شاء الله عجبتنى جدا ولكن يعيبها طبعا التقفيل الشرق اوسطى وابو نورا اكيد هيقولك على الحاجات دى :)
انا اسف مشوفتش الموضوع الا دلوقتي (علي فكره انا مش متابع الموقع عامة فلو فيه استفسار عاجل ياريت تبعت علي الخاص او ايميل)
بص يا سيدي العربية ممكن تبان غريبة الاول لان شبكتها وفوانيسها متغيريين مع امكانية تركيب الفوانيس القديمة والشبكة القديمة بس طبعا الفوانيس الكريستال اللي نازلة مع الايراني اجمل
لاكن العربية هيا هيا البرايد الكوري ومتصنعة في نفس خط الانتاج الكوري بعد نقلة لايران سنة 99
ثانيا العربية اثبتت كفائة في الاسواق السورية وحققت المركز الاول في المبيعات وبعديها الهيونداي فيرنا بس السابا مبيعاتها كانت اكتر للتاكسي وانت عارف العربية اللي تشتغل تاكسي تبقي عربية اكل عيش
من حيث قطع الغيار فهي متوفرة في كل الاماكن وهي هي نفس قطع غيار الكيا القديمة ما عدا الشبكة والفوانيس الامامية فقط
العربية تختلف عن القديمة في النقاط التالية
1- نفس الوزن مع موتور 1300 سي سي بعزم 100 علي 2800 وقدرة حصانية 62 حصان وده طبعا مخلي سحبها حلو جدا وادائها حلو جدا مع الحمولة علي عكس الكوري
بالاضافة لسلاسة الاداء علي السرعات البطيئة لدرجة ان كفاية تدي العربية الغيار الاول او التاني وهي هتمشي باستمرار حتي لو الطريق مكسر
2- الكوري (معايا واحدة عصفورة مو 97 اول يد برضوا) هتعافر معاها عشان تجيب 140 الايراني سهل توصل بيها ل 160 واقصي سرعة ليها 180
3- الايراني اعلي من الكوري وده كويس عشان المطبات بس بالنسبة للسيدان ده هيفدك نسبة من توازن العربية علي السرعات العالية لاكن الهاتش باك لاء
4- الاسكسوارات هشة والخامات فقيرة جدا (جلد ، تابلوة ولاعة كاسيت )
6- البطارية الايراني اللي بتنزل معاها وحشة وانا غيرتها في التوكيل بواحدة كلوريد بضمان خارجي
7- الكاوتش بتاعها حلو بس اتخزن كتير فهتلاقية ناشف حبتين انصحك تمشي نفسك بيه سنة ولا اتنين وتبقي تغيرة
8- الجنط صغير 13 والكاوتش 165/65 بس ممكن تكبرة ل 165/70 R14 بس اوعي تعرض عشان هيحك في كرتيرة الرفرف واصلا الكاوتش عرضة كويس 165
9- الصاج ضعيف وده عيب متوارث من الكيا الاصلية بس السبب مش ضعف الصاج نفسة لاكن المشكلة ان الرفارف فيها بومبيهات كبيرة وده بيخلي تطبيقها سهل لاكن في المقابل الاكصدام من اقوي ما يكون في العربيات الحديثة ولو هتقارنة يبقي تقارنة باكصدام الادا انا خبطت بيه شاهين فوقع اكصدام الشاهين وعندي اتشرخت الشبكة كمان الابواب فيها بارات صلب عرضية
10- العفشة ناعمة جدا وهتحس بنعومتها اكتر لو غيرت الكاوتش بس ده ميزة وعيب خاصة لو هتاخد غرزة علي سرعة لازم تاخد بالك ان العفشة طرية وهتعوم العربية شوية
11- نصيحة لاي عربية تقفيل شرق اوسطي (عالم ثالث) اول ما تاخد العربية روح ربط العفشة وقواعد الموتور وكل حاجة بمعني الكلمة (يعني كل مسمار) وراجع الزوايا والترصيص واكشف علي البطارية وعلي خلوصات وارتفاعات دوسات الفرامل والدبرياج وكل الافايزات والخراطيم
مش عارف اقولك ايه تاني بس لو عندك استفسار كلمني ولو تحب تكشف علي العربية قولي وانا اجي معاك
(اخوك) وائل مجدى ، ابو نورا (نانا الزنانة)
نسيت اقولك ان الانجشكن يونيت والبوبينة من سيمنز وديه متوفرة لانها نازلة في اكثر من نوع تاني علي سبيل الزكر الهيونداي