السلام عليكم
حاشترى ان شاء الله تلفزيون 27 بوصة
محتار بين سامسونج او توشيبا
افديونى بالله عليكم من واقع التجارب
اللى مرت عليكم
عرض للطباعة
السلام عليكم
حاشترى ان شاء الله تلفزيون 27 بوصة
محتار بين سامسونج او توشيبا
افديونى بالله عليكم من واقع التجارب
اللى مرت عليكم
سامسونج طبعا وعن تجربة وخليك فى 32 بوصة led افضل ومبروك على التليفزيون الجديد !
انا جايب led توشيبا 40 بوصة وشايفه جميييل جدا وتصميمة حلو اوي ونحيف جدا
وطبعاfull HD
سامسونج توكل على الله
صديقي المواطن
قولا واحدا ولا كلام قهوة من غير جمبري
سامسونج بالتلفزيونات تتفوق على توشيبا
وبالتوفيق وإلى اﻷمام ومن نصر إلى نصر
ودمتم للنضال
طيب خدمات ما بعد البيع
هل من مجرب
بيتهيئلي سامسونج هيبقى افضل من التوشيبا بس التوشيبا في خدمات ما بعد البيع ممتااااااااااااااااازة
سامسونج وابدا من 32- توشيبا كان فى التلفزيون العادى-
الاول سامسونج يليه ال جى -
وكلامى عن تجربه
بس خللى بالك عشان فى مليون نوع من ال led هتلاقى كل نوع ليه series يعى فى series 4 و series 5 وهكذا كل ما تعلى فى الرقم يبقى الامكانيات والصورة اعلى ومتسترخصش فى الحاجات دى عشان متخنقش نفسك بعد كدة
ادخل الرابط ده وخد فكره عن الموديلات
عروض و اسعار شاشات و تليفزيونات في مصر. التوصيل إلى المنازل مجانا. القاهرة للمبيعات
سامسوسنج انا عندي الاتنين
نتوكل على الله وهانجيب سامسونج
ادعولى علشان اجيب حاجة حلوة
Samsung SyncMaster S27B750V Series 7 27 inch Smart LED LCD Monitor | Price in Egypt سعر فى مصر | Micro Labs
انا باذن الله هاشترى الشاشة دى بكرة
ايه رأيكم على ادى اماكنيتى
وهاتشتغل على ريسسفر اتش دى
النصائح
اتوكل على الله
مش صغيره دى ؟ ولا انت جايبها للبى سى والكونسول ؟
حاول لو تى فى متجيبش اقل من 32 وان كانت ال 32 دلوقتى صغيره اساسا
توكل على الله السامسونج عموما كويسه وممكن تشترى led عادية وبلاش السمارت بتبقى غالية وامكانيات مالهاش لازمة انصحك تشترى شاشة سامسونج 27 العادية ومفيش فرق كبير فى الصورة بين السمارت والعادية وروح كارفور هناك عارضين كل الموديلات وقارن براحتك وممكن تشترى 32 بوصة عادية بسعر ال 27 بوصة السمارت وطبعا فرق الحجم افضل من الأمكانيات العالية وبراحتك !!
فى التليفزيونات : size really counts
شوف دى ، سعرها مناسب ، والـ LG لا تقل عن السامسونج بأى حال.
ال جى 32 بوصة ال اى دى اتش دى TV 32LN5110 – القاهرة للمبيعات – LG مصر
هو الـ smart هيفرق معاك؟
سامسونج وبس
هااااااات سامسونج
التوشيبا فيها عيب رخــــــــــم جدا
لو شغلت فيديو من فلاشة بملف الترجمة العربى بتاعه
الشاشة ما بتقرأش الترجمة ،، بتقرأها حروف عجيــبة كدا مش عربى
لكن السامسونج الموضوع ده مظبوط فيه .
طيب مشكلة بلد الصناعة
مش موجود الوقتى الا صينى ومصرى
هل التقفيل الصينى افضل من المصرى
بصراحة انا حايف اجيب مصرى وعمرى ما اشتريت شاشة صينى بضمان مترا 3 سنوات ايه الحل
سامسونج اكيد
مش لاقى ماليزى
اجيب صينى ولا اعمل ايه
بضمان مترا
ايه رايكم
معلش ممكن سؤال
عايز اعرف انتا حتستخدمها لايه وميزانيتك كام
لان القرار السليم بيأتي من خلال تحديد الاحتياج وثم الميزانية
حتي لاتدفع كثيرا علي شيء لن تستخدمه وزيادة عن حاجاتك بداعي مواكبة التطور التكنولوجي الفارغ
علي الهامش
الشاشة اللي اخترتها دي
Samsung SyncMaster S27B750V Series 7 27 inch Smart LED LCD Monitor | Price in Egypt سعر فى مصر | Micro Labs
مش كويسة ال Contrast Ratio: 3000:1
وده في عالم الشاشات حاجة قليلة جدا
حدد احتياجك اولا واقصي ماتستطيع دفعه وحقولك ان شاء الله الافضل والمناسب لك
تلفزيون
اخرى 2000 جنيه
الصينى ام التقفيل المصرى
انا شايف الصينى افضل والله اعلم !!
توكيل سامسونج وضمان ساميونج فى مصر خداع بصرى
توشيبا بلا جدال
الشاشة دي كويسة
ASUS VS239HR IPS 23 inch LED LCD monitor | Price in Egypt سعر فى مصر | Maximum Hardware
أنا معايا بقالها كام شهر وبفكر أبيعها وأجيب ال27 أختها
مميزاتها
Panel Type: IPS
ASUS Smart Contrast Ratio (ASCR): 80000000:1
Response Time: 5ms
لو تعرف تجيب السوني برافيا انجين تبقى تمام لو مفيش مقدره خليك في السامسونج افضل
سامسونج شاشة 32 بوصة ال اى دى اتش دى UA 32EH4003 – القاهرة للمبيعات – SAMSUNG مصر
ايه رايكم
مفيش فى السوق غير المصرى
فيه مشكلة ولا ايه رايكم
توشيبازى الزفت
انا عندى سامسونج32 و اشتريت بعده توشيبا 32 led
السامسونج اعلى واحلى بكتير
وجبت بعدهم سونى 32 برضه
السونى افضل التلاته
التصنيع مصرى مش لاقى فى السوق غيره والضمان سنتين
مفيش ماليزى فى السوق خالص او صينى حتى
سامسونج افضل شاشه فى العالم حاليا
و تبقى حقيقه و امر واقع ان سامسونج اليوم هو الصانع رقم 1 فى الشاشات ....
ده طبعا لا يلغى ان توشيبا اسم قديم و عريق جدا فى عالم الاكترونيات ... و لو سعره افضل .. اتكل على الله ... مش حتحس بأى فروقات ظاهريه ...
تحياتى ...
لفيت السوق تانى النهاردة
الماليزى موجود 40 بوصة ب 4000
الباقى اللى موجود مصرى ضمان سنتين
ورحت توشيبا العربى بقيت افضل حاجة 32 ب 2550
نفسى فى ساسمنوج بس ماليزى
مش لاقى غير المصرى ايه رايكم فى الموديل ده اتوكل على الله
سامسونج شاشة 32 بوصة ال اى دى اتش دى UA 32EH4003 – القاهرة للمبيعات – SAMSUNG مصر