محتاج مساعدة ضرورى خنقة في العربية بعد rpm 4
السلام عليكم ورحمة الله
انا عربيتي نوبيرا 1 كوري اوتوماتيك موديل 97
عندى مشكلة بقالها سنة واحترت فيها بجد
العربية لما اكبس او اعمل كيك داون و عند ار بي ام 4 اسم صوت تفتفة من الشمكان "التفتفة كأنها تفصيلة على خفيف" و العربية تتخنق جدا جدا لازم اخف رجلى علشان تسحب والنقطة التانية العربية مستحيلللللل تعدى 140 و غلبت معاها بجد
على مدى السنة اللى فاتت غيرت التالى
فلاتر كلها متغيرة
كنترول غيرتة
حساس TPS وحساس MAP غيرتهم
بوجيها غيرتها
سلوك بوجيهات غيرتها
طرمبة بنزين غيرتها
فتيس بحالة غيرتة كان باظ وجبت واحد بدالة
بلف egr لغيتة
لمبة التشيك مبتنورش
واستهلاك البنزين على السريع 180 كيلو في الصفيحة وجوة البلد 160 تقريبا حسب
انا هتهبل بجد ومفيش ميكانيكي عارف يتصرف لو يكتشفلى حل
المشكلة التانية اخر مرة كنت بصلح فيها العربية كنت في القاهرة و مسافر على الصحراوى مصر اسماعيلية كانت الفرامل محجرة جدا تحت رجلى المهم ربنا اعانى ووصلت بالسلامة
رحت لميكانيكي معرفة المهم اكتشف ان بلف السيرفو مكتوم غيرناه ولكن الفرامل بقت عاملة زي المية تحت رجلى ورعبانى وحاسس كأنها مش بتمسك "اتقلبت للنقيض " انا حاليا ماشي بستر ربنا ولكن حد فيكم ممكن يقولى ممكن تكون محتاجة اية ؟؟؟؟
تعبتكم معايا معلش
