الموضوع: مفاجئات العفشة

[

المشاركة الأصلية كتبت بواسطة abokoko

تجربة فاشلة او غير مرضيه

اليوم ذهبت لتركيب المقص الاستيراد
جلب المقص محجرة ومش راضية تفك والعفشجى قال نركبهم بيهم !!

المشاركة الأصلية كتبت بواسطة ايمن رجب

لو العربية جديدة انصحك بقنطرة جديدة وجوز مقصات سفلى فى التوكيل (المقصات زى الكاوتش بيكب مع بعضه)
القنطرة الجديدة ب 250 وجوز المقصات ب 550 وحوالى 100 جنيه تركيب
التوكيل مش غالى
اما لو مش جديدة (ما بتجريش يعنى) لازم تجيب مقص وقنطرة ولو استعمال
لان القنطرة لو فيها مشكلة عمرك ما حتعرف تظبط زوايا وحتاكل كاوتش وحتبقى العربية على كف عفريت
كمان لازم نكشف على المساعد فى الناحية اللى المقص اتكسر فيها لانه لو ناشف حيكسر المقص

العربيه 2007م
القنطرة لحمتها وهو بيلحم وضع قطعة حديد ( سيخ حديد تسليح مبانى ) ولحم عليها
واللحام من اعلى وبالتالى قالوا انه مش مشكلة

المقص الاستيراد
زى ما قلت كان تجربة فاشلة بالنسبة لى
رغم انه راكب الى الان ومش بعانى منه

لكن فى المستقبل هبقي اشترى 4 مقصات جداد
لان المقص العلوى الاتجاه اليمين مكان الجلب وسع
وبيعمل صوت مع الفرامل ( تزييق )

ربنا ييسر الامور واغير المجموعه كلها

حضرتك بتقول الجوز ب250 وانا كنت سالت علي الروسي ب160
فيا ترى الب250 نوعهم ايه ؟؟

المشاركة الأصلية كتبت بواسطة ahmscu

هحكيلك تجربتى مع المقص والقنطرة يمكن تفيدك،وانا بغير زيت بالصدفه وببص على العربيه من تحت لقيت القنطره فيها شرخ صغير جدا رحت للميكانيكى قالى لازم تتغير فورا وعشان انا طبعا بسافر كتير جدا وغابا باليل وساعات بيبقى معايا ابنى وزوجتى فالموضوع قلقنى حبتين وفكرت ان ممكن يكون الميكانيكى عايز يعمل شغل عليا فقلتله طيب سيبنى يومين ودورت على النت وجبت مخطط لعفشة الادا لقيت القنطره دة تقريبا اهم جزء فى العربيه وبتتعرض لكمية رهيبه من الحمل بتاع الادا اللى هى تقيله اصلا فمن ناحيه هى شايله الموتور ومجموعة الفتيس وبيتركب عليها المقصين السفليين وما ادراك مالمقصين السفليين اللى شايلين العجلتين الاماميين بالمساعدين بتوعهم بالسوست كمان يعنى من الاخر القنطرة لوحدها شايله حوالى تلتين العربيه عشان كده بتلاقيها غاليه لانها بتتصنه من حديد صلب مقوى وللاسف لما بتتشرخ شرخ صغير الشرخ بيمشى فيها لانها حتة حديد واحده على بعضها ومعروف ان اىلحام بيبقى ضعيف عشان كده الناس بتبعد عن شراء اى عربيه ملحومه فى القوايم او الشاسيه،يعنى خلاصة الكلام لو الطرق اللى بتمشى فيها كويسه ومفيش مطبات كتير ومابتسافرش يبقى ممكن اللحام يمشيك لكن لو بتسافر وطرقك مكسرة فنصيحه منى اعمل حسابك تغيرها فى اقرب وقت وافضل نوع الروسى ،،وهكلمك برضه على موضوع المقص وتجربتى معاه والاشتغاله اللى اسمها مقص استيراد ،لان موضوع الاستيراد ده فاشل جدا جدا فى رد لوحده

حضرتك الموضوع قديم

انا بعدها غيرت ال قنطرة بجديده

و بعدها غيرت الاربع مقصات والجلب بجديد

وهتلاقي مواضيع ليا بتغييرهم

صراحة الخوف وحش
وشيء مقلق جدا انك تسوق عربيه وانت عارف ان فيها مشكله