الموضوع: حساسة البيئة

المشاركة الأصلية كتبت بواسطة حسام زكى

عندى ابيز2002 لمبة التشيك منورة بعد وضع السيارة على الكمبيوتر قال حساس البيئة بايظ
ممكن اعرف سعرة استيراد وجديد ولو امكن صورتة

لو مقرر انك تغير السينسور نصيحة غير كمان (catalyst converter) هو اكييييييييد غالي شوية بس هترمي فلوس السينسور على الارض لان بعد تركيب السنسور بدون تغير (catalyst converter) بعد فترة قصيرة هيقرا نفس العطل و التشيك هتظهر تاني

النصيحة يجب تغيير الاثنين مع بعض و ده لان عربية حضرتك بقالها 11 سنة فا اكيد الكتاليست مسدود و مليان بلاوي .

للعلم : عدم تغير حساس الاكسجين لا ياثر اطلاقا على اداء المحرك و لكنه ياثر على سحب السيارة يعني هتلاقي العربية في الطلعة مكتومة
يعني لو الحساس بايظ كل اللي هيحصل ان الاشارة اللي خارجه منه رايحه للكنترول هتكون اشارة خاطئه القيمة .. بالتالي الكنترول هيبعت اشاره لحساسات العزم انها تحرق زياده علشان تديلك افضل طاقة فا هنا هتلاقي العربية بتاكل بنزين معاك فقط

على فكرة و للتوضيح مش شرط يكون catalyst مكتوم لانه ممكن يكون سليم و الحساس هو اللي خربان فعلاً .. علشان كدا يجب اخذ الحرص عند الكشف و التاكد من ان الحساس هو اللي خربان .. يعني ممكن تروح عند حد يركبلك واحد استيراد و يوصل الكمبيوتر و يمسح العطل و تستعمل العربية يوم لان احيانا check engine ما تنورش الا بعد 3 او 4 ايام من الاستخدام و ساعات تنور من اول دوارة .

جرب الاول قبل ما تدفع فلوس في الارض

للتوضيح دي صورة catalyst converter و طبعا لاني مش عارف كود الماكينة الخاص بيك فا حطيت اللي راكب على كل الموديلات بنفس سنة الصنع