اه يجوز طبعا ونص!
ياشماتة الاعادي فينا! هي وصلت لكدا؟ لو قلت لواحدة ازي صحتك تبقى خيانةو عيب؟
داحنا في الجلاش :)
عرض للطباعة
موضوع مشابه حصل لي أنا شخصياً مع زوجي
لما جبت تليفون جديد ، وحملت الواتس آب ، والفايبر
لاقيت زملاء عملى بيبعتوا لي تهنية ( زي ما أكون جبت بيت ملك ! )
وشكراً ليهم طبعاً على التهنئة
من ضمن الرسايل من آحد زملائي :
إزايك يا باشا ؟
جوزي شافها - وقال لي إزاي واحد يقول لك يا باشا - آد كدة أنتوا واخدين على بعض !!!
قولت له : دي كلمة معتادة في الشغل
كان مستاء منها جداً
وأستمر في البحث بين المحادثات لفترة طويلة ليرى طريقة تعامل زملائي معي !
لدرجة أني زهقت ولاغيت كل من الفاير والواتس آب
وخليت تليفوني مجرد سماعة حمراء للغلق أو سماعة خضراء للرد .
وقولت له : الجملة اللي أ/ Saddam قالها
يعني أنا في شغلي أكتر من 10 ساعات
ومستنية أغلط ( لا قدر الله ) لما أدخل البيت !!!
وفي الآخر : هو كلمة باشا غلط بجد ! ( يعني هل هو عنده حق في زعله مني؟ )
باشا لما راجل غريب يسأل واحدة متزوجة عن menstrual cycle بتاعها .. يعني عادتنا و تقاليدنا بتقول انه عيب مينفعش .... ده اللي انا فهمته ....
و ده عيب بس العقل بيقول ان فيه في حياتنا حاجات كتير عيب و غلط و الناس ابتدت تعملها فمينفعش ناخد الموضوع قفش ... الراجل يوضح لزوجته ان حاجة زي كده بتضايقة ...
و اللي حصل ده مش معناه انها بتخونه .... كل ما هنالك ان بيبقي فيه حسن نية و عفوية في التعامل بين زملاء العمل واحيانا حاجات شخصية بتطرح للمناقشة العامة في المكتب لسبب او اخر
الكلام ده يعتبر لا شيء بالمقارنة مع ما أراه يحدث في المصالح الحكومية بين زملاء وزميلات العمل
شفت بعيني ازاي بيهزروا مع بعض لمجرد ان واحدة فيهم مستحمية ، لدرجة أنني كنت أخجل وانا مجرد ضيف
الشغل فيه كل حاجة
الاخلاق القبيحة
الاخلاق الحسنة
المعتدل
المتوسط
الغير معتدل
كله بيطفح علي كله وفي الاخر الشخص نفسة يقدر يعمل لنفسة كنترول لكل شخصية من الشخصيات دي
بس في الاخر هيتاثر بكل الناس دي
من الاخر كده المراه عشان تصان وتحفظ تكون جوه بتها عشان متكنش مطمع لكل شخص يراها
عشان الشيطان بيلعب في دماغ كل الناس
السلام عليكم،
مهما كان الكلام بين أي راجل وست، وايا كانت العلاقة محترمة، يجب أن يتدخل الشيطان، عشان كدا موضوع ان واحدة تكلم واحد على النت خطأ من الأساس، بل بعض العلماء اعتبروه خلوة بين راجل وست، وطبعا عندهم حق لأنه بتحصل حوارات كتيرة وكلام كتير وهزار كتير مالوش لازمة. وهاييجي الوقت اللي الست فيه تحكي المشاكل اللي بينها وبين زوجها للشخص اللي بتكلمه، وممكن تكون مشاكل ما ينفعش إنها تتقال لحد غريب، والعكس الراجل ممكن يحكي ليها عن المشاكل اللي بينه وبين مراته ووارد جدا كمان تتقال مشاكل خاصة بحياتهم الخاصة. وفي النهاية ما تنسوش قول ربنا "ولا متخذات أخدان" يعني أصحاب.
وبردوا ما تنسوش "يا ايها الذين آمنوا لا تتبعوا خطوات الشيطان" ربنا قالك خطوات، يعني بيبدأ معاك بصورة كويسة وعينه على هدف شيطاني.
اللهم احفظنا واحفظ نساءنا من كل سوء. اللهم آمين
السلام عليكم
السلام عليكم
اكيد كلمة باشا من رجل لسيدة لاتمت له بصلة سوى زمالة عمل بها شىء من الدلع لها او الاعجاب بها وارى ان زوجك محق فى زعله من تلك الكلمة ولا يحق لكى ان تزعلى على زعله منها لان من لم يغار على زوجته واهله يعتبر ديوث والعياذ بالله والنهاردة قالك ياباشا بكرة سيتمادى وسيقول اكثر من ذلك
كلآ يرا الناس بعين طبعه