الموضوع: استفسار بخصوص الفكترا b1

المشاركة الأصلية كتبت بواسطة maam

عايز تجيبها ، هاتها
بس بـ 45 هاتحتاج حبة شغل حلوين
الفئة اللي تدور عليها لما تلاقيها بنت ناس يعني صاحبها مهتم بيها والصالون حالته حلوة والشنطة لما تشيل الفرش تلاقيه نضيف ومافيش بارومة ، ولما تفتح الكبوت وتشوف المكنة تلاقيها نضيفة يعني مافيش زيت مغرقها ، وتلاقي غطيان العلب موجودة والأسلاك كلها معزولة بعزل بلادها أو هو عازلها بشريط اللحام الحراري

دا طبعا بعد اما تكون اتأكدت ان العربية فابريكة جوا ولو لاقيته فابريكة برا كمان يبقى مصلحة بس صعب

العربية عايزة روقان ولف ودوران مش تنزل السوق وساعة وتكون خلصان !

وزي ماقولتلك الـ 45 يجيبوا شوما حالة حلوة وسيفيا حالة ممتازة وارشحلك السيفيا عشان اكسسواراتها الخارجة موجوة بكثرة عن الشوما

الله يبارك لك جبت الخلاصة وربنا يجعله في ميزان حسناتك
الف شكر ليك ... هل سوق السيارات اللي في مدينة نصر الاقي فيه طلبي ولا بقي كله تجار

كان عندي خرطوم الفايز برده مشقق وكان بيسرب بنزين لما أملى التانك على الآخر
بس أنا عشان كدة مكنتش بأملاه على الآخر لحد ماغيرته وبقى كل شيء تمام