بصمة موتور جولف

**ghost_hamdi** · 01-11-2013 08:02 AM

السلام عليكم انا ربنا كرمني واشتريت جولف ٤ موتور ١٦٠٠ ودفعت الفلوس واخدت شهادة المخالفات
والرخصة كانت منتهية ولماً روحت ارخص العربيةً في المرور اللي
انا تابع ليه وهمً بيرفعوا بصمة الموتور لقوً ان الرقم مختلف عن اللي مثبوت في الرخصة وشهادة البيانات
وقالوا عايزين افراج جمركي للموتور
ولما كلمت الراجل اللي اشتريت منه قالي ان الموتور متغير وانه مثبوت في الرخصة
وانا الراجل بتاع المرور رفعه غلط وقالي متقلقش خالص وان الرقم موجود في جسم
الموتور من تحت حاجه اسمها. ( رقم دق محلي علشان ده موتور استيراد)
انا بس عايز حد يقولي ده مكانه فين في الموتور؟؟؟؟؟؟
علشان عايز اقول لبتاع المرور علي مكانه

**chiko** · 02-11-2013 10:58 AM

الرقم المحلي .. معناه ان الماتور اللي راكب مش جاي بورق .. و كل ما هتروح ترخص هيقرفك بسبب الرقم ده .. طبعآ هو جاب الماتور ده لان سعره ارخص من الماتور اللي بورق ..

**mado_xxx** · 22-11-2013 07:42 AM

هرد عليك باسلوب اخونا الفاضل saddam
صديقى المواطن
خد العربية دى وارميها فى وش صاحبها وخد فلوسك من غير ماتدفع الشرط الجزائى
لان ده راجل نصاب وحرامى
وكمان لو معرض تروح تبلغ عنه لان كده ممكن يكون الموتور ده طالع من عربية مسروقة ولا جاى من اى مصيبة
وحسبى الله ونعم الوكيل فى دى بلد

**jackal** · 28-11-2013 07:31 PM

معليش يا رجاله بس كلامكم غلط وكده خلتو الراجل كره حياتو
انا عربيتي نفس القصه ومعرفناش نجيب الرقم ولما كلمت الي اشتريت منو الي موجود وبرده دق محلي .رحت لميكانيكي طلعه وكان رقو عامل زي رقم الطفايه كده
والمرور اكد انو صح لانو كان مسبوت

كل القصه ان لو الشحنه بتاعت المواتير فيها مشكله في الورق الجمرك يدق رقم جديد ويسميه دق محلي بس كده ومفهوش اي مشاكل

الخلاصه صاحب العربيه يروح للميكانيكي وهوا هيطاعهولو ويوريلو مكانه بس كده