الضيف خد جزاؤه فورى وان شاء الله يكون اتعلم الدرس
اما صاحبك ده ميركبش معاك تانى :ANSmile13:
عرض للطباعة
واحد اعرفه كنا جايبين عربيه جديده اول مره شافها مفيش بعدها بربع ساعه اتخبطت وهى واقفه بعدها واحد صاحب والدى جاب عربيه برده صاحبنا ده اول ما شافها اتخبطت فا صاحب والدى بيكلمه بيقوله العربيه اتخبطت اصل فلان شافها النهارده اول ما جاب سيرته مفيش دقيقه والدى نزل من العربيه لقى الكاوتش نايم
ههههههههههههههههههههههههه
فكرتنى بواحد صاحبى كان سهران مع ناس بلدياته وواحد منهم بيهزر معاه وبيقوله هو ابوك لسه عايش لحد دلوقتى مش كفاية عليه كده.... رووح البيت لإيه توفى (الله يرحمه ويرحم موتانا جميعا) ...
المهم لما روحنا نعزيه معرفناش نعزيه ليه بقى ؟؟؟؟؟
كان ماسك سلاح وبيلف البلد كلها على بلدياته اللى فول على ابوه ...
بس الحمد لله بلدياته سافر لناس قريبه فى بلد تانيه ومجاش البلد غير على السنوية ...
عليكم بالمعوذتين و بسم الله ما شاءالله لا قوة الا بالله
انا ليه واحد صاحبي أستاذ ورئيس قسم ودكتور في الموضوع ده بجد لا يعلي عليه متميز جدا ولو حد عاوز خدماته يتفضل علشان أنا اتهريت منه وليا معاه تجارب وربنا ينجينا
اللهم احفظنا
اول مااتخرجت اشتغلت علي طول بعد ما استلمت الشغل بكام يوم قبلت واحد صاحبي في الشارع قلي اية يا عم انت فين بقالك كام يوم مش باين قلتلة اصلي اشتغلت الحمد لله قلي يا راجل (اصلة مكنش ليسة اشتغل) وبعديها بنعدي الشارع بنطلوني مسك في حديدة في الجزيرة ايلي في نص الشارع واتقطع قلت الحمد لله جت علي اد البنطلون
انا ليا تجارب عديده مع تلت اشخاص سبحان الله
واحد ايام المدرسه كان فظيع
واحد صاحبنا جاب موبايل قاله وريني وريني باظ في ساعتها
المهم المعلم جه عندي البيت قعد عل الكومبيوتر بيقولي الالعاب عندك سريعه الباور ضرب والجهاز شغال غيرته
تاني مرا بيقولي جهازك بقاله كام سنه قولتله تلاته قالي دا انا جهازي بقاله 5 سنييييييييييين قام مطلع شاشه زرقه والهارد ضرب اقسم بالله قريت عليه المعوذات وايه الكرسي بعد ما مشي واشتغل الحمد لله
تاني واحد كان جار صحبي
قاعد في التكيف بيقولهم التكييف دا قديم بس بارد قام التكييف معدش اشتغل اي حد يجي يصلحه يقوله هو مفيهوش مشكلة امال مش شغال ليه ومرجعش زي الاول
تاني مرا في ليله قعد يتكلم عن ابنه وانجازاته وانه شغال وبيعتمد على نفسه وجايب عربيه
ابنه عمل حادثه وجاله شلل نصفي
بلاش اكملك لان الراجل دا كان محترف انا كنت بخاف اقابله او اشوفه بصراحه
غير فيه ناس على خفيف بقى
من ضمنهم واحد كنا بنتفرج على فيديو تخميس لسه بيقول العربيه دي غول قامت ولعت هههههههه
العين حق ساعات بيكون نصيب وقدر وفيه ناس معروفه ان عنيها وحشه وربنا يسترها علينا
أفتكر من حوالي سنتين أحد الزملاء ورث مبلغ محترم من والده الله يرحمه, وجاب مرسيدس c200 موديل 2001, أوّل ما جابها الشغل ابتدت تعليقات من نوع "مرسيدس مرّه وحده!, الله يرحم ايّام الصني! , ما تجيب لفة يا عم"
سبحان الله جايين نطلع بيها آخر اليوم, العربية حالفة ماهي دايرة! في ايه يا عم الحج؟ أتاري العربية جابت مارش. وروحنا قطرناها للحرفيين وغيّرنا مارش ب 600 جنيه.