بص يا باشا..........سواء ده أو ده الأتنين ممكن يتسرقوا.
بس اللي بيتحط فوق ملفت أكتر شوية.
الكاميرا حلوة طبعاً....يعني كاميرا رؤية خلفية بتجيبلك الصورة ورا العربية.
عرض للطباعة
هو ملفت عندك حق بس شكله جامد بس هل هو فكه هيبقي سهل لقدر الله لو حد كسر الزجاج . و موضوع تركيب الكاميرا ده امره سهل ؟
انا مركب الريدر بتاع الكارت حاليا وحجيب ان شاء الله وصله البلوتوث بتاعته عشان هي حسبه ٤٠٠ جنيه كدا على ما تفرج ان شاء الله العمليه مش طالباها مصاريف دلوقتي لكن بالنسبه للقطعتين ما اعتقدش انها تتفك بسهوله ابدا
حد مركب الكارد ريدر زيي وخد باله من موضوع البلوتوث اللي انا قلت عليه في المشاركه السابقه ؟
كنت عايز اعرف يا جماعه هي الكاميرا الخلفية بتتركب في في العربية و اازاي و هل ليها اضرار
اللي اعرفه عن الميجان انها بتتركب ورا جنب النمره كده ومعتقدش ليها اضرار
في حد يا جماعه عنده معلومات عن جمارك الdvd و هلي لما يتشحن هيبقي عليه جمرك و تكلفته كام ؟
و انا طالب 3 و البايع بيسالني يبعتهم كلهم في package واحده ولا يبعت كل واحد في package علشان الجمارك يا ريت لو اي حد عنده معلومات يفيدني بيها
الصراحه معرفش بس الجهاز كبير ولو جبت ٣ حيشكوا انك تاجر فحتبقى دمها تقيل.لو اتبعتوا وحايد يفضل باسماء مختلفه عشان برضه متتهرش.هيا حتفرق حبه صغيرين في الشحن لكن الاضمن ييجوا وحايد باسماء اقارب مختلفه وزياده في الحرص عنوانين او ٣.يعني بيت وشغل وصديق مثلا.
ممكن أشارك معاكم لو سمحتولى:
أولا أعتقد الجمارك ممكن تغلس على الموضوع جامد مش علشان الكمية لأ ....أنما علشان موضوع ال gps
بيركبهم ميت عفريت أول ما يسمعوا سيرة ال gps و يتبعت فحص و لجنة و حوار.....يا ريت التأكد جيدا من هذه النقطة
ثانيا هل حد جرب الجهاز....نقاء صوت، مدى سهولة التعامل مع السوفت ويير، هل خرايط مصر بتنزل على ال gps و لا لأ
نصيحة لزميلنا اللى ناوى يشترى يجيب واحد فقط فى الأول و يجرب....لو كله تمام يبقى يكمل فى الأتنين التانيين أما لو لا قدر الله طلع فيه مشكلة يبقى خسارة واحد أهون من خسارة تلاتة
طبعا لو فيه حد مركبه و متجرب و عدا من الجمارك يبقى توكل على الله و ألف مبروك مقدما
هوا مش حوار ال gps ده انتهى وخلصنا منه؟؟