الحاجه اللي تخنق ان البلد مفيهاش حد بيبع الموديل ده و لو عايزه لازم تطلبه و يجيلك من بره و تقريبا نفس السعر
عرض للطباعة
الحاجه اللي تخنق ان البلد مفيهاش حد بيبع الموديل ده و لو عايزه لازم تطلبه و يجيلك من بره و تقريبا نفس السعر
يا استاذ تامر اهدأ وكله يتشرح ...هو كدا الضرايب مضبوطه...بس تقدير جزافي..وده بيبقي في حالتين :
1- ان ماحدش جاب السلعه دي نفسها..جه شبيه بيها وسعره اقل والموظف بيشوف ان الموديل ده الذ واطعم فطبعا بيظرف تقدير اعلى
2-عدم تفاهم بين المخلص والموظف...مخلص معووج...قدامه حاجات كتيره وبينجز...الموظف متخانق...بيخلص لمخلص حبيبه شارب معاه شاي امبارح...اه والله
الحل هو اعاده التقييم ...وان شاء الله تتحل
و الله هي البلد كلها حالها اعوج هو كده واقف علينا ب 5390 اللذيذ انهم بيقدروا الضرايب بعد ما يزودا سعر الجمرك يعني الجمارك تبقي 30% 700 و الضرائب 25% تبقي 850 بس والله انا الموضوع خانقني علشان فعلا مبالغ فيه انا كنت متوقع الف او الف ونص و كنت هقول حسبي الله و نعم الوكيل فيهم . رد فعل اصحابي بقي كان مشكله صاحبي اللي صاحني من النوم جالي البيت وفضل يضحك و التاني انا صحيته من النوم اتصدم و قالي لاحول ولا قوه الا بالله الصدمه خلته مش لاقي حاجه يقولها .انا فعلا زعلان اكتر لاني ليهم بس و الله في الاخر هنعمل ايه يا رب بس تطلع زي ما طلبنا و نعرف نستمتع بيها
معاك حق برضه...بس هيه الجمارك دي اقصى درجات العشوائيه وورثت التقدير الجزافي من بت عمها (ضرايب)..ايام ماجبت الكارد ريدر اللي حطيته في الميجان بتاعتي الجمارك عليه كانت 50 جندي بس...قاعده عامه ومتضحكش عليها لو سمحت :)...الجمارك بالوزن..يعني الطرد الخفيف بيبقى جماركه اقل من الطرد التقيل :) وساعات ما بيبصوش في الخفيف اساسا يعني كمان بغزاله
هي فعلا عشوائيه و غباء و النحق بقي بتوع الdhl و برود الاعصاب ولا كانهم مش واخدين فوق الالف مصاريف شحن و اخدين كمان بتاع 500 مصاريف تخليص و دمغات و نظام لو حبيت تعترض اشرب بقي و الوقت هيزيد و كل يوم بفلوس زياده عليا يعني ممكن اللي ينزل من الجمرك ادفعه للdhl مصاريف علشان الشحنه عندهم .ده انا بقوله دلوقتي انت بتحسب كل يوم عليا من ساعت ما وصلت الشحنه ب 20 و التاخير مش من عندي ده من عندكوا او من وزاره الاتصالان علشان ال gps انا ذنبي ايه يقولي هو ده النظام فعلا المنظومه في البلد ديه خربانه
انا وصلي امبارح جهازين و حبت اشاركم الصور قبل التركيب و كمان في صوره للكاميرا ولو حد يقدر يفيدني ديه هتركب فين و ازاي الجهاز الثالث المفروض يوصل بكره او بعده مع ان كلهم وصلوا مع بعض وبعتنا الورق كله مره واحده
بس انا مش عارف احط الصور ازاي يا ريت حد يقولي http://www.nilemotors.net/Nile/data:...PvOK6sZNo//9k=
سجل دخول على الموقع ده بنفس اليوزر و الباسورد بتوع المنتدى
مركز تحميل نايل موتورز
هتلاقي زرار browse أول ما تدوس عليه و تختار صورة هيظهرلك تحتها زرار تاني و هكذا بحد أقصى 10 صور فى المرة الواحدة.
و بعد كده هتضغط أوافق على الشروط و الأحكام.
بعد التحميل هتلاقي كل صورة تحتها مجموعة صناديق واحد منهم مكتوب عليه لينك للمنتديات......هتاخده كوبي و باست على الموضوع على طول.