بعمل سلوك بوجيهات ومحتاج مساااااعده

**sherif309** · 02-11-2013 12:07 AM

انا قررت اعمل سلوك بوجيهات لانها باظت عندي وانا اشتريت استيراد. بس قولت اما افتكس ففكيت السلك والنحاسه وطلعت السلك نفسه ويحاول اشوف ايه انضف خامه سلك تنفع توصل الكهربا وتكون كويسه. فالي عنده فكره يا ريت يقولها. ويكره هرفع صور السلك بعد ما فكيته حته حته للتطوير والبعد عن اسعار الهبل بتاعت اليومين دول. وربنا يوفقني للافضل
http://www.nilemotors.net/Nile/34350...post3874897923

**sherif309** · 02-11-2013 08:24 PM

38 مشاهده ومفيش واحد عنده فكره مفيده

**ghaith_peogeut** · 02-11-2013 08:52 PM

استاذي العزيز انا اعيش في العراق ومن خلال تجربتي وجدت بعض المحلات التي يتوفر فيها سلوك بوجيهات تباع بالامتار وتكون نوعيتها جيدة وتقدر ايضا تشتري العوازل وباقي الاشياء وتعمله بنفسك وانا شخصياً جربتها ونجحت عندي ....

**MITSUKERO** · 03-11-2013 12:11 AM

انت بتخاطر بالموبينه و بالكنترول علشان توفر 200 جنية !

**sherif309** · 03-11-2013 08:54 AM

انا مش هاجى ناحيه المباين لان شغلانه الموبينه انها تطلع كهرباء فقط فاهم حاجه ان السلك الى بيستقبل الشراراة من الموبينه لنقلها للبوجيه يكون سلك جيد خاصه ان مشكله اللانسر معروفه بطقم الكهرباء وهوا دة سبب رعش العربيه مع التكييف وانت واقف فى اشارة وجايب ال d لانى غيرت كل حاجه ممكن تتغير فى العربيه عشان الحوار دة قواعد موتور وفتيس اصلى وبوجيهات وسلوك اصلى وفلتر هوا اصلى ولسه العربيه بتترعش فى الاشارات مع التكييف فقولت انا لازم اعدل نظام الشرارة واهى كلها تجارب

**MITSUKERO** · 03-11-2013 09:31 AM

الرعشة من الايدل مش من السلوك

و السلك لو مش مظبوط هيسرب الكهرباء و ساعتها المبومن هتودع و ممكن الكنترول

**alkawther60** · 03-11-2013 04:33 PM

فعلا الكلام جايز يكون صح لان انا كان عندي موبينة بايظة والكهربائي قالي ان سبب بوظانها ان السلك اللي كان طالع منها كان بايظ فعلا من عند النحاسة اللي بتركب على راس البوجيه كانت مفصولة خالص عن السلك

قال لي ان الموبينة فضلت تخزن كهربا ومتبعتش للبوجيه وده اللي بوظها

فغيرت الموبينة البايظة وجبت كمان طقم سلوك تيواني والموبينة كان مكتوب عليها ياباني بس شكلها تقليد مش زي الاصلية لان الاصلية مكتوب عليها بردو دنسو ياباني بس حفر مش كتابة

ومشي الحال والعربية اتزبطت

**sherif309** · 03-11-2013 05:08 PM

للاسف السلوك والمباين التيواني مبتديش نفس كفاءه الاصلي لان خامتها رديئه. والاصلي بيدخلو في 2000 جنيه عشان كده فكرا اعمل السلوك دي خاصه اني لقيت منها nfl, delphi ودول من اكبر شركات الي بتعمل الحجات دي. وكمان في مواضيع كتير علي الفكره دي

**kador** · 04-11-2013 12:19 AM

لو بتتكلم على خامات فالنحاس هو احسن موصل كهرباء وكل ما زاد القطر زادت كفاءة التوصيل بس العزل لازم يكون كبير عشان فق الجهد بعد الموبينه عالي جداااااااا ولو العزل مش تمام حيعمل مشاكل كبيرة لا قدر الله

**sherif309** · 04-11-2013 08:11 AM

النحاس فعلا موصل جيد للكهرباء بس سمعت انه بيشوش على اشارة الراديو وان الافضل سلك الالياف بس ادينى بحاول اوصل لانضف وانفى نوع سلك عشان العزل والتوصيل الجيد
وشكرا على الاهتمام والمساعدة