الموضوع: تعديل فابيا 1200 ل 1400 ............... أفادكم الله

المشاركة الأصلية كتبت بواسطة ALSHARIEF

السلام عليكم و رحمة الله و بركاته ...............!!!!!!!!!!!

كان يا ما كان و فى سالف العصر و الأوان كان لى واحد صاحبى حبيبى يعنى معاه عربية إسكودا فابيا موديل 2003 ( 1200 CC ) و مرة واحدة و هو ماشى بيها سمع صوت خبط و رزع جامد فى الموتور و العربية وقفت بيه راح قاطرها و طلع بيها على الميكانيكى و بعد ما كشف عليها قاله البيل فك فكسر الموتور و من ساعتها و هو بيدور على موتور إستيراد و سألنى فقولتله عدلها بقى بالمرة و هات موتور 1400 بس يا جماعة و بقالنا أهه بتاع شهر دايخين من الحرفيين للسبتية يا قلبى لا تحزن بدون جدوى .................. فلقيته بيحكيلى و بيسألنى فأنا شكيت إن الميكانيكى بيعمل حوارات لإنه فى الأول قاله هات 1200 و بعدين قاله لأ نجيب 1400 بس واحد كامة مش إتنين و بعدين قاله هو الأحسن إن إللى هنشترى من عنده يجيب هو الكهربائى علشان يدورلنا الموتور و شوية يقوله على حد كانوا هيشتروا من عنده لأ بلاش ده و تعالى ندور هنا و مرة السعر 11 ألف و مرة 9 بس و أخر سعر عند واحد فى السبتية ب 6 بس فشكله بيحور و عايز يتمصلح علينا [gdwl]فقولتله مافيش غير وحوش السكودا فى نايل موتورز إللى هيفيدونا و يجيبوا من الأخر ......... فإيه بقى رأى حضراتكم و تنصحونا نعمل إيه ؟؟؟؟؟؟؟؟؟؟؟؟؟؟؟؟؟؟؟؟[/gdwl]

وعليكم السلام ورحمة الله وبركاته .............مبدئيا سيبك من الميكانيكى ده تماما لانه فتاى كده مش صنايعى الموتور ال1.4 بيبقى بتاع بولو 6n او سيات 6k الكود بتاعه aex موتور متوفر اوى وسعره فى حدود ال3000 ..............حل تانى موتور فليشيا 1.3 انجكشن وده فى واحد هنا كان مركبه قبل كده وده برضه حل جميل ...............اهم حاجة تنقى موتور حالته تكون حلوة

المشاركة الأصلية كتبت بواسطة alsharief

أيوه يا باشا هو ده الكلام الله ينور عليك .................. طيب ما تعرفنى بقى أوصل للحاجات إللى سعادتك بتقول عليها ده إزاى و للا أعمل إيه يعنى ؟؟؟؟؟؟؟؟؟؟؟ تنصحنى سعادتك بإيه يا باشا ؟؟؟؟؟ منتظر ردك و جزاك الله خيرا

الله يخليك ياباشا ......كل اللى اقدر اقوله انك تنزل وتدور على الموتور ده بيبقى كامة واحدة بس انزل بورسعيد على طول فى شغل فولكس كتير هناك دور على موتور حالته حلوة وخده بالكامل ( ضفيرة وكنترول و موبينة والمكنة بالكامل بالشدادات والقواعد كلها ) وروح لميكانيكى نضيف عشان يقولك على المطلوب عمله علشان الموتور يركب صح

المشاركة الأصلية كتبت بواسطة amr_azab

ممكن تتعدل بس حتغير حاجات كتير ( موتور بالضفيرة بالكنترول بوينت - فتيس كامل - عفشة كاملة )
يعني ممكن فعلا يخش في الـ 10000 جنيه وفي واحد زميلنا عمل التجربة دي فعلا وعدل الفابيا من 1000 سي سي الي 1400 سي سي وفي مهندس تامر خطاب في صقر قريش هو اكتر واحد يقدر يفيدك في الموضوع ده لانه معاه فابيا وعنده مركز لصيانة الفابيا هو متخصص فيها وفاهم فيها كل حاجة

كلام حضرتك مظبوط بس فى حالة ان كان من 1000 ل 1400 انما ده 1.2 فالفرق فى قدرة الموتور مش كبيرة