السلام عليكم
انا كنت سألت نفس السؤال قبل كده بس محدش رد عليا قبل كده
انا محتار بين السيفيك واللانسر
فكنت عايز اعرف انهي الاكثر راحة من ناحية الهدوء والعزل والعفشة؟
وشكرا
عرض للطباعة
السلام عليكم
انا كنت سألت نفس السؤال قبل كده بس محدش رد عليا قبل كده
انا محتار بين السيفيك واللانسر
فكنت عايز اعرف انهي الاكثر راحة من ناحية الهدوء والعزل والعفشة؟
وشكرا
Civic for sure
ســـــيــــــــــفـــــــ ـــــيـــــــــك اكييييييييييييييييد
اولاً انا بصراحة مجربتش الاثنين و لكن انا معلوماتي مبنية علي الي بيتقال في المنتدي الخاص بالسياراتين يعني انا شايف ان الصاج الانسر الشارك خفيف شوية السيفك اقوي
ثانياً العربيتين تقريباً متشابهين في السعر و الانسر 1500 و السيفيك 1600 يعني تعتبر السيفيك اقوي
ثالثاً الوكيلين محترمين بصراحة
رابعاً السيفيك شكل عصري و جذاب للتابلوه و امكانياته اكثر من الانسر
خامساً يمكن العيب الي بعتب عليه في السيفيك شوية خصوصاً في مصر انها واطية علي الارض لكن الانسر اعلي منها طبعاً
طبعاً كل دا من وجه نظري الشخصية و تعتبر و جه نظر (نظرية و ليس عملية )
وربنا يوفقك و رمضان كريم
ماجربتش السيفيك ..بس جربت الشارك ..
و اداء العفشة من جهة ( الراحة ) طلع اقل مما توقعت و ده يمكن اسوأ حاجة فيها .. العزل جيد جدا و احسن من البوما بمراحل .. التكييف ملهوش حل .. و الكاسيت الاصلي بتاعها تحفة ...
عليها ( بووووووووز / مقدمة ) راااااائعة
شنطتها ايضا من مساوئها .. هي مش صغيرة .. و لكن تعتبر صغيرة بالنسبة لحجم العربية .. و متعبة في ادخال الاغراض المربعة او المضلعة .. نظرا لأن فتحة الشنطة تعتبر رفيعة نسبيا ..
الصالون رائع .. فخم .. عريض .. اتساعه جيد جدا من الامام .. من الخلف مش ضيق و لكنه ( مرة اخري ) ضيق بالنسبة لحجم العربية ..
بالنسبة لمن يحبون اخراج ذراعهم من الشباك اثناء القيادة ( دلدلة الدراع ) .. مش حيعرفوا .. لان الشباك بدايته تقريبا عند كتف السائق ..
ارجوا ان اكون قد افدتك ..
تحياتي
الموضوع مش مقارنة بايه ..و لكن انا باقول اني كنت متوقع من عربية علي درجة عالية من الفخامة ان تدعم راحة الركوب بشكل اكتر من كده
هي تقريبا ادائها زي البوما من ناحية العفشة .. او يمكن انا استريحت للبوما عنها شوية .. باختصار عقشتها ناشفة شوية ( العربية اللي باتكلم عليها خليجي )
اذا قارنت .. مممكن اقولك التيدا انعم منها شويتين في موضوع المطبات و الطرق الغير مستوية ..
والكورولا 2007 برضه انعم
و النيو اكسنت ( اللي مع العبد لله و الحمد لله :) ) انشف منهم كلهم
تصويب بسيط ..
بالنسبة للاتساع في منطقة الكنبة الخلفية في الصالون ..
انا كنت باتكلم عن الاجسام الطويلة و العريضة اللي فوق 180 سم طول .. و فوق ..... وزن :)
-------------
اقترح علي حضرتك انك تجربها افضل
هي دلوقتي بدأت تنتشر في مكاتب الايجار .. و ممكن تلاقيها متوافرة في هذه الفترة قبل موسم الاعياد
و كل عام و انتم بخير