سؤال بخصوص اللانسر الشارك

**Bassel** · 15-09-2008 12:16 AM

السلام عليكم
انا كنت سألت نفس السؤال قبل كده بس محدش رد عليا قبل كده
انا محتار بين السيفيك واللانسر
فكنت عايز اعرف انهي الاكثر راحة من ناحية الهدوء والعزل والعفشة؟
وشكرا

**Mohammed** · 15-09-2008 05:17 AM

Civic for sure

**momenhamdy** · 15-09-2008 05:18 AM

ســـــيــــــــــفـــــــ ـــــيـــــــــك اكييييييييييييييييد

**Bassel** · 15-09-2008 11:06 PM

المشاركة الأصلية كتبت بواسطة Mohammed

Civic for sure

المشاركة الأصلية كتبت بواسطة momenhamdy

ســـــيــــــــــفـــــــ ـــــيـــــــــك اكييييييييييييييييد

حضرتك موضحتش الكلام ده مبني علي انهي اساس ؟
هل جربت اي واحدة فيهم؟

**momenhamdy** · 15-09-2008 11:15 PM

المشاركة الأصلية كتبت بواسطة thunder_eagle

حضرتك موضحتش الكلام ده مبني علي انهي اساس ؟
هل جربت اي واحدة فيهم؟

اولاً انا بصراحة مجربتش الاثنين و لكن انا معلوماتي مبنية علي الي بيتقال في المنتدي الخاص بالسياراتين يعني انا شايف ان الصاج الانسر الشارك خفيف شوية السيفك اقوي

ثانياً العربيتين تقريباً متشابهين في السعر و الانسر 1500 و السيفيك 1600 يعني تعتبر السيفيك اقوي

ثالثاً الوكيلين محترمين بصراحة
رابعاً السيفيك شكل عصري و جذاب للتابلوه و امكانياته اكثر من الانسر
خامساً يمكن العيب الي بعتب عليه في السيفيك شوية خصوصاً في مصر انها واطية علي الارض لكن الانسر اعلي منها طبعاً
طبعاً كل دا من وجه نظري الشخصية و تعتبر و جه نظر (نظرية و ليس عملية )
وربنا يوفقك و رمضان كريم

**Hassan Khalil** · 15-09-2008 11:32 PM

ماجربتش السيفيك ..بس جربت الشارك ..
و اداء العفشة من جهة ( الراحة ) طلع اقل مما توقعت و ده يمكن اسوأ حاجة فيها .. العزل جيد جدا و احسن من البوما بمراحل .. التكييف ملهوش حل .. و الكاسيت الاصلي بتاعها تحفة ...
عليها ( بووووووووز / مقدمة ) راااااائعة
شنطتها ايضا من مساوئها .. هي مش صغيرة .. و لكن تعتبر صغيرة بالنسبة لحجم العربية .. و متعبة في ادخال الاغراض المربعة او المضلعة .. نظرا لأن فتحة الشنطة تعتبر رفيعة نسبيا ..
الصالون رائع .. فخم .. عريض .. اتساعه جيد جدا من الامام .. من الخلف مش ضيق و لكنه ( مرة اخري ) ضيق بالنسبة لحجم العربية ..
بالنسبة لمن يحبون اخراج ذراعهم من الشباك اثناء القيادة ( دلدلة الدراع ) .. مش حيعرفوا .. لان الشباك بدايته تقريبا عند كتف السائق ..
ارجوا ان اكون قد افدتك ..
تحياتي

**Bassel** · 16-09-2008 04:38 AM

المشاركة الأصلية كتبت بواسطة momenhamdy

اولاً انا بصراحة مجربتش الاثنين و لكن انا معلوماتي مبنية علي الي بيتقال في المنتدي الخاص بالسياراتين يعني انا شايف ان الصاج الانسر الشارك خفيف شوية السيفك اقوي

ثانياً العربيتين تقريباً متشابهين في السعر و الانسر 1500 و السيفيك 1600 يعني تعتبر السيفيك اقوي

ثالثاً الوكيلين محترمين بصراحة
رابعاً السيفيك شكل عصري و جذاب للتابلوه و امكانياته اكثر من الانسر
خامساً يمكن العيب الي بعتب عليه في السيفيك شوية خصوصاً في مصر انها واطية علي الارض لكن الانسر اعلي منها طبعاً
طبعاً كل دا من وجه نظري الشخصية و تعتبر و جه نظر (نظرية و ليس عملية )
وربنا يوفقك و رمضان كريم

اخي العزيز
كلامك مظبوط الي حد ما وفيه حاجات مسألة رأي
بس انا كنت بسأل علي الراحة
انهي الاريح في شوارع المحروسة

؟

**Bassel** · 16-09-2008 04:39 AM

المشاركة الأصلية كتبت بواسطة Hassan Khalil

ماجربتش السيفيك ..بس جربت الشارك ..
و اداء العفشة من جهة ( الراحة ) طلع اقل مما توقعت و ده يمكن اسوأ حاجة فيها .. العزل جيد جدا و احسن من البوما بمراحل .. التكييف ملهوش حل .. و الكاسيت الاصلي بتاعها تحفة ...
عليها ( بووووووووز / مقدمة ) راااااائعة
شنطتها ايضا من مساوئها .. هي مش صغيرة .. و لكن تعتبر صغيرة بالنسبة لحجم العربية .. و متعبة في ادخال الاغراض المربعة او المضلعة .. نظرا لأن فتحة الشنطة تعتبر رفيعة نسبيا ..
الصالون رائع .. فخم .. عريض .. اتساعه جيد جدا من الامام .. من الخلف مش ضيق و لكنه ( مرة اخري ) ضيق بالنسبة لحجم العربية ..
بالنسبة لمن يحبون اخراج ذراعهم من الشباك اثناء القيادة ( دلدلة الدراع ) .. مش حيعرفوا .. لان الشباك بدايته تقريبا عند كتف السائق ..
ارجوا ان اكون قد افدتك ..
تحياتي

شكرا علي ردك المفيد
كنت عايز اعرف طلعت اقي في الراحة مقارنة بايه بظبط؟

**Hassan Khalil** · 16-09-2008 05:09 AM

الموضوع مش مقارنة بايه ..و لكن انا باقول اني كنت متوقع من عربية علي درجة عالية من الفخامة ان تدعم راحة الركوب بشكل اكتر من كده
هي تقريبا ادائها زي البوما من ناحية العفشة .. او يمكن انا استريحت للبوما عنها شوية .. باختصار عقشتها ناشفة شوية ( العربية اللي باتكلم عليها خليجي )
اذا قارنت .. مممكن اقولك التيدا انعم منها شويتين في موضوع المطبات و الطرق الغير مستوية ..
والكورولا 2007 برضه انعم
و النيو اكسنت ( اللي مع العبد لله و الحمد لله :) ) انشف منهم كلهم

**Hassan Khalil** · 16-09-2008 05:15 AM

تصويب بسيط ..
بالنسبة للاتساع في منطقة الكنبة الخلفية في الصالون ..
انا كنت باتكلم عن الاجسام الطويلة و العريضة اللي فوق 180 سم طول .. و فوق ..... وزن :)
-------------
اقترح علي حضرتك انك تجربها افضل
هي دلوقتي بدأت تنتشر في مكاتب الايجار .. و ممكن تلاقيها متوافرة في هذه الفترة قبل موسم الاعياد
و كل عام و انتم بخير