عرض للطباعة
عندى مشكلة فى دوارة الصبح والعربية باردة عداد RPM بيكون على 10 وبعد شوية ينزل تحت 10 كانت الاول بيبتدى من 15 وينزل بعد كدة لتحت 10 وبكدة العربية بتترج اثناء التسخين وتقعد وقت كتير علشان تسخن جربت نضفت البوابة ومحصلش تغيير حد يعرف المشكلة فين العربية ابيزا 1998 1000 cc
جرب تعلى الار بى ام شوية مش كتير وهتلقيها ظبطت معاك
طب اعلية ازاى لو سمحت
العربيه عاوزه تتحط على الكمبيوتر لان ecu مخطرف يظبطها وكله يبقى تمام
وممكن يطلع حساس الماب MAP (الأير-ماس) عاوز يتنضف
بس ممكن تجرب تعمل ريست الأول أزاى ؟ ج / تشيل كبلات البطارية - و+ لمدة 30دقيقة وهيا الماتور بارد طبعا عشان تجرب
انت معاك ابيزا ربنا يباركلك فيها - كان نفسي اتعرف على كود الماكينة و سعة المحرك و سنة الصنع ....... خسارة المره الجاية بقا
العيب ده عيب تغذية جرب الاتي بالترتيب للاهمية
1- فلتر الهوا نضفه - جرب لو اتظبطتت غير الفلتر لو -- لا
2- MAF sensor - يتفك و يتنضف جرب لو --- لا
3- vaccum vents و دي بيبات المختصة بضغط الماكينة و دي بتلاقيها ديما حول المنافولد و تحته بتلاقي كدا خرطوم فيه في نصه قطعه بلاستيكية (صمام) بتسبب نفس الاعراض .. لو الصمام ده خربان بيعمل بالظبط زي ما يكون انت ماسك خرطوم بترش ميه في الشارع و جه واحد رخم راح داسيلك عليه تقوم المية ما توصلكش و يفضل الخرطوم من ناحيه الاخ الرخم مكتوم و عاوز يفك
نرجع بس للجزئية بتاعة MAF انه ممكن في الاساس هو خربان او مش واصله كهربا في الحالة دي لازم فحص كمبيوتر
خلينا بقا نجرب الخطوه 1 ، 2 اولا ، بعد كدا التشخصي لازم يكون فحص كمبيوتر علشان ما نبقاش بنفتي
جرب و اوعى تياس .. فرجه قريب
متهيالى ان كده هى مظبوطه لان انا شفت عربيات كتير عند الدواره الصبح بتبقى على 10 او 9.8 زى ما الكتالوج بيقول وبعد كده تنزل ل 5 لكن 15 وتنزل ل 10 وترج رج غريبه دى عمتا متابع وخير ان شاء الله
انا متشكر ياجماعة على الاهتمام بالنسبة لفلتر الهواء انا لسة مغيرة اما حساس maf انا معرفش مكانة فين ويتنضف ازاى كود الماتور AER
[QUOTE=hossamalsadik;3875192950]http://nileup.com/up/uploads/nilemotors_13797848441.jpg
هو فى نفس المكان ده وراكب فى المافولد ( ديه صورة للتوضيح فقط ) تحت الدايره الى بتشير لخرطوم الفايظ
تنظيف MAF (Mass Air Flow) sensor
1- أول حاجه هتفك كابل البطارية (-)
2- الحساس بيكون متثبت بمسمارين مشرشر - بعد ماتفكهم وتحل الحساس نضفه بمنظف ألكترونيات وترجعه تانى وتجرب
شكرا للتوضيح هجرب اولا وبعد كدة هبلغكم
العربية كده طبيعية و مافيهاش مشكلة
ممكن يكون اداء بعض الحساسات و قيمة مقاومتها و احساسها اختلف عن الوريجينال فعملك تأثير بسيط لكن انا مش شايف ان فيه مشكلة اساسا تستدعي انك تعمل شيء ده بخصوص الار بي ام
انا كان معايا عربية زي عربيتك بالضبط لثلاث سنوات و نصف و كانت اوقات تدور علي 1 و اوقات علي 1.3 فمتشغلش دماغك لأن ده بيتوقف علي حاجات كتير قوي و قراءات من كل حساسات العربية و درجات حرارة الجو و نسب الوكسجين في العادم و و و
فريح دماغك و انت كده في الرينج الطبيعي للتسخين
المشكلة اللي عندك و اللي شايفها من كلامك هو اهتزاز المحرك مع الدوارة صباحا و دي ليها اسباب كتير
1- اما قاعدة الموتور الامامية محتاجه تتغير و ده عيب معروف و سهل
2- كهرباء العربية مش مضبوطة (محتاج تراجع علي الاسبراتير و الوش و الشاكوش و الاسلاك من اول الموبينه لحد كل سلك لكل بوجيه )
بس جرب و قلنا ايه الأخبار
بخصوص الرجه .. قواعد ماتور وخصوصا الأمامى سعرها جديد أوريجينال تقريبا 250 جنيه واستيراد 100 جنيه
بخصوص الأربى ام، الاعضاء كفوو ووفواا