الموضوع: حد عنده اى معلومات عن الزيت دة Febi

المشاركة الأصلية كتبت بواسطة karim_monir

انا اكتر واحد بيجرب زيت في المنتدي
ماتجيبش زيت الا من وكيل يضمنلك حقك لو حصل حاجة في الموتور

يا نهار ابيض دة محدش يعرفه
اوباااااا دانا لسه جايب جركن تاني هحطه في الالنترا
بس العربيه تمام لغية دلوقتي هتابع
بس مش ممكن محدش يعرفه دة مغرق شارع دمشق وكمان الي بيبعوا الناس بتوع ليكي مولي
خوفتني والله يا كريم
اما نشوف ربنا يستر

المشاركة الأصلية كتبت بواسطة karim_monir

مش بخوفك
اصل المانيا فيها اكتر من 200 نوع زيت
الزيت ده بالذات جايبه واحد بتاع اكسسوارات عربيات في التوفيقية
يعني ممكن شحنة واتنين وياخد مكسبه ويرمية
ماتامنش لاي زيت خاصة ان الزيوت اللي مالهاش وكيل يصرف عليها المكسب فيها خيالي يخللي البياع يقولك اي حاجة عشان تشترية
مكسبه ممكن يوصل ل 100 جنيه في العبوة الواحدة التخليقي :-)

طب قولى النصيحه لانى خلاص جبت واحد تانى وهحطه فى النترا 2010 واكيد مش هرميه
وحاطه فى ميجان 2006 من 2500 كيلو وماشى الحال لغية دلوقتى تمام الحمدلله
اتابعه كل شويه واخلى بالى من صوت الماتور لغيه 8000 كيلو حتى واغيرة ولا اشيله وخلاص دلوقتى ومحطوش فى العربيه التانيه ؟

انا اصلا اليكى مولى كان بيعلى صوت الماتور بعد ال 8000 كيلو
والله الواحد احتار من موضوع الزيت دة
كنت بحط شيل الترا بس اسعارة بيقت تهريج الواحد عايز 400 جنيه علشان تغيير زيت علشان 5 لتر

المشاركة الأصلية كتبت بواسطة karim_monir

لا حطة ما ترميهوش وتابع الزيت كل الف كم والاهم تتابع الريحة واللزوجة عشان لو اتحرق هاتبقي مشكلة
انا بحط في البي ام وولف بقالي 3 غيارات وكويس جدا معايا
وباخد خصم 10 % بتاعت المنتدي بتفرق معايا في ال 5 ليتر بصراحة
خاصة ان عندهم 5-30 وده قليل تلاقية في اي زيت تاني
والتغيير والتوصيل ببلاش لحد تحت البيت خدمة تغيير دليفري بالشفط او فتح الطبه زي ما يعجبك

متشكرين جدا يا استاذ كريم وبصراحه الواحد مش عارف يودى جمايل المنتدى فين