والله بغض النظر عن الاختلافات انا سعيد جدا جدا بالمشاركات والتفاعل الجامد دا

انا للاسف بدات ادور على حاجه غير الالنترا لان الاسعار مبالغ فيها جدا

وفعلا الاوبترا ب85 -90 اجيب حاجه كسر زيرو حاله حلوه بس تحفظاتى عليها اولا مجربتهاش غير مره واحده تاكسى ثانيا عندي حساسيه من الشيفروليه لان معايا لانوس وشكلها من قدام مش حلو

السيراتو يقال عنها ناشفه انا مجربتش بس هل ناشفه لدرجه مزعجه ؟؟ ثانيا اختلاف فى الاذواق انا برضه حاسس الالنترا اشيك بس انتو قصدكو على السيراتو اللى هيا 2010 -2011 الكتير دي والا الشكل الاقدم كمان ؟؟ كمان حاسس ان السيراتو بتتسرق لوحدها لس عاوز راي فاصل فى موضوع السحب سيراتو 2010 الشكل اللى قبل 2014 دا والا الانترا 2008 - 2009

المازدا 3 فعلا دورت عليها وجربتها وعارفها 2009 ايرو مع واحد صاحبي- قطع غيار مش موجوده فى المنصورة - كمان كل اللي شفته حالته سيئه جدا ومتبهدل اوي

انا ميال شويه للسيراتو دلوقتى ( برضه بعد الانترا ) بس خايف لو اشتريت اتصدم فى موضوع انها ناشفه اوي !!


معلش انا اتكلمت كتير وتعبتكو معايا بس انا متردد بشكل كبير ومتضايق من موقف البيعه اللى الراجل رجع فيها دي بعد ما كنت استقريت