اسعار ومواصفات اوبل انسيجنيا 2015 (متجدد)

**ahmadhussien** · 21-01-2014 01:57 AM

بصراحة التقرير ومشاركة اﻻساتذة اﻻعضاء فوق الممتازة بس أنا ليا سؤال ﻻن النقطة دي مهمة جدا وسع العربية من جوة وخصوصاً الكنبة ﻻني لما شوفت اﻻسترا ضيقة جداً بالنسبة لي وكمان الشنطة وسعها وحمولتها قد إيه آخر سؤال وآسف ﻻني طولت عليكم علو العربية عن اﻻرض قد إيه ﻻن شوارع المحروسة عبارة عن كمين ﻻي عربية
وأشكركم جداً

**Abdo Taha** · 21-01-2014 09:32 AM

المشاركة الأصلية كتبت بواسطة ahmadhussien

بصراحة التقرير ومشاركة اﻻساتذة اﻻعضاء فوق الممتازة بس أنا ليا سؤال ﻻن النقطة دي مهمة جدا وسع العربية من جوة وخصوصاً الكنبة ﻻني لما شوفت اﻻسترا ضيقة جداً بالنسبة لي وكمان الشنطة وسعها وحمولتها قد إيه آخر سؤال وآسف ﻻني طولت عليكم علو العربية عن اﻻرض قد إيه ﻻن شوارع المحروسة عبارة عن كمين ﻻي عربية
وأشكركم جداً

انا مقعدش في العربية الصراحة بكن بالنسبة لعلوها فمفيش مشاكل و شفت واحدة بتاخد مطب الكاوتش من كثر ما هو عريض و الجنط كبير تحس ان العربية مش متأثرة بيه و عادي بس من ناحية الحجم هى كبيرة اكبر من الفئة الثالثة شفت الفيكترا سي كبيرة الى حد ما دي بقى اكبر منها لما جيت جنب الانسجنيا حسيت ان الفيكترا اصغر منها شوية فمعتقدش ان فيها المشكلة دي .

تحياتي

**ahmadhussien** · 22-01-2014 12:58 PM

المشاركة الأصلية كتبت بواسطة mr_revenger

احمد باشا،،،العربيه واسعه جداً من جوه،،،مش ببالغ لما اقول جداً،،،انا بمعدل كل ٥ ايام اعدى على المعرض اللى جنب البنك اللى شغال فيه،،واقعد افلى فى العربيه حته حته،،،،حفظت كل حته فيها،،،،الاسترا بالنسبالى كانت واسعه،،الانسيجنيا بجد مبهوقه،،،،،انا كنت بنسبه ٩٠٪ مستقر على الاسترا،،،الله يحرقه الشيطان لعب فى دماغى وطمعت،،وخلاص ان شاء الله حخلص فى الانسيجنيا،،بس لسه مستقرتش على الاليجانس ولا الهاى لاين،،،فرق اوبشنز مش وحش بس ٢٥ الف كتير برده،،،،قولى انت ناوى تحجزها من فرع ايه لانى اتصاحبت على واحد فى فرع هليوبلس جااااااامد اخر حاجه وجدع جدا،،،قولى لو حتروحله وانا حظبطك هناك

شكرا يا كبير أنا هروح اتفرج عليها في فرع سور نادي الزمالك ﻻنه قريب من شغلي ولو هحجزها أكيد هعرفك قبلها إن شاء الله تعالى