الموضوع: اسعار ومواصفات اوبل انسيجنيا 2015 (متجدد)

المشاركة الأصلية كتبت بواسطة Abdo Taha

لسة شايف على الجميلة انسجنيا الناهردة اللون الأسود بصراحة جميل جدا و ملفت اللي يشوفها يقول عليها عربية سفير او عربية من عربيات الرئاسة فخم فخم فعلا و الفوانيس الخلفية عليها جميلة و الحمدلله بدأت اشوفها كل يومين تلاتة يعني بدأت تنتشر و ان شاء الله مع الدفعات اللي جاية و بعد معرض اوتوماك فورميلا اظن ان الدنيا هتختلف شوية في موضوع الانتشار حتى و لو بشكل طفيف بس يارب منصور ينزلها بجنط احلى و يعرض التوب لاين .

انا مشوفتش العربية غير مرتين بس لحد دلوقتي, واحدة منهم كانت سوداء و فعلاً شكلها فخم و ملفت جداً..
و أعتقد لسة شوية حلوين على ما العربية تنتشر و نشوفها كتير..
الأسترا مثلاً أنا متذكر أني أول ما جبتها كان الكلام ده بعد ما العربية نزلت مصر مبقالهاش كتير و مكانش موجود منها في الشوارع نـــوهائي و فضلت كده حبة حلوين, فلما كنت بشوف عربية غيري كان ببقى كان هاين عليها أنزل أحضن اللي راكبها lol
فالعربية أحتاجت بتاع 3 سنين ثم نزول فئة سيدان منها عشان الناس تبدي تقبل عليها و تنتشر بالشكل الكبير الموجود دلوقتي ده..

المشاركة الأصلية كتبت بواسطة Abdo Taha

والدي راح شاف الهاي لاين في المعرض وهمته مع انه كان شاف الاليجانس معايا قالي دي حاجة مختلفة و افضل بس للأسف معرفتش اشوفها كانت موجودة في فرع شارع الطيران 3 عربيات اللي هيفرق يا باشا في الموضوع الزينون و ده حسيت بقيمته فعلا لما اتركب و فتحة السقف و الفرش الجلد الفاخر و البدالات اللي ورا الدركسيون غير كده الباقي مش لازم قوي فلو تقدر تستحمل و تمشيها مواصلات و تبقى اخدت اللي انت عايزة و لو هتستنى على التوب لاين اكد على اللون اللي انت عايزة " خلي بالك و " !!! و يبقى افضل تعمل استخارة تاني و شوف اللي ربنا يهديك ليه و بالتوفيق للخير إن شاء الله و الف مبروك مقدماً .

والله يا كبيير انا عندى بكره مقابله فاصله مع الحاج شعبان الحاوى،،عشان نحط النقط على الحرووف واعرف العربيه جايه امتى وسعرها كام والالوان ايه وكل التفاصيل ربنا يكرم،،،،،

انت بتقول فرع طيران موقف ٣ عربيات عنده !!؟ توبلاين ولا هايلاين عشان انا عرفت ان مصر كلها مفهاش الا كام عربيه بس توبلاين،،،،،دنا لو بدور على كوكايين كان زمانى انجزت أجدع