الموضوع: اسعار ومواصفات اوبل انسيجنيا 2015 (متجدد)

المشاركة الأصلية كتبت بواسطة هانى البعثى

العربيه واطيه جدا و انا ساكن في التجمع و الشوارع مكسره و العربيه بتتبهدل و كمان شكلها مش اشيك منهم و مفيهاش الاوبشن الي فيهم و انا معتقدش انه نزول السي كلاس و التلتميات في البي ام اسم مش اكتر عندنا لكن انا بشوف الانسجنيا و الباسات و البيجو 508 في نفس المستوي و لا انت رايك ايه يا باشا؟

طيب مفكرتش فى الاكس 1 او الglk ؟

المشاركة الأصلية كتبت بواسطة هانى البعثى

الاكس 1 مش عاجباني و الglk و ال الاكس 3 غاليه جدا للاسف لو عالي و مريح شويه ايه رايك في جراند شيروكي 2009 مع العلم مفهمش في الميكانيكا قوي علشان عمري ما ركبت مستعمل بس هي دي اقصى الامكانيات و شكرا

الجراند شروكي 2009 طبعآ افضل ما سبق من اختياران بس مش سهل تلاقيها بس لو هتدخل فى الجيب كده انت نقلت لموضوع تاني وشريحه اخري لو شايف انك هتشغل دفع رباعي فى استخدامك فممكن شيروكي 2012 مثلآ kk او الجراند ال2009 لو لاقتها لكن لو عايز حاجه عاليه فقط فيفضل تدخل عالم الكروس اوفر زى القشقاي والهيونداي i35 والسبورتج

المشاركة الأصلية كتبت بواسطة هانى البعثى

فعلا الجراند 2009 مش عارف ليه مش موجوده كتير دا ال 2014 معروضه للبيع كتير اما ليه مش kk علشان بيقولوا ناشفه و انا جربت الجراند مريحه( و لو انت جربت ال kk و المعلومه الي اتقالتلي غلط قولي) اما السبورتاج (الشكل الجديد اكتر من رائع في المعرض) بس كدا التغيير صعب يعني من مرسيدس لاوبل مثلا مبلوعه شويه الماني في بعضه او حتي البيجو انا شايفها هي و الاوبل نفس مستوى السي 180 علشان هما اعلي نوع في ماركاتهم انا السي هي اول المرسيدس تقريبا اما الهيونداي و الكيا فبعاد قوي عن دماغي رغم اعجابي بالعربيات دي
و شكرا

والله من مريسدس ﻷوبل مش مبلوعه برضو ومش موضوع فئه العر بيتين مختلفين شكلآ وموضوعآ ومرسيدس اسمها بسبب انها اكثر الماني اعتماديه واوبل اخرهم اعتماديه فنصيحتي لك اولآ انسى الاوبل ثانيآ ناس كتير بتقول الشيروكى ناشفه مش فاهم جربوها لا طيب عرفو منين يقولك اخو بنت عم جيران اصحابة قالولو فحا ل تجربها وقرر بنفسك طبعآ انشف من تلسيدان بس مش جرار زراعي زي ما الناس بتقول والمقابل انت فوق ودي ملهاش تمن لو ركبتها مش هتعرف تركب سيدان تانى وهتلاقى الناس كلها بقت مؤدبين اوي تحس الدنيا جميله والجراند قليله ﻷن سعرها كان خرافى اغلي من الجديده حاليآ لذلك منتشرتش ولو ملكش فى الدفع الرباعي ومشاويرك كتير فى الزحمه وبتركز مع البنزين اوي فخليك فى الكروس اوفر قشقاي الجديده او كيا او هيونداي والله ما هتندم وانت المهم راحتك مش رأي الناس فكر كويس وجرب العربيات دول

ايه رأيك فى نيسان قشقاى الجديده؟؟ او عربيه من الكروس اوفر هم ارخص من ال300 الف بس مناسبين جدآ ﻷجواء مصر من طرق لبنزين لتكيفات قويه جدآ ومفيش مشاكل لهم