سائل لتنظيف رواسب البنزين

**بحري** · 22-06-2009 12:42 AM

أنا جربت منظف الرشاشات والتنك ده وبتاع مركز الصيانة قال إنه يتحط على تنك فاضي وبعد كده تفول وبعدما يخلص التنك تغير فلتر البنزين
أنا عملت كده فعلا ولقيت الفلتر ما شاء الله عليه حاجة مبهرة منزل سائل أسود أثقل من الزيت
أقصد أن كمية الرواسب والشوائب اللي طلعت من التنك ووقفت في الفلتر كبيرة قوي
العربية سحبها بقى أفضل بعد الموضوع ده واستهلاك البنزين متأثرش قد كده

**ahmedbasto** · 22-06-2009 01:09 AM

طب دة ينفع لشاهين 2007 مع العلم انى لقيتو ب24 جنيه كدة غلى ولا رخيص وان كان ينفع للشاهين أرجو الرد

**agwaa** · 25-06-2009 11:50 AM

المشاركة الأصلية كتبت بواسطة sab3aawy

كل اللى قاله كلام معقول فيما عدا حكاية كل شهر دى

السوائل دى تستعمل مرة كل 20 ألف كيلومتر فقط ولها قوام خفيف قليل اللزوجة مثل التنر او بنزين التنظيف

ولا تستعمل بكثرة لأنها سوائل مذيبة وكثرتها مضرة لدورة التغذية

فيه منها انواع زى سناب وجانك و stp ، وكل شركة من هذة تنتج نوع منساب للكاربراتير ونوع اخر مناسب للرشاشات

واستعمالها كل 2000 ألف كيلومتر مفيد جدا لدورة التغذية

لكن احذر تماما استعمالها كل شهر، الراجل بتاع محطة البنزين مش فارقة معاه حاجة غير انه يبيع وياخد عمولة ومعندوش مشكلة يلبسك فى الحيطة

النوع الذى يمكن استعماله مرة كل شهر هو رافع الأوكتان ذو القوام الأكثر لزوجة (مثل قوام الجاز او السولار) وهو يفيد فى تنظيف دورة الوقود ورفع رفم الأوكتان لكنه ليست له خواص مذيبة قوية مثل منظفات دورة الوقود

سبعاوي بك

والله إحنا متطمنين طول ما سيادتك مدعمنا ونفسك معانا