عرض للطباعة
السلام عليكم
انا معايا جين 2 2007 اوتو
وعايز اغير زيت ماتور وفتيس ودخت وزهقت من كتر ما بغير كل شوية نوع ومره الاقي العربيه ظبطت
وبعد فتره قليله احسها تعبانه
انا محتاج مساعدتكم ايه احسن نوع زيت للماتور ومعدني ولا تخليقي و
w 10 w 50 ولا 20w 50
وزيت الفتيس اغيره ب نوع ايه بالظبط وياريت لو بالاسعار وافضل مكان قريب من الهرم وفيصل
والعربيه عامله 82 الف كيلو
وشكراااا
اختلفت الاقاويل في موضوع الزيت
انا كل صيانة بغير زيت شكل واخر مرة كنت مع زيت ولف والمرة الجاية مع زيت زادو وياعالم المرة اللي بعدها هتبقى ايه
ماعلينا
احسن زيت فتيس انا جربته كان فالفولين لاني مجربتش غيره هو وتوتال بتاع التوكيل وشايف ان فالفولين احسن
تسلممم يا كبييير على ردك واهتمامك
طيب تعرف مكان اغير فيه زيت الفتيس وبيتكلف حوالي كام :) وشكرا
المعتاد ان الناس بتسحب الزيت من فتحه القياس وتحط 4 لتر للفتيساقتباس:
المشاركة الأصلية كتبت بواسطة ahmed crash
بس ده مش الصح خالص
الصح ان حضرتك تروح لميكانيكى متخصص ويكون بتاع بروتون ويفك كارتيره الزيت ويغير الفلتر وساعتها الفتيس هاياخد منك 7.7 لتر يعنى حضرتك هاتشترى 8 عبوات لتر سواء فالفولين او موبيل
ونصيحه ما تجبش فافولين ماكس لايف لانه غالى وعربيتك ليسه ما عدتش الـــ 100.000.00
ومهم جدا يكون بنفس المواصفات الى مكتوبه فى الكتاب بتاع العربيه
وزيت الموتور ده بقه حوار كبير جداً جداً
انا زي كل اعضاء المنتدى كل مره بغير نوع جديد
اقتباس:
المشاركة الأصلية كتبت بواسطة gadieb
طيب ممكن اعرف اجيب انهي نوع بالظبط من زيت موبيل وتقريبا ال 8 لتر بيتكلفو كام بالفلتر ؟ وتسلللم عالنصايح الغاليه دي :)
زيت الموتور هات توتال 5000 او ال10000.ويكون مكتوب عليه w20-50 --- ده اكتر زيت مناسب لبيروتون ...بس تجيبو من بنزينه تكون توتال ..او من اى فرع لوكيل توتال ...عندك فرع فى شارع السودان وفرع فى الدقى قبل ميدان المساحه ...متجبوش من اى بنزينه وخلاص عشان ممكن يكون مضروب ؟......وابعد عن موبيل ده نهائى ..خفيف وغير مناسب لبروتون اطلاقى ...وزيت شل بردو مش تمام ..
للتوضيحاقتباس:
المشاركة الأصلية كتبت بواسطة gadieb
مفيش فلتر فى الفتيس بيتحل
لو حتحل فلتر وتنزل كل الزيت اللى هوه عبارة عن 7 لتر وشوية دول
انت كدة محتاج تحل فتيس ودة مبيحصلش الا لو بتعمل عمرة للفتيس من الاساس
كل اللى بيحصل
انك بتروح لاى ميكانيكى وتاخد معاك 4 علب زيت او 5 احتياطى وهى مش حتاخد اكتر من 4
وبينزل ويفك مسمار الكارتيرة من تحت ويفضى الزيت زى زيت الموتور بالظبط بالعكس باة اسهل
بينزل الزيت ويقفل المسمار او الطبه يعنى تانى ويحط زيت من فوق وهوه مدور العربية ويعد يقيس كل شوية
بالنسبه لصاحب الموضوع
لو زيت موتور على حسب العربية
لو بتاخد تخليقى خليك فى التخليقى
لو العربية بيتحطلها او اتحطلها اصلا معدنى قبل كدة يبقى متحطلهاش غير معدنى او نص تخليقى
النوع باة
لو تخليقى بالنسبالى انا علشان جربت زى فيلكس كدة انواع كتير اوى
مستريحتش غير مع بالترتيب من الاحسن للاقل
شيل الترا
ليكوى مولى
ونسبه اللزوجه 5-40
زيت الفتيس باة الاوتو علشان بردوا جربت تسعتلاف نوع
كلهم زى بعض محستش باى اختلاف
المهم انة ميكونش بينقص ودة المطلوب اثباته من الزيت
والمهم كمان انة يكون مكتوب من ضمن خصائصه sp111 لان دى المواصفات القيساسية للفتيس او لميتسوبيشى عموما
يعنى لو ملقيتش sp111 ولقيت متسوبيشى شغال بردوا :)
انا حاطط دلوقتى ولف
وشايف انة زى اللى قبلة موبيل
زى اللى قبله ليكوى مولى
لا يوجد اى فرق غير السعر
تحياتى
اقتباس:
المشاركة الأصلية كتبت بواسطة designer105
فعلا انا ريحت دماغي ورحت لعصام صفا وحطولي توتال من عندهم وهو المعتمد هناك والصراحه كنت مفكره هيبقى مش حلو بس طلع حلو ما شاء الله :) والف شكر بجد على اهتمامك :)
اقتباس:
المشاركة الأصلية كتبت بواسطة mido_soliman
بجد ربنا يكرمك عالمجهود والنصايح الجميله دي ... هما حطولي في عصام صفا توتال وجبت للفتيس زيت فالفولين .. اخدت بنصايح الاعضاء هنا والصراحه حسيت باختلاف في السحب ما شاء الله
واخدو 7 علب للفتيس .. وبجد مشكوووور جدا عالنصايح الجميله دي
باشا تغير الزيت للموتور والفتيس عند عصام كلفك كام
وشكراً
و الفلتر كمان او سمحت بكاماقتباس:
المشاركة الأصلية كتبت بواسطة waleedoly
معايا جين 2 2007 فيها حبه حاجات عايز استفسر عليها
*عدادrpmعندى على 10 وساعات يوصل 15 وبيتهز ونظفت البوابه ومفيش فايده
* وعايز اغير فلتر البنزين وش عارف مكانه فين