الموضوع: ==**## تغيير الزيت والتيل للسيريون خارج التوكيل ##**==

المشاركة الأصلية كتبت بواسطة Renamr

أنا مختلف معاك تماماً يا أبو عبدالله ......موضوع درجات الزيوت دي بتفرق جداً في أداء المحرك....أنا كنت بحط زيت موبيل 1 5w50 ولما غيرت لـ 5w40 كان فرق شاسع في أداء المحرك وصوته

وبعدين إزاي أغير من تخليقي لمعدني؟؟؟؟؟؟؟

والله يا عمر ده اللي انا فهمته من الكلام والدرجات دي
هو اكيد في فرق في الاداء والصوت والكلام ده
بدليل اني لما حطيت زيت تويوتا مع انه اقل من الموبيل 1
انا لحد دلوقتي مش متخيل فرق الصوت والاداء
بجد في فرق كبير في الصوت والاداء لصالح زيت تويوتا

بس ممكن يكون الفروقات دي في الحاجت دي
اما المسافات اللي بتقطعها وده اللي انا اقصده مش بتفرق
يعني بتفرق معاك في الاداء والصوت ولكن المده دي هيا اللي انا بتكلم فيها

وعالعموم انتظر الموضوع الكامل عن الزيت ده ان شاء الله

اما مسألة تخليقي ومعدني
فأنا بصراحه مش عارف الفرق بينهم ومش عارف زيت تويوتا ده ايه ؟

ممكن تشوفوا الموضوع ده

==**## كيف تختار زيت عربيتك API ##**==

المشاركة الأصلية كتبت بواسطة drhaytham

انا بختلف معاك لان الزيت اللي انا بغيره للكامري 2007 هوه زيت تويوتا وده recommendation ال بتاع التوكيل

طيب ممكن اعرف منك يا دكتور هيثم
انت بتغيره كل اد ايه بالظبط
ولما بيبقى في اخر فترته الزمنيه بيبقى اداء العربيه كويس ولا لأ ؟
ولما بينزل بيبقى كويس يعني يجيب اكتر ولا لأ ؟؟

معلشي اصل انا مستغرب جدا أنه اداءه اعلى من موبيل 1 اللي عندنا هنا
لأن صوت العربيه اقل بطريقة ملحوظة واداءها اعلى

وبعدين في كتالوج العربيه كاتبين ان انواع زيوت ومنها 20w-50
وكاتبين في جدول الصيانة ان الزيت بيتغير كل 15 الف كم او سنة ايهما اقرب

هما مش رابطين الأتنين ببعض
يعني الزيت بالمهلة
بس طالما حدد مهلة زمنية معينه مع انه كاتب اكتر من نوع زيت ولم يربطهم ببعض
يبقى المسألة ان كل الزيوت بتقعد زي بعضها والفرق بيبقى في اللزوجة حسب الاجواء المستخدم فيها الزيت
مش كده ولا أيه ؟؟؟

تجربة مفيدة يا ابوعبدالله

بالنسبة للزيت, فده معدنى مش تخليقى

الاختلاف فى الاداء, مش عارف له سبب, بس بالنسبة لمواعيد التغيير, فدورت على الموضوع ده

الكلام شبه ثابت تقريبا ان الزيوت التخليقية يتم تغيرها كل 5-7 الاف ميل, و المعدنية كل 3 الاف ميل

اللينك ده فيه كل التسأولات الخاصة بالزيوت التخليقية
http://autos.aol.com/article/general...04135009990001

و المقطع ده مهم

Longer change intervals: 5,000 to 7,000 miles between oil changes (compared to 3,000 for regular oil). Some folks have documented up to 25,000 miles between changes. However, I would not advise going that long!

المشاركة الأصلية كتبت بواسطة معاذ الشرباصى

تجربة مفيدة يا ابوعبدالله

بالنسبة للزيت, فده معدنى مش تخليقى

الاختلاف فى الاداء, مش عارف له سبب, بس بالنسبة لمواعيد التغيير, فدورت على الموضوع ده

الكلام شبه ثابت تقريبا ان الزيوت التخليقية يتم تغيرها كل 5-7 الاف ميل, و المعدنية كل 3 الاف ميل

اللينك ده فيه كل التسأولات الخاصة بالزيوت التخليقية
http://autos.aol.com/article/general...04135009990001

و المقطع ده مهم

بص يا معاذ انا المشكلة عندي مش المدة
انا المشكلة عندي الاداء
يعني هل هو بيأثر على الماتور اكتر من التخليقي ولا مش بتفرق
انا كل المقالات اللي قرأتها ومنها منظمة API نفسها
لم يفرقوا بينهم كده

هما فرقوا في ظروف التشغيل والاجواء
زي ما شوفت في موضوع ==**## كيف تختار زيت عربيتك API ##**==

غير كده محدش جاب سيرة ان ده بيأثر على الماتور

انا بصراحه عجبني اداءه جدا
ولو اني قابلتك هسمعك صوت الماتور عامل ازاي دلوقتي
حتى لما تضغط على الدواسة وتزود عدد لفات الماتور
صوت الماتور مختلف تماما عن الأول ... بصراحه صوته احلى بكتير