اول مشاركه

**foad2013** · 04-11-2013 11:31 PM

سلام عليكم ياجماعه دى اول امره ادخل المنتدى وكنت عايز اسئال
انا عند عربيه نيوبيرا 2007 بس الفتيس بيتحرك من غير دبريج يعنى لو العربيه على الاول ممكن ارجع الفتيس على التانى من غير مادووس على الدبرياج هل ده يبقى فى حاجه فى العربيه ؟ و مش المفروض الفتيس ميتحركش اللى لم ادوس على الدبرياج ؟؟؟
شكرا

**foad2013** · 05-11-2013 01:28 AM

ياريت حد يرد عليا

**Khaled Lanos** · 05-11-2013 02:46 AM

طبيعي ياباشا مفيش مشكلة..أنا عندي في اللانوس كدا..لكن طبعا مينفعش تدي غيار بدون ما تدوس ديبرياج..لكن ممكن تنزل من الغيار للمور بدون ديبرياج.
أهلا بيك ياباشا إن شاء الله تستمتع بوجودك معانا :)

**foad2013** · 05-11-2013 12:04 PM

حضرتك انا عندى و العربيه وقفه قبل ادورها الفتيس بيخود كل الغيرات من غير مادوس دبرياج يعنى من غير مادوس دبرياج ممكن ادى العربيه اى غير و العربيه مش دايره

**mostafa8085** · 05-11-2013 03:50 PM

المشاركة الأصلية كتبت بواسطة foad2013

حضرتك انا عندى و العربيه وقفه قبل ادورها الفتيس بيخود كل الغيرات من غير مادوس دبرياج يعنى من غير مادوس دبرياج ممكن ادى العربيه اى غير و العربيه مش دايره

الطبيعي في اي عربية انها تاخد كل الغيارات من غير ما تدوس دبرياج طالما العربية مش دايرة
لكن لو العربية دايرة يبقى لازم تدوس دبرياج مع اي غيار و الا ممكن تكسر التروس و تضيع الفتيس

**Mahmoud.Fathy** · 05-11-2013 10:10 PM

المشاركة الأصلية كتبت بواسطة mostafa8085

الطبيعي في اي عربية انها تاخد كل الغيارات من غير ما تدوس دبرياج طالما العربية مش دايرة
لكن لو العربية دايرة يبقى لازم تدوس دبرياج مع اي غيار و الا ممكن تكسر التروس و تضيع الفتيس

كلام سليم 100% .... ممكن تمور العربية وهي دايرة من غير دبرياج عادي ... لانك في وضع المور مش بتعشق تروس مع بعض لكنك بتفك التروس من بعض ... فا ممكن تيجي من غير دبرياج لكن دا طبعا غلط ... وكتر الحركة دي هيبوظ صندوق التروس ... مدام هتمسك عصاية الفتيس وتعمل اى حركة حتى لو هتمور ... افصل التروس بالدبرياج