العربية مش حلوه على الطريق(بومه 1600)

**aboayman64** · 05-11-2013 02:28 AM

اولا السلام عليكم..
انا كنت النهارده ماشي على المحور حوالي الساعة 9.30 و لقيت الطريق فاضي اولت اشوف العربية دي اخرها كام بس العداد وقف عند 170 و مرضاش يزيد مع اني كنت مدي كيك داون و لكن ال rbm كان على 5
وكمان العربية سحبها على الطريق مش حلو بتاخد وقت كتير على متجيب 140
مع العلم ان العربية لانسر 2005 سبورت و لسا شاريها جديد و عملة 115000 كيلو

**muhmado_furp** · 05-11-2013 02:54 AM

انا هقول لحضرتك علي حاجه
هي العربية لو لسه مع حضرتك من فترة قريبه فالواحد بياخد وقت علي ما يعرف ياخد الي عاوز منها وازاي يحرق وكده بالذات المواتير الرياضية
فممكن ده سبب
ولو حضرتك قلقان من حاجه او شايف انها سبب غيرها يعني فلاتر وبوجيهات وانجكشن وكده علشان تشوف هيحصل فرق ولا لا
بس كنت عاوز اسألك علي موضوع الكيك داون بتعمله ازاي علي الفتيس الاوتو لاني معرفش بصراحه

**aboayman64** · 05-11-2013 03:26 AM

هو فعلا انا مغيرضش الفلاتر و البوجيهات لما جبتها الميكانيكي قالي مش محتاجة بس غيرت سير الكاتينة و ان شاء الله هغيرهم و اجرب
بالنسبة للكيك داون كل الي انا عملته اني جبت اخر الدواسة . هو فيه في الفتيس ds انا بصراحة مجربتوش على الطريق
و شكر جدا لحضرتك على الاهتمام

**Mamoud salah H** · 05-11-2013 05:16 AM

غييير الفلاتر اهم حاجو والبوجيهات ونزل الزيت الي فيها وحط زيت محترم تكون ارف معاد تغييره وفول تفويلة نضيفة واطلع وجرب
لان السرعة بتاعت حضرتك دي غريبة جدا ومش منطقية عشان انا معايا 1300 اوتوماتيك وبجيب بيها 175:180

**Silent~Dream** · 05-11-2013 10:14 AM

اولا الف مبروك و ربنا يديلك خيرها و يكفيك شرها ثانيا انت مش عارف الى قبلك عمل صيانه امتى ولا اى حاجه و سيبك من كلام الميكانيكى هتغير زيت الموتور و لو موتورك مش بياكل زيت و لسه بحالته استخدم نوع نص تخليقى 40\10 و غير فلتر الزيت و فلتر البنزين و فلتر الهواء و البوجيهات و السيور كلها و ابقى روح ربط العفشه و اعمل عليها تشيك و تابع مستوى مياه الردياتير و ابقى اكشف على زيت الفتيس لو محتاج يتزود و يفضل تغيره و زيت الفرامل و البور و حاجه محتاجه تتغيير ولا لا ؟

**aboayman64** · 05-11-2013 01:14 PM

المشاركة الأصلية كتبت بواسطة silent~dream

اولا الف مبروك و ربنا يديلك خيرها و يكفيك شرها ثانيا انت مش عارف الى قبلك عمل صيانه امتى ولا اى حاجه و سيبك من كلام الميكانيكى هتغير زيت الموتور و لو موتورك مش بياكل زيت و لسه بحالته استخدم نوع نص تخليقى 40\10 و غير فلتر الزيت و فلتر البنزين و فلتر الهواء و البوجيهات و السيور كلها و ابقى روح ربط العفشه و اعمل عليها تشيك و تابع مستوى مياه الردياتير و ابقى اكشف على زيت الفتيس لو محتاج يتزود و يفضل تغيره و زيت الفرامل و البور و حاجه محتاجه تتغيير ولا لا ؟

الله يبارك فيك
انا فعلا نازل بكره اغير زيت بس انا مش عارف ايه هو الزيت النص تخليقي 10/40
انا اول ماجبتها حطيت زيت موبيل 5000
و شكرا لحضرتك على الاهتمام

**Mamoud salah H** · 05-11-2013 03:45 PM

وكمان غير زييت الفتيس بالفلتر بتاعة عشان تبقي عملت سيرفس كامل علي ايدك وعارف التغيير القادم هيبقي امتي

**aboayman64** · 05-11-2013 03:59 PM

تمام بس المشكلة ان انا من بنها و مش عارف اجيب الزيت نوع ايه و منين عشان ال cvt

**amro0000** · 05-11-2013 04:19 PM

المشاركة الأصلية كتبت بواسطة aboayman64

تمام بس المشكلة ان انا من بنها و مش عارف اجيب الزيت نوع ايه و منين عشان ال cvt

ياراجل اطلع طيب خد الزراعي القاهرة واطلع علي الرواس او المصيلحي في قليوب دايموند وهاتهم حاجة اصلي عربيتك تستاهل يتصرف عليها حجات اصليه وانشاء الله هتحس بتغير