الموضوع: هي الفولكس البيتلز بتتساق ازاي ؟؟

انا مره مديرى فى العمل ( الله يرحمه ) من 20سنه قالى خد عربيتى (بيتلز ) وكلفنى بمأموريه وكان معايا 2 زمايلى وبعد ماوصلنا المكان اللى عوزين نروحه عاوز أجيب مارش رير مش عارفين وما حدش فى الشارع عارف على رأيك زى اللى سارقينها وكانت حوسه بقى كل ما نحتاج نجيب مارش رير زمايلى تنزل تزق (كنا شباب ساعتها ) لغايه ما رجعنا بأسأله المارش رير أزاى ؟ قالى سوسته والتانى . من يومها حرمت أخدها منه وأروح بعربيتى حتى ده لوكان هايكلفنى كتير . ولا الدواسات بتاعتها كل العربيات دواسات البنزين والدبرياج والفرامل منحنيه ونازله من فوق دى بقى مستقيمه وطالعه من الأرض يعنى طول مأنت سايق رجليك متعلقه وكعب رجلك مش لامس الأرض .اذا كانت القياده بالنسبه لى 100% متعه مع العربيه دى 150% عذاب

هههههههههههههههههه
نفس الموقف حصلى من كام سنة
كنت راكنة عربيتى وواحد ببيتلز جه ركن ورايا وساب والدته فى العربية
والدته قالتلى تعالى يابنتى حركيها انتى
المهم دخلت العربية ومش عارفة لا اجيب مارش ولا عارفة حتى الفرامل فين
العربية فضلت تريح تريح وورايا ميكروباص عمال يزمر وانا اقوله والله ماراضية تقف
الحمد لله اخيرا ريحت على الميكروباص وجه صاحبها فضل يضحك ويقولى هى عربية ماتتساقش فعلا