الكورولا ب 197

**Ahmed TRAVCO** · 06-11-2013 02:08 AM

عادي يا باشا طالما احنا بنشتري وزي الفل واللي هيدفع المبلغ الخزعبلي ده هيقعد هيوهم نفسه ويقولك دي كورولا يا عم وفيها vsa وفيها ليدات!!!!
في السعودية كانت الكورولا الشكل اللي فات بتنزل ب61 ألف ريال... ولما نزل موديل 2014 فسعرها بيبدأ من 62 ألف ريال برضه... وده الطبيعي في العالم كله... يعني تلاقي الكورولا ليها رينج سعر معين لا يزيد الا في اضيق اضيق الحدود (الف او الفين دولار بالكتير) ثم نفس الكلام في الفئات الاعلى زي الكامري والاوريون والافالون واللاندكروزر وغيرها... كل واحد بيبقى سعره مبني على سعر الشكل او الموديل السابق وان كان هناك زيادة -طبقا لسعر عملة او غيره- فبيكون في الحدود المذكورة دي...

انما هنا بقى... الشكل اللي فات اول ما نزل كان الهايلاين ب167 الف ثم فجأة رفعوه قبل الشكل الجديد ما بينزل وبحجة الدولار وخلوه ب183 الف... ثم 2014 اول ما نزلت نزلت ب185 لتاني فئة اوتوماتيك... ودلوقتي حضراتكم بتقولوا انها بقت ب197 الف!!!!!!!!!

وعلى فكرة... اللي ب62 الف ريال اللي قلت عليها فوق دي اول فئة هناك وفيها 8 ايرباج!!!!!!!! يعني اعلى من اعلى فئة هنا اللي نزلت ب210 الف تقريبا.... ويا عالم بقت بكام هي كمان!!!!!!!!

حسبي الله ونعم الوكيل!

**mody112** · 07-11-2013 10:06 AM

كان فى حملة معمولة زمان مش فاكر هنا فى المنتدى ولا فى منتدى تانى واسمها خليها تصدى وموديلها يعدى برضه كانت بسبب الاسعار المغالى فيها والزيادات المطردة المتتابعة فى اسعار السيارت وبلا اى مبرر ايه رايكو نرجع الحملة دى تانى من جديد بس يارب متفشلش زى اللى قبلها
ههههههههههههههههههههههههه هههههههههه

**S O P H O S** · 19-12-2013 02:57 AM

لا السعر وصل كده يبقي البيجو

**hanosh** · 19-12-2013 09:51 AM

المشاركة الأصلية كتبت بواسطة koshakindnes

السلام عليكم

النهاردة كنت فى القرش بتفرج على 508 والتويتا

قالتلتى تانى فئه اوتوماتيك بقت ب 197 بقولها ليه بتقولى اسعار العربيات كلها رفعت من اول امبارح

بصراحه no comment

هو فعلا من يومين سعر الدولار واليورو رفع فى البنوك كلها وطبعا التوكيلات والموزعين يلعبوا على الموضوع ده على الرغم انى العربيات المعروضة كلها موجودة اصلا بالسعر القديم يعنى السعر الجديد ده حينطبق فقط على السيارات اللى لسا حتدخل الميناء وتتجمرك بس حنقول ايه مهى بلد بايظة ملهاش كبير وحوار العربيات ديه مش حينطبق على العربيات بس ده كله حيرفع وحسبى الله ونعم الوكيل

**المنسي** · 19-12-2013 11:39 AM

المشاركة الأصلية كتبت بواسطة ahmed travco

عادي يا باشا طالما احنا بنشتري وزي الفل واللي هيدفع المبلغ الخزعبلي ده هيقعد هيوهم نفسه ويقولك دي كورولا يا عم وفيها vsa وفيها ليدات!!!!
في السعودية كانت الكورولا الشكل اللي فات بتنزل ب61 ألف ريال... ولما نزل موديل 2014 فسعرها بيبدأ من 62 ألف ريال برضه... وده الطبيعي في العالم كله... يعني تلاقي الكورولا ليها رينج سعر معين لا يزيد الا في اضيق اضيق الحدود (الف او الفين دولار بالكتير) ثم نفس الكلام في الفئات الاعلى زي الكامري والاوريون والافالون واللاندكروزر وغيرها... كل واحد بيبقى سعره مبني على سعر الشكل او الموديل السابق وان كان هناك زيادة -طبقا لسعر عملة او غيره- فبيكون في الحدود المذكورة دي...

انما هنا بقى... الشكل اللي فات اول ما نزل كان الهايلاين ب167 الف ثم فجأة رفعوه قبل الشكل الجديد ما بينزل وبحجة الدولار وخلوه ب183 الف... ثم 2014 اول ما نزلت نزلت ب185 لتاني فئة اوتوماتيك... ودلوقتي حضراتكم بتقولوا انها بقت ب197 الف!!!!!!!!!

وعلى فكرة... اللي ب62 الف ريال اللي قلت عليها فوق دي اول فئة هناك وفيها 8 ايرباج!!!!!!!! يعني اعلى من اعلى فئة هنا اللي نزلت ب210 الف تقريبا.... ويا عالم بقت بكام هي كمان!!!!!!!!

حسبي الله ونعم الوكيل!

يا باشا طالما فيه شعب ممكن يتدين علشان يشارى عربية يبقى التوكيل يعمل مابداله وعلى فكرة الموضوع طلع مع كل وكلاء العربيات فى بلدك يعنى الاول كنا مفتكرين توكيل واحد اللى بيعمل الموضوع ده طلع انهم كلهم بيحبو يضحكو على الناس