هو ممكن يحصل كدة فى البنك

**mmans** · 06-11-2013 03:26 AM

حصل معايا موقف غريب جدا ومش عارف اعمل ايه
كنت فى البنك من يومين بحط فلوس .. موظفة البنك بعد ما عدت الفلوس بتقولى المبلغ كام قولتلها كذا .. قالتلى لا دول كذا ( زيادة 5 الاف ) قولتلها لا انا متاكد ان الفلوس كذا قالتلى لا و عدتهم تانى مرتين مرة على ايدها و مرة على المكنة و فعلا فى زيادة 5 الاف مش عارف لحد دلوقتى طلعو منين .. انا متاكد ان انا عادد مظبوط ... بس المهم خفت اقولها دول مش بتوعى تقوم الموظفة ضرباهم فى جيبها .... حد عندو تفسير ال5000 دول جم منين ؟؟؟؟؟

**alaa74** · 06-11-2013 08:56 AM

المشاركة الأصلية كتبت بواسطة أبو بودي وعمر

طيب بخصوص الموضوع ده
هل من حقي إني أدي للبنك ورقة قديمة مبهدلة وطالع عين اللي خلفوها ويديني واحدة تاني مكانها ولا ده مش من حقي ؟
ولو مش من حقي أمال لو واحد فجأة لقى معاه كام ورقة فئات كبيرة ومحدش راضي ياخدهم منه يعمل فيهم ايه ؟

غالبا اى بنك مش هيرضى يبدل العملات القديمه أو المقطوعة بجديده
الا لو تعرف حد فى البنك ده .
لكن من حقك تغير اى عمله قديمه أو حتى مقطوعة من البنك المركزى المصرى
ومكانه فى وسط البلد .

**alaa74** · 06-11-2013 09:07 AM

المشاركة الأصلية كتبت بواسطة mmans

حصل معايا موقف غريب جدا ومش عارف اعمل ايه
كنت فى البنك من يومين بحط فلوس .. موظفة البنك بعد ما عدت الفلوس بتقولى المبلغ كام قولتلها كذا .. قالتلى لا دول كذا ( زيادة 5 الاف ) قولتلها لا انا متاكد ان الفلوس كذا قالتلى لا و عدتهم تانى مرتين مرة على ايدها و مرة على المكنة و فعلا فى زيادة 5 الاف مش عارف لحد دلوقتى طلعو منين .. انا متاكد ان انا عادد مظبوط ... بس المهم خفت اقولها دول مش بتوعى تقوم الموظفة ضرباهم فى جيبها .... حد عندو تفسير ال5000 دول جم منين ؟؟؟؟؟

المفروض انك طالما متأكد من مبلغ الايداع الخاص بك كنت نبهت الموظفة
ان ال5000 جنيه مش بتوعك وموضوع انك خفت انها تاخدهم لنفسها
أعتقد ده صعب لان الخزينة فى اى بنك بتعمل لها جرد يومى وفى حاله وجود اى عجز
بيراجعوا كافه عمليات السحب والايداع وفى احيان كثيره بيكلموا العملاء اللى سحبوا فلوس
للتأكد من المبلغ اللى استلموه .

أنا شايف انك مشكورا لازم تروح البنك وتقابل مدير الخزينة أو مدير الفرع وتحكى الواقعه
وغالبا هتلاقى المبلغ ده بتاع اى حد لان الفلوس مش هتزيد لوحدها .
ورأيى انك تسحب ال5000 جنيه من حسابك وتسلمهم للبنك إبراء لذمتك ،

**alaa74** · 06-11-2013 11:01 AM

المشاركة الأصلية كتبت بواسطة mmans

انا بردو فكرت انهم ممكن يلاقو عجز و يكلمونى لان الموظفة قالتلى هنشوف فى اخر اليوم لو فى عجز عندنا هنكلمك و استنيت طول اليوم و محدش اتكلم .. الى خلانى مسبش الفلوس الزيادة بردو قلت لنفسى احتمال اكون غلط و حطيت 5 الاف زيادة على المبلغ الى وديتو البنك لكن لما رجعت البيت اتاكدت من الفلوس الموجودة فى بيتى و فعلا 5 الاف زيادة .. بردو خفت الموظفة تشوفى مصمم ان ال5 تلاف مش بتوعى تقوم قايلالى اه دول بتوع عميل تانى و تضربهم فى جيبها
مش عارف اعمل ايه

الصح زى ما قلت لك ف المشاركه اللى فاتت إنك تروح البنك بنفسك وتتاكد من الموضوع
وفى جميع الأحوال لازم ترجعلهم ال5000 جنيه لأنهم مش بتوعك وهم بقى يتاكدوا بمعرفتهم
لأن دى مش فلوسك وأنا شايف إنك حريص على معرفه الحقيقه وإنك تريح ضميرك .
نصيحتى روح البنك وافهم الحكايه واسحب الفلوس من حسابكم وسلمها لمدير الفرع
وهو اللى عليه الإثم لو أخدهم لنفسه وده فى حاله إن صاحبهم الأصلى مسألش عليهم .

فى جميع الأحوال لازم تسلم الفلوس للبنك .
تقبل تحياتى

**DODGE2013** · 07-11-2013 12:02 AM

لو كنت اشتريت حاجه ساقعه من الكشك الي جمب البنك كان فكهالك وريحت راسك

**mohabelnegm** · 07-11-2013 12:54 AM

أنا حصل معايا موقف غاظنى جدا فى ال cib على الرغم أنى عميل البنك الا أنهم رفضوا يغيرولى مبلغ بالدولار الكندى! بحجة أن الفرع مابيشتغلش فيه"طيب حطين سعرة ليه على اللوحة؟؟؟؟؟طبعا حاجة سخيفة أنك تخرج من بنكك اللى أنت عميل ليه و تروح صرافة علشان تغير فلوسك

**Egyzizo** · 07-11-2013 01:13 AM

المشاركة الأصلية كتبت بواسطة alaa74

غالبا اى بنك مش هيرضى يبدل العملات القديمه أو المقطوعة بجديده
الا لو تعرف حد فى البنك ده .
لكن من حقك تغير اى عمله قديمه أو حتى مقطوعة من البنك المركزى المصرى
ومكانه فى وسط البلد .

ماتقلقش
دول عالم محترفة مابيغلطوش ..

أكيد الغلط عندك.

الموضوع: هو ممكن يحصل كدة فى البنك

LinkBack

أدوات الموضوع

عرض

-

-

-

-

المواضيع المتشابهه

هو ممكن دة يحصل بجد

واحد جرى وراء كلب علشان يعضة وينهش عظم الكلب تصدقو ممكن يحصل؟ ممكن مع كمبورة

ممكن يحصل كدة

ايه اللي ممكن يحصل موتور 1600 راكب علي شكمان 1000 ايه اللي ممكن يحصل

الكلمات الدلالية لهذا الموضوع

المفضلات

المفضلات

ضوابط المشاركة