هو ممكن يحصل كدة فى البنك

**dede_dodo88** · 07-11-2013 01:53 AM

المشاركة الأصلية كتبت بواسطة mohabelnegm

أنا حصل معايا موقف غاظنى جدا فى ال cib على الرغم أنى عميل البنك الا أنهم رفضوا يغيرولى مبلغ بالدولار الكندى! بحجة أن الفرع مابيشتغلش فيه"طيب حطين سعرة ليه على اللوحة؟؟؟؟؟طبعا حاجة سخيفة أنك تخرج من بنكك اللى أنت عميل ليه و تروح صرافة علشان تغير فلوسك

معتقدش أن في بنك في مصر بيشتغل كاش في الدولار الكندي أو يمكن نادر أوي..
أغلب التعامل على العملات دي في البنوك بيكون عن طريق تحويلات مش كاش, عشان كده هتلاقيهم حاطين السعر بتاعه..

**esam_refaat** · 07-11-2013 02:18 PM

1- ده الفرق بين البنوك الوطنية وفروع البنوك الاجنبية اللى كل همها الربح وتحويله لفرعها الرئيسى بالخارج
2- 5000 جم لو متأكد انهم مش بتوعك لازم تبرىء ذمتك منهم من قبل ان ياتى يوم لا ينفع فيه مال ولا بنون الا من اتى الله بقلب سليم
والبنك عنده حساب للعجز والزيادة بيسجلهم فيه لحين شكوى اي عميل ويسويه
انا شغال فى بنك وباقابل المواقف دى
عافانا الله واياكم

**ابو لؤى** · 07-11-2013 02:26 PM

حضرتك هما بيعملو كده علشان لمه يعمل جرد يبقى ملم بالفلوس اللى عنده كلها لتسهيل عمليه الجرد يعنى بدليل انه لمه بياخد من حضرتك الفلوس بيكتب مثلا 200*5 100*6 كده

**ahmed_badawy14** · 07-11-2013 07:44 PM

بص يحضرتك العملات الي بتتغير في معظم الفروع في مدينه نصر و مصر الحديده ... بنتعامل مع ( الدولار الامريكي و الريال السعودي و الدرهم الاماراتي و الجنيه الاسترليني ) ... عايز تغير عملات تانيه زي ( دولار استرالي و دولار كندي و فرنك سويسري و ين ياباني ) في الفروع الكبيره ال a كلاس زي عباس العقاد و فروع زي الهرم و المهندسين دول يغيرلهالك علي طول ...........