الموضوع: رجه غريبه و صوت عالى فى المكنه

شباب الهونداويه صباح الخير

انا معايا فى تى اي 2009 و من حوالى يومين كده كنت راجع من مشوار فى كايرو و اول ما وصلت ووقفت لقيت صوت الماكنه عالى جدا بس الار بي ام هادي جدا و زي ما هو و المشكله انى لقيت رجه فى الدركسيون برده مع صوت المكنه

توقعت انه ممكن يكون من البنزين لانى مونت من بنزينه مش بثق بيها بصراحه و شكيت فى البنزين يكون مخلوط ففعلا غيرت البنزين و حطيت 95 صوت العربيه هدي فعلا بس مش زي الاول لا اعلى من العادي بتاعها بكتير مع العلم ان العربيه 65000 كيلو فقط

اصبحت بعد تغيير البنزين اهدى اه لكن اول ما بدورها الصبح بتكون عاليه جدا و صوتها مزعج و اول ما تسخن تهدى و لكن الرعشه و الرجه مازالت كما هى

رحت لميكانيكى قالى انها ممكن تكون قاعده ماتور لكن اللى مشككنى فى الموضوع ده و مخلتهوش يكشف عن العربيه ان الرجه ده بتروح و ترجع مش ثابته يعني ساعات اقف فى اشاره الاقى العربيه زي الفل و ساعات لا

ياتىر يا رجاله ده عيب ايه بقى و اروح اكشف على ايه بالظبط ؟