الموضوع: تبديل عربيه لانسر 1600 اوتوماتيك بسكودا a4

بص هيا مدارس, كل واحد و ليه ذوقه.

انا راكب بورا قبل كده (اخت السكودا ال a4).

بشكل عام ككماليات الفوكس اعلاهم, كشياكة خارجية و صالون داخلى الفوكس احلاهم بردو, كثبات الفوكس و الأوكتافيا زى بعض تيجى بعديهم بمسافة اللانسر.

توافر و اسعار قطع الغيار اللانسر طبعا, و بعديها الأوكتافيا و الفوكاس قريبين من بعض.

الاعتمادية, اللانسر طبعا و السكودا و الفوكاس قريبين منها.

سهولة البيع و سعر اعادة البيع, اللانسر طبعا و بعدين الأوكتافيا و الفوكاس, مع العلم مع متابعة للفوكاس ليها سوقها و الناس العاوزاها و ماسكة سعر كويس و مستنى اقع على حالة كويسة.

بشكل عام انا شايف الفوكاس عربية اقيم من الأوكتافيا و اللانسر و اريح و اشيك, فى مقابل ان قطع غيارها مش متوفرة زيهم اوى بس موجودة كويس, و لازم تتصلح عند متخصصين فورد و دول وجودهم بردو اقل من التانيين. لو قلقت يبقى خليك فى الأوكتافيا, بشكل عام اللانسر بعديهم عنهم تماما لو انتى بتدور على ثبات و امان.

بالنسبة للانسر اغلى قطع غيار شفتها في حياتي اغلي من الاوروبي كله للاسف احنا اللي عملنا منها عربية علي ايه انا مش عارف . معمرة ماشي ليها سوق ماشي بس ثبات فالضياع مقارنة بالاوروبي كله عوامل امان فقيرة جدا جدا سعر قطع الغيار مبالغ فيها جدا جدا جدا جدا . مش مصدقني جرب كده جبلها باب شنطة استيراد او كبوت استيراد او طارة استيراد فتيس cvt استيراد وتعالا قولي قطع غيارها غالية ولا رخيصة علي فكرة انت ممكن تجيب سكودا a4 كاملة استيراد بتمن فتيسين لانسر بوما