هو ايه البسكويت الاولكر
انا بافطر اللي يتبقي من ساندوتشات العيال وهما رايحين المدرسه
عرض للطباعة
قهوه وسجاير :\
فول وطعمية شغال
فول بس شغال
جبنة وفول شغال
جبنة وطعمية شغال
بيض وفول شغال
بيض وطعمية شغال
يبقى العامل المشترك الأكبر إيه يا شطااااااار ؟؟
باخد معايا سندوتشات الشغل علشان بتعب من اكل الشارع
جبنه رومى - بيض اومليت - مربى او حلاوه
و طبعا الشاى و النسكافيه بعد الفطار
الفطار مهم جدا و اليوم اللى مبفطرش فيه بيبقى متلخبط و مش مركز فيه
الجمعه طبعا الفطار الرسمى للشعب المصرى الفول و الطعميه
انا محروم لاني بعمل دايت
فطاري 5 ملاعق فول بليمون وشطه وكمون مع فلفل رومي
والغدا 2 علبة زبادي مع عصير ليمون
والعشاء قطعة جبن قريش مع سلطة خضراء
ادعولي لحسن انا حاسس اني هبقي شبه الصوماليين عن قريب
الفطار بالنسبالى زى العيد كل فين وفين بس بشرب حاجه سخنه
مقدرش اصحى اكل حتى لوعندى مشوار مثلا من 9 الصبح لغايه الساعه 5 مكلش غير لما ارجع
من اول ما دخلت اعداديه بطلت اخد سدوتشات .
على حسب المزاج مره فول وطعميه مره جبنه مره كشرى بس بحكم شغلى فى وسط البلد الفول والطعميه هنا طعمهم مختلف خالص غير الفول بتاع زمان اللى نعرفه كلنا حتى الطعميه مختلفه وطبعا غير المحلات الشعبيه بتاعتنا
محدش جاب سيرة سندوتشات الحلاوة الطحينية ليه ؟
هو انا بس الى بحبها فى البلد !!
مشكتها ان اكلها بكثرة بيرفع الكوليسترول واخيرا لقيتلها بديل صحى جدا بس موسمى
الا وهو سندوتشات العجوة بالسمنة
بتجيب البلح الامهات المستوى وتنزع منه النوى وتسويه مع ملعقة سمنة بلدى على النار وعمره طويل وممكن تعمل كميه وتحفظها فى الديب فريزر
طبعا ماتزودش السمن عشان يكون صحى
نسيت ادى الجبنة البراميلى حقها
ودول مع العيش البلدى اصدقائى فى ساعات العمل الطويلة وليالى السهر
4 سندوتشات وساعات 6 احسن ما تتحايل على حد فى الشغل يروح يجيب لك اكل من بره وطبعا انظف وأأمن
الله دمها نعمة واحفظها من الزوال