الموضوع: سلك البنزين اتقطع سيات 133

السلام عليكم و رحمة الله و بركاته اولا يا ريت محدش يضحك عليا لانى اول مرة فى حياتى اركب عربيه من كام يوم و بعدين اشتريت العربيه دى علشان اقدر اتعلم عليها السواقة لما روحت اشتريها كان معايا ميكانيكى قال ان دى حلوة موتور 27 و كبالن 27 و معالجة للسخونة بس الكربراتير مش حلو ممكن بعد كدة يتغير بس و الكهربائى قال البطارية حلوة و الدينامو المانى و العربية حالتها فل و اتجربت قدامى يجى خمس مرات و بعد ما اختها انا و واحد صاحبى بيعرف يسوق كان بيعلمنى فجاة بعد حوالى ساعة ونصف او ساعتين السير اتقطع روحت غيرته و تانى يوم فوجئت ان الدواساتتقيلة اوى و لما روحت للراجل علشان نسجلها جى يسوق استغرب جدا قالى انت عملت ايه فى الدواسات لكن رو حنا المشوار و قضيت و بعد ما رجعنا قالى شوف حل للدواسات دى علشان هى مكنتش كدة بصراحة انا نفضت و كنت فرحان ان علرفت اسوقها شوية و فى عز منا ماشى لقيت خبطة جامدة انا كنت فاكر الكوتش فرقع ولا حاجة بطلتها و نزلت ملقتش حاجة طبعا فضلت الف حوالين العربية مش فاهم فى ايه و قولت ادور و امشى و لاسف العربية احيانا مبدورش الا لما اكاركلها على البنزين هنا بقى لقيت الدواسة بتاعة البنزين بتنزل و مبتطلعش عرفت ان لسلك اتقطع و حظى الحلو ان انا كنت على مزلقان طبعا فهمتو انا عملت ايه لحد اخر المزلقان و بعد كدة بقى اقفلتها وجيت اسالكو اعمل ايه دلوقتى او الصبح بس يا ريت محدش يضحك و يفهمنى واحدة وواحدة مش عيب

شوية زيت على نهاية مكان سلك الدبرياج اللى داخل فى الفتيس ونهاية سلك الاكسلاتير فى الكربراتير