الف الف مبروك ... ربنا يكفيك شرها يا رب
عرض للطباعة
الف الف مبروك ... ربنا يكفيك شرها يا رب
تصحيح صغير بس للنقطة دي في كلامك,,
مفيش حاجة أسمها سيبك من موقع الشركة لأن فيه أوبشن بتتشال في الجمرك,,
الجمرك مش بيشيل أوبشن من العربية,, !!
العربية نازلة بمصر فيها abs+ebd في كل الفئات,
ومفيش بيجو في مصر فيها abs من غير ebd ولو فيه ياريت تقولي علي الموديلات لو عندك خلفية.. ؟!!
ال ebd أساساً subsystem لل abs,, يعني مش بينزلو من غير بعض يا أبو هند.
أسعار قطع الغيار الأصلي والدواسات,
http://www.nilemotors.net/Nile/378310-301.html
http://www.nilemotors.net/Nile/378310-301-2.html
http://www.nilemotors.net/Nile/387442-301.html
http://www.nilemotors.net/Nile/381727-301.html
والدواسات اللي جابها صاحب الموضوع ب 255 من كفر الشيخ أعتقد أنها كويسة لأن سعرها غالي في التوكيل,
وأكيد اللي بيجيب من القاهرة بيكون عشان حاجة من أتنين يا فرق سعر أقل,
يا بضاعة حاضرة وفترة أنتظار أقل.
الف مبروك ياباااشا وربنا يديك خيرها ويكفيك شرها ان شاء الله
حضرتك ممكن تعمل التقرير وتبقي تبعتي لي الصور وأنا أرفعهالك,
بالنسبة لفترة التليين عندك أول 500 ل 1000 كيلو تمشيهم بالعربية يكونو علي سرعة أقل من 90 أو 100 كحد أقصي,
متحرقش علي الغيارات بمعني رجليك تبقي هادية علي دواسة البنزين متعليش عدد لفات الموتور عن 3000 لفة في الدقيقة علي أي غيار,
وبعد كدا أفتح بالعربية وأمشي براحتك,, بس خد بالك طبعاً وفي التأني السلامة, :-)
عندك أول صيانة علي 2500 دي مجانية,,
يفضل تعملها في غمرة دا المركز الرئيسي,
بتروح بيكشفو علي العربية وعلي مستوي السوائل من زيت موتور وزيت باور وفرامل والمية,
وبيربطو عفشة وبيعملو أبديت للسوفت ويير بأخر أبديت نزل من يوم ما أشتريت العربية.
وبيسئلوك لو عندك ملحظوات أو شكاوي في خلال الفترة دي وبيعملو لك اللازم,
وبعد كدا أول صيانة فعلية علي 10,000 كيلو ودي تغير زيت وفلتر زيت بس,,
وأنت في صياناتك إن شاء الله من هنا لحد ال 30 ألف مش هتغير غير زيت وبس,
الزيت تكشف عليه كل أسبوع أو زي ما تحب, في الجديد عمتاً علي عكس القديم أغلبنا مش بيكشف عليه لأنه مش بيقل ولو حصل والزيت قل هتطلع لك رسايل تحذرك إن الزيت قل,
المية في القربة بتاعتها علي أيديك الشمال لما تفتح الكبوت,, تكون دايماً في المستوي ما بين min و max
ودي مش بتتزود غير بمية مقطرة, أو مية زيها من نفس النوع واللون,
والتغير لسه كمان 5 سنين,, يعني يديك ويدينا العمر,, :tumb:
تغير زيت الباور والفرامل كل سنتين, بس أغلبنا بينسي يعمله خصوصاً لو مش مواظب مع التوكيل في الصيانات, لما تعدي السنتين أبقي غيره في التوكيل لأن العربية هتكون لسه في الضمان,,
وبس كدا,
لو مانيوال التيل هيعيش معاك أكتر من الأوتوماتيك لأن مش عليه حمل زي ما بيكون عليه حمل من الفتيس الأوتو لأنك مش بتفصل حركة الموتور عن الفتيس زي وانت داخل علي مطب مثلاً,
مفيش طريقة محددة,, أنت لو مشيك كله جوا البلد, التيل هيتأكل بشكل عالي,, من كتر الضغط علي الدواسة,,
أما لو طريقك كله سفر بس علي طرق سريعة أستخدامك هيبقي أقل بشكل أكبر وهيخلي التيل يعيش معاك لفترة أطول,,
عموماً معدل العمر الأفتراضي للتيل من 30 ل 40 ألف كيلو,
الف الف مبروك ... ربنا يكفيك شرها ممكن اعرف تكلفة الترخيص كام من الالف للياء
شاكرين اهتمامك يا باشا و المعلومات القيمه ديما :)
@ leitosr
مبروك البيجو 301 عربيه محترمه جدا
لف مبروك ربنا يديك خيرها و يكفيك شرها