تقرير استلام 301 مانوال

**on1touch** · 07-11-2013 12:44 PM

المشاركة الأصلية كتبت بواسطة engwms

مبارك عليك وربنا يديك خيرها ويكفيك شرها باذن الله

امين يارب العالمين اشكرك

**on1touch** · 07-11-2013 12:58 PM

المشاركة الأصلية كتبت بواسطة abohend

بسم الله ما شاء الله
ألف ألف مليون مبروك

ربنا يباركلك فيها و يكفيك حسد كل ذي حسد و عين كل ذي عين
و يجعلها لك عوناً في طاعته

قلي بقى يا سيدي جبت الدواسات و بقية الكماليات منين؟؟
و أسعارها أخبارها ايه؟؟
و الدواسات بتاعتها و عليها اسم الموديل و علامة البيجو و لا لأ؟؟
و هل العربية فيها EBD و لا لأ...عشان الموضوع ده إختلفت فيه الأقاويل؟؟

و ايه اللي خلاك تجيب من القاهرة مش الأسكندرية..رغم أن كفر الشيخ أقرب للأسكندرية على ما أظن؟؟

و كفاية كده أسئلة عشان أكيد خنقتك

امين يارب وربنا يحفظ الجميع
الدواسات جبتها ب ب 255 من كفر الشيخ لونها اسود جلد عليها علامة بيجو في الوش والضهر والغطاء الجديد جبته عادي مش بتاع بيجو ب 200 وجبت زينون من السعوديه ب الماني ب600 ريال بس لسه مركبتهوش هسئل الاول ع ضفيرة الكهربا وجبت فرو للكراسي ب 400 لونه رمادي بنفس لون العربيه وفاضلي الفوج لايت بس هجيبه اصلي من التوكيل ومسند الايد اللي موجود في الهاي لاين وتبقي تمام
موضوع العربيه فيه ebd الصفحه الفرنسيه للموقع بتقول انه موجود والمصريه مشعارف لان حاسس ان الموقع ملخبط لكن انا متاكد انه فيها لاني حسيت بتوزيع الفرامل
تللي خلاني اجيب من القاهره اني كنت هناك بحجز صني الشكل القديم او لانسر شارك وبعد كدا طلعت ع صلاح سالم (من غير سبب يعني ) لكن النقطه دي مهمه اوي بالنسبالي لاني طلبت منهم في القاهره انهم ينقلوا مفل العربيه كله اسكندريه عشان هبقي معاهم في الصيانه وقطع الغيار وكله ان شاء الله بعد كدا
اما الاسئلة فانا برحب بيها والله كلها لاني استفدت اثلا من رغي الاعضاء كلهم :D

**wella3330** · 07-11-2013 01:03 PM

الف مبروك و ربنا يبارك فيها

**on1touch** · 07-11-2013 01:10 PM

المشاركة الأصلية كتبت بواسطة mahmed0100

مبروك يا ريس .. و انا معاك في طلب ان حد يفهمنا نتعامل مع ال 301 ازاي بخصوص الزيوت و المايه و ناخد بالنا من ايه لحد ما نوصل لل10000 صيانه
و ايه افضل طريقه للحفاظ علي تيل الفرامل انه يعيش فتره طويله ؟

الله يبارك فيك ياباشا والله الموضوع دا محيرني جدا ولازم حد يكون فهم العربيه دي اوي ينزلنا شرح في اقرب فرصه ياريت نعمل موضوع متابعه تلين ال 1000 ك لل 301 اول باول من غير اي فتي اللي فاهم يقول وبس واي اسئله محدش يحرج ونتابع مع بعض ان شاء الله ولو حد يشوفلنا مهندس الصيانه نكلمه ويتابعنا ع الموقع تبقي فكره احسن

**piroo** · 07-11-2013 01:11 PM

يا ياشا الف مبروك و ربنا يديك خيرها و يكفيك شرها

**on1touch** · 07-11-2013 01:13 PM

المشاركة الأصلية كتبت بواسطة wella3330

الف مبروك و ربنا يبارك فيها

الله يبارك فيك يارب

**on1touch** · 07-11-2013 01:15 PM

المشاركة الأصلية كتبت بواسطة piroo

يا ياشا الف مبروك و ربنا يديك خيرها و يكفيك شرها

الله يبارك فيك وامين يارب العالمين

**on1touch** · 07-11-2013 01:21 PM

الله يبارك فيكوا كلكوا يارب وربنا يرزق الجميع بيها وبالاحسن منها كمان يارب
بالنسبة للتقرير المصور بصراحه هيتعبني لاني مليش في المنتديات ومش بعرف ارفع الصور
انا شايف الاهم بس حد يتابعنا في التليين اول 1000 ك ويشرحلنا العربيه من جوه الكبوت ميه وزيوت وفلاتر وكل حاجه

**medori** · 07-11-2013 01:34 PM

مبروك يا باشا، ربنا يديك خيرها و يكفيك شرها و يحفظهالك من العين
والله شوقتنى اسوق manual تانى، بس زحمة القاهرة عذاب بصراحة

**abohend** · 07-11-2013 05:13 PM

المشاركة الأصلية كتبت بواسطة on1touch

امين يارب وربنا يحفظ الجميع
الدواسات جبتها ب ب 255 من كفر الشيخ لونها اسود جلد عليها علامة بيجو في الوش والضهر والغطاء الجديد جبته عادي مش بتاع بيجو ب 200 وجبت زينون من السعوديه ب الماني ب600 ريال بس لسه مركبتهوش هسئل الاول ع ضفيرة الكهربا وجبت فرو للكراسي ب 400 لونه رمادي بنفس لون العربيه وفاضلي الفوج لايت بس هجيبه اصلي من التوكيل ومسند الايد اللي موجود في الهاي لاين وتبقي تمام
موضوع العربيه فيه ebd الصفحه الفرنسيه للموقع بتقول انه موجود والمصريه مشعارف لان حاسس ان الموقع ملخبط لكن انا متاكد انه فيها لاني حسيت بتوزيع الفرامل
تللي خلاني اجيب من القاهره اني كنت هناك بحجز صني الشكل القديم او لانسر شارك وبعد كدا طلعت ع صلاح سالم (من غير سبب يعني ) لكن النقطه دي مهمه اوي بالنسبالي لاني طلبت منهم في القاهره انهم ينقلوا مفل العربيه كله اسكندريه عشان هبقي معاهم في الصيانه وقطع الغيار وكله ان شاء الله بعد كدا
اما الاسئلة فانا برحب بيها والله كلها لاني استفدت اثلا من رغي الاعضاء كلهم :d

ربنا يخليك يا باشا
و الله أنا كمان استفدت من مشاركات الأعضاء
و المنتدى ده هو السبب في أني قررت أغير و حجزت البيجو
بس نصيحة لله بلاش لعب فالضفيرة بره التوكيل عشان العربية متخرجش من الضمان
و عن تجربة مع البيجو 206 عمري مشتغلت فالضفيرة بره التوكيل و الموضوع اتحل
ما شاء الله كل كهربائية الإسكندرية تعبانين و اللي مبيفهموش (بيجمبره)
بالنسبة ebd سيبك من موقع الشركة لأن في أبشنز كتير بتتشال عشان الجمارك
النسخة المصرية بتبقى دايماً أفقر بكتير من مثيلتها فالخليج أو بلد المنشأ
ربنا يحفظهالك و يرزقك خيرها