فقدت السيطرة على العربية وكنت هموت امبارح

امبارح بالليل حصل موقف انطبع في ذاكرتي مدى الحياة

كنت ماشي في طريق (مش حفظه ) على الشمال مرة واحدة لقيت الرصيف اضيق وحسيت ان العربية داخلة في اول الرصيف التاني (طبعا مكنش فيه نور فشفته مرة واحدة ) لاني كنت معتمد ان الرصيف مكمل بنفس ابعاده وان الطريق وسعه ثابت

اضطريت ان اسحب الطارة جامد ناحية اليمين عشان اتفادى الاصطدام بيه
اول ماعملت الحركة دي العربية لفت بعرض الطريق في اتجاه اليمين وضربت فرامل لقيت نفسي مش عارف اسيطر عليها
رجعت تاني لفت تاني بس المرادي في اتجاه الشمال (وطبعا في كل لفه انا حاسس ان الناس اللي جاية وراية هتدخل فيا )
العربية بعد ما لفت في اتجاه الشمال كانت طالعة في اتجاه الطريق العاكسي (اللي جاي) بس الحمد لله دخلت في شوية رمل وقفت حركتها

طبعا كان معايا والدي و الدتي بس الحمد لله انا كنت لابس الحزام ووالدي برده والا كنا اتبهدلنا وامي كانت ورا
السؤال المهم اللي انا عايز اعرفه ايه اللي خلى العربية تعمل كده ؟؟؟؟
والحل لو انا عايز اتفادى حاجة مرة واحدة على الطريق كلب غصن شجرة حجر اعمل ايه ؟؟

وشكرا لحضراتكم مقدما

اولا الف حمد لله على سلامتك
وسلامه الوالدين
وانا زيك مستنى راى الخبراء

حمد لله على سلامتك انت و الاسرة

اكيد الاسفلت كان عليه تراب و زحلق العربية بالاضافة لعوامل تانية منها مثلا حالة الكاوتش و ضغطه و وجود abs من عدمه

الف سلامه والحمدلله انها عدت على خير

الحمد لله
على سلامة حضرتك انتا و الدك و ولدتك

انتا حضرتك كسرة الدركسيون اتجاه اليمين و مردتش تانى للاتجاه المعاكس علشان العربية تعدل نفسها و لابد فى حالة الرد مرة اخر يكون بمقدار اقل من اتجاه اليمين و غير كدة هل الاسفلت كان عليه تراب او اى حاجة تزحلق العربية
كل دى عوامل و ممكن حالة الكوتش كمان

الحمد لله على كل شىء

ربك المستعان

شكرا لكل الردود بس يا جماعة العربية فيها abs وكمان الكاوتشات لسه يعتبر جديدة )العربية عامله 20 الف بس ,وغير كده انا لسه كاشف على ضغط الكاوتشات وحكاية التراب مش فاكر
الموضوع اللي مخوفني دلوقتي هوا انا لو ماشي وقابلت اي حاجة فجأة (طوبة كبيرة حفرة كلب ميت ........) ومخدتش بالي غير متأخر يعني لازم اكسر الدركسيون جامد هل دا هيأدي لفقدان السيطرة على العربية وتلف منك ولا المفروض الواحد يعمل ايه ؟؟؟

الحودايه بالدركسيون جامد بجانب ان الارض اكيد عليها تراب لانك دخلت فجزيرة تراب من ستر ربنا ده يخليها تلف لكن سيبك انت المهم حمد لله عالسلامه حضرتك و على سلامه الوالد و الوالده

اقتباس:

---

المشاركة الأصلية كتبت بواسطة ahmedzag1

شكرا لكل الردود بس يا جماعة العربية فيها abs وكمان الكاوتشات لسه يعتبر جديدة )العربية عامله 20 الف بس ,وغير كده انا لسه كاشف على ضغط الكاوتشات وحكاية التراب مش فاكر
الموضوع اللي مخوفني دلوقتي هوا انا لو ماشي وقابلت اي حاجة فجأة (طوبة كبيرة حفرة كلب ميت ........) ومخدتش بالي غير متأخر يعني لازم اكسر الدركسيون جامد هل دا هيأدي لفقدان السيطرة على العربية وتلف منك ولا المفروض الواحد يعمل ايه ؟؟؟

---

هتفرق السرعه الى حضرتك ماشى عليها ايه و اهم حاجه تعدل الدركسيون تانى من غير ماتتدوس فرامل غير لما العربه تتعدل

اولا الحمد لله على سلامتك
العوامل كتير نبتدى بالكوتش ممكن تكون حوافه متاكله
وبرده العفشه ليها تاثير كبير جدا
وتربيطهم كل فتره مهم
والمساعدين والسسوت ليهم دور كمان كبير
المنظومه كامله لو خلل فى شيىء وان كان بسيط بياثر بالسلب على الكل

طب يا جماعة ايه اللي ممكن محتاج تظبيط في العربية بعد الحكاية دي : ضبط زوايا ولا عفشة ولا اعمل ايه بالظبط او بشكل اوضح ايه اللي ممكن يكون اداءه اتغير بعد اللي حصل العربية قدامي الحمد لله مفيهاش حاجة ظاهرة

روحى عند اى حد بتاع عفشه
يبرطها ويشوف مسامير الميزان علشان ساعات بتتكسر وننساها زى ما حصل عندى من قبل
ويربط العفشه كويس ورا وقدام نظره عامه يعنى للتاكد على كل شىء
وروح ظبط زوايا وان شاء الله خير

بص اللى حصل ده طبيعى وعادى الارض اكيد عليها تراب
قوة لف الدركسيون والسرعه اللى انتا كنت ماشى بيها

العربيه عامت منك ولفت علشان انتا دوست فرامل والعجل مع الفرامل كان تأثيره زفت وكان لازم تعمل كده
حصلت معايا كده بس لف الدركسيون فجأه وعلى سرعه غلط كبير جدآ وربنا اللى سترها معاك لكن مش صح ممكن العربيه كانت تلف 360 درجه ومش هتعرف تعمل حاجه

اقتباس:

---

المشاركة الأصلية كتبت بواسطة mohammedabdallh

روحى عند اى حد بتاع عفشه
يبرطها ويشوف مسامير الميزان علشان ساعات بتتكسر وننساها زى ما حصل عندى من قبل
ويربط العفشه كويس ورا وقدام نظره عامه يعنى للتاكد على كل شىء
وروح ظبط زوايا وان شاء الله خير

---

شكرا جزيلا على اهتمام حضرتك وسرعة الرد

الف الف سلامه .............

اقتباس:

---

المشاركة الأصلية كتبت بواسطة aldesha989

بص اللى حصل ده طبيعى وعادى الارض اكيد عليها تراب
قوة لف الدركسيون والسرعه اللى انتا كنت ماشى بيها

العربيه عامت منك ولفت علشان انتا دوست فرامل والعجل مع الفرامل كان تأثيره زفت وكان لازم تعمل كده
حصلت معايا كده بس لف الدركسيون فجأه وعلى سرعه غلط كبير جدآ وربنا اللى سترها معاك لكن مش صح ممكن العربيه كانت تلف 360 درجه ومش هتعرف تعمل حاجه

---

يعني المشكلة كانت في الفرامل يعني لو مكنتش ضربت فرامل مكنتش لفت مني

حمدا لله على سلامة حضرتك والأسرة
للأسف حال الطرق بيسؤ يوم بعد يوم وأغلب الحوادث بسبب رداءة الطرق وبالأخص الطرق السريعة
طبعا مفيش جزم في تحليل اللي حصل لحضرتك ده إلا تحليلك لأنك اللي عارف عملت إيه بالضبط ولفيت ازاي ودوست على إيه.
بس بصفة عامة ومع احترامي للأراء فإن نظام فرامل ABS مش هو المسؤول عن الموقف ده وإنما نظام توزيع الفرامل الالكتروني EBD وده اختصار electronic brakeforce distribution وننظام آخر ASR وده اختصار anti slipary regulator ومش متواجدة الأنظمة دي بوفرة زي abs
إنما بشكل عام في المواقف زي دي مش مفضل كبح الفرامل بشدة مع الدوران بشكل مفاجئ وحاد، طبعا الموضوع بيكون فجأة والتصرف بيكون سريع بس طبعا التركيز بيكون له عامل مهم جدا في تفادي مفاجآت الطريق، وربنا يستر

الموضوع ده حيحصل في اي عربيه لكن عشان تقلل مدي العومان ده تعمل ايه
اولا متلمسش فرامل نهائي لان ده اخطر حاجه
ثانيا بعد ماكسرت يمين فجاه كده كنت اعدل شمال وكان حيبقي افضل لو فضلت دايس عالبنزين بحيث ان تفضل العربيه ماشيه لاتجاه الامام وطبيعي انك تعدل شويه شمال وشويه يمين وشمال لحد ماتظبط

الف حمدلله على السلامه
لو عربيتك سليمه وانت متأكد
ممكن انت لما أتخضيت وكسرت الدركسيون على سرعه عامت منك وانت مقدرتش تسيطر عليها بحكم الموقف
انت كسرت جامد مره واحده فى اتجاه ولفيت الطاره شويه زياده عن الصح لانك اتخضيت مش لانك مش بتعرف تسوق وكلنا بشر وبنخاف ومش زنبك لان الرصيف قفل عليك بشكل مش طبيعى ...
أما لو مش ملتزم بصيانه مثلا لازم تكشف عالفرامل وعالعربيه من تحت كلها وعالتيول والطنابير .

الموضوع ده حصل معايا بحذافيره، والعربية خارج الموضوع، الموضوع كله متوقف على السائق وتركيزه،

أنا كنت ماشي فوق كوبري مايو في الحتة اللي فوق الزمالك الساعة 11:30 بالليل وكنت بتكلم في التليفون وماسك الطارة بإيد واحدة، ومعروف إن الحتة دي من الكوبري (اللي فوق الزمالك، من ماريوت لحد أبو الفدا) ضيقة ومظلمة (عواميد الإنارة مش شغالة)، وكان فيه عربية 128 عطلانة ومش حاطط أي عاكس أو وسيلة لتنبيه الناس بوجوده، وأنا كنت ماشي بسرعة حوالي 80 - 90 كيلو، اللي حصل إن بسبب مجموعة العوامل دي:
- كلام في التليفون
-ماسك الطارة بإيد وحدة
- ضيق الطريق
- إظلام عواميد الإنارة
ـ سرعة السيارة 80 كيلو
- عدم وجود مثلث عاكس مع العربية العطلانة الـ 128

لقيت عربية ظهرت فجأة قدامي، وفاضل 40 سم تقريبًا وهخبط فيها، رحت كاسر الدركسيون ناحية اليمين بحركة هيستيرية مع فرامل هيستيرية برضه، لقيت العربية عامت جامد وكنت رايح ناحية حاجز الكوبري أخبط فيه، لفيت الدركسيون تاني شمال، العربية عامت ناحية الشمال وكنت رايح أخبط في الحاجز الشمال، لفيتها تاني يمين العربية عامت تاني يمين والحمد لله كانت فقدت كتير من قوة الدفع من غير مخبط والحمد لله وقفت وربنا ستر.

دي اسمها weight transfer و بتستخدم في بدء ال Drift و انت عملتها بالصدفة لكن معرفتش تسيطر بعدها مكانش المفروض تعكس الدركسيون معاكس كله الناحية التانيه مره واحده لأنك عملت weight transfer الناحية التانيه و ده هيزود ًزحلقة العربيه

اقتباس:

---

المشاركة الأصلية كتبت بواسطة evo

دي اسمها weight transfer و بتستخدم في بدء ال drift و انت عملتها بالصدفة لكن معرفتش تسيطر بعدها مكانش المفروض تعكس الدركسيون معاكس كله الناحية التانيه مره واحده لأنك عملت weight transfer الناحية التانيه و ده هيزود ًزحلقة العربيه

---

طب انا عرفت ازاي بتبدأ طب ازاي بيسيطروا على العربية ؟؟

السبب بجانب الحاجات دى و على ما فهمت من نوع العربية انت معاك لانسر بومه - عربية بطبعها خفيفه و بتروح بسرعه

عشان تسيطر على العربية متدوسش فرامل نهائى - تحط العربية على غيار اقل و تدوس بنزين عشان العجل الى قدام يعدل العربية
الدريفترز بيسيطروا على العربية بالطريقة دى مع فرامل اليد و الدركسيون عشان ينقلوا الوزن بس طبعا محتاجة تدريب كتير عشان تعرف تسيطر على العربية - خصوصا اللانسر - فعلا عربية لما بتروح صعب انك ترجعها

و ربنا يستر طريقك و طريقنا و الحمد لله انها جت على كده

انا كان حصل معايا حاجه مشابهه والعربيه عومت برضه بس السبب اني كنت شايل حاجات تقيله اوي في شنطه العربيه

أعتقد إن فكرة السيطرة شبه مستحيلة، لأن السيطرة عايزة تركيز كامل وتوقع للي هيحصل، يعني مثلا بتمشي بسرعة وعارف أنك هتقرب على حجر بعد 100 متر مثلاً، وعارف أول ما تقرب ع الحجر هتعمل ايه، هتعوج الطارة يمين سنة بسيطة مع تجنب الفرامل وسنة بنزين توجه العربية بيها إلخ، إنما اللي بيحصل إنك بتتفاجئ بحاجة قدامك وبتاخد رد فعل هستيري، بتعوج الطارة بشكل هيستيري مع فرامل هيستيرية، هل في ناس بتبقى مسيطرة وهي مخضوضة ومرعوبة؟ هو ده السؤال. المطلوب أولاَ إنك متتخضش عشان تحسن التصرف، وأعتقد إن ده مستحيل، إلا لو اتدربت على الموقف ده تدريب مكثف جدًا جدًا جدًا، بحيث التصرفات السليمة "تخش في اللا وعي" بتاعك، وتعملها من غير تفكير، يعني يبقى عندك "ثبات انفعالي" في المواقف اللي زي دي. حاجة كده زي التدريب المكثف لسنوات في الألعاب القتالية، بتدرب بكثافة لدرجة إنك لو لقيت نفسك في خناقة هتلاقي إيدك بتضرب لوحدها بحرفنة، وتلاقي نفسك بتتفادي الخطر وبتحمي نفسك من غير تفكير. وده لأن فيه حاجة اسمها Muscle memory، "ذاكرة العضلات" يعني انتا عملت حركة معينة بإيدك بمقدار معين ومسار معين حوالي ألفين مرة، فعضلة إيدك سجلت المقدار ده، وهتعمله تلقائيًا من غير تفكير وقت اللزوم بنفس المقدار ونفس المسار. نفس الشيء على موقف العربية، لو انتا اتدربت على الموقف ده تدريب مكثف جدًا، هتلاقي إيدك تلقائيًا بتعدل الطارة بمقدار معين وبحركة محسوبة مسبقًا، زي ما اتدربت بالظبط. ورجلك هتفضل مكانها مش هتدوس فرامل زي ما حصل بالظبط في ألفين مرة قبل كده.

first of all ,, بص كدة ع البوست دا

http://www.nilemotors.net/Nile/3875234662-post21.html (العربية عامت منك قبل كده ؟ وعملت ايه ؟)

اقتباس:

---

المشاركة الأصلية كتبت بواسطة ahmedzag1

امبارح بالليل حصل موقف انطبع في ذاكرتي مدى الحياة

كنت ماشي في طريق (مش حفظه ) على الشمال مرة واحدة لقيت الرصيف اضيق وحسيت ان العربية داخلة في اول الرصيف التاني (طبعا مكنش فيه نور فشفته مرة واحدة ) لاني كنت معتمد ان الرصيف مكمل بنفس ابعاده وان الطريق وسعه ثابت

اضطريت ان اسحب الطارة جامد ناحية اليمين عشان اتفادى الاصطدام بيه
اول ماعملت الحركة دي العربية لفت بعرض الطريق في اتجاه اليمين وضربت فرامل لقيت نفسي مش عارف اسيطر عليها
رجعت تاني لفت تاني بس المرادي في اتجاه الشمال (وطبعا في كل لفه انا حاسس ان الناس اللي جاية وراية هتدخل فيا )
العربية بعد ما لفت في اتجاه الشمال كانت طالعة في اتجاه الطريق العاكسي (اللي جاي) بس الحمد لله دخلت في شوية رمل وقفت حركتها

طبعا كان معايا والدي و الدتي بس الحمد لله انا كنت لابس الحزام ووالدي برده والا كنا اتبهدلنا وامي كانت ورا
السؤال المهم اللي انا عايز اعرفه ايه اللي خلى العربية تعمل كده ؟؟؟؟
والحل لو انا عايز اتفادى حاجة مرة واحدة على الطريق كلب غصن شجرة حجر اعمل ايه ؟؟

وشكرا لحضراتكم مقدما

---

اللى حصل دا طبيعى جدا aisi http://www.nilemotors.net/Nile/image..._37%5B1%5D.gif

sudden steering => oversteer => sliding sideways

و TIC ان احنا منعرفش حالة الطريق اللى انت كنت ماشى عليه

plus ان غلط جدا ان حضرتك (ضربت فرامل) ف الموقف دا ,,,,,,,,,,, :waaaht:


الحل ؟
ESP ,, مكونتش هتحس بحاجة :nemoflow: الا بلمبة ال esp بتنور ف ال instrument cluster

اما ف موقف زى دا ,, مفيش esp ,, بتحاول ت turning into the slide
بمعنى انك بتحود الدريكسيون ف نفس الاتجاه اللى ال rear tires رايحه فيه
لان ال latter دى بيحصلها overloading و انت بتحاول تخليها ت respect
ال normal distribution و الا هتلاقي العربية بتلف حوالين نفسها

ربنا يستر علينا كلنا :praying:

الف حمدالله علي سلامتك بس العامل الاساسي في اللي حصلك هو عدم رد فعلك السريع
انت عملت فعل لكن مكنش له رد سريع
انا شخصيا حصل موقف من اسبوع كده كنت راجع من المحله لطنطا وعندقاعه علي الطريق لقيت زفه بحسبها هتقف عند القاعه لقيتهم كملو فشديت بقي علي اساس ان الطريق هيفتح وواحد بفيرنا جه من اقصي اليمين بيلف الملف وايه بقي بيتمشي براحته علي السريع وكنت داخل فيه داخل فيه وسرعتي 100 تقريبا فقررت ان انزل الزراعات بدل ماادخل فيه رميت العربيه للزراعه بس رد فعلي ان لقيت ان ممكن لفها تاني واعدلها ولله يمكن العجلتين اللي ورا لفو في الهوا وعدلت العربيه بس مش عاوز اقولك اعصابي بعدها زفت والفيرنا ماسلمتش برضه جه واحد بسكودا طيره من سكته لزقه في الرصيف اللي في النص

اقتباس:

---

المشاركة الأصلية كتبت بواسطة monamize4

first of all ,, بص كدة ع البوست دا

http://www.nilemotors.net/Nile/3875234662-post21.html (العربية عامت منك قبل كده ؟ وعملت ايه ؟)






اللى حصل دا طبيعى جدا aisi http://www.nilemotors.net/Nile/image..._37%5B1%5D.gif

sudden steering => oversteer => sliding sideways

و TIC ان احنا منعرفش حالة الطريق اللى انت كنت ماشى عليه

plus ان غلط جدا ان حضرتك (ضربت فرامل) ف الموقف دا ,,,,,,,,,,, :waaaht:


الحل ؟
ESP ,, مكونتش هتحس بحاجة :nemoflow: الا بلمبة ال esp بتنور ف ال instrument cluster

اما ف موقف زى دا ,, مفيش esp ,, بتحاول ت turning into the slide
بمعنى انك بتحود الدريكسيون ف نفس الاتجاه اللى ال rear tires رايحه فيه
لان ال latter دى بيحصلها overloading و انت بتحاول تخليها ت respect
ال normal distribution و الا هتلاقي العربية بتلف حوالين نفسها

ربنا يستر علينا كلنا :praying:

---

شكرا لرد حضرتك وانا دورت على نظام ESP عشان افهم بيعمل ايه وهنقل الكلام اللي قريته للاعضاء اللي زيي اللي معندهمش فكرة عنه
Electronic Stability Program= ESP
نظام الثبات الالكتروني بيعمل علي إعادة السيطرة على العربية من خلال قدرته على قراءة اتجاه العجلات وجسم العربية والتعرف على القوى المؤثرة عليها وعن طريق عمل عدد كبير جدا من حساسات الحركة على قراءة عشرات البيانات مرات كتيرة جدا في الثانية الواحدة ، وارسالها إلى وحدة تحكم منفصلة خاصة بنظام الثبات الالكترونى ، لتحللها وتتخذ القرار فى أجزاء من الألف من الثانية عشان يرجع العربية إلى مسارها الصحيح بدون اى تدخل يذكر من السائق.
النظام بيتعرف على سرعة كل عجلة على حدة ، وسرعة دوران الموتور ، والسرعة فى ناقل الحركة (الفتيس)، واتجاه العجلات الأمامية ، واتجاه سير جسم العربية بشكل عام ، وحساب قوى الطرد المركزية اللي بتأثر على جسم العربية بسبب تغيير اتجاهها بشكل مفاجئ ، والكثير من المعطيات الأخرى لمواجهة الموقف ومن خلال هذه الأدوات يمكن للنظام أنه يرجع السيطرة مرة تانية إلى السائق بمقاومة اندفاع العربية خارج الطريق بقوى عكسية ترجعها إلى مسارها مرة أخرى.
الفيديو بيوضح الفرق بين العربية اللي فيها نظام "الإيه إس بي" وبين نفس العربية لو مفيهاش النظام في حالة لو اتعرضوا لنفس الموقف.
ESP -- Electronic Stability Program - YouTube

Electronic Stability Control (ESC) Revealed - YouTube

الف حمد الله على سلامتك
واكبر غلط كان الفرامل

حمد الله على سلامتك

Please eng/ahmed ....... me at ah.hamdy@yahoo.com

كلمة كونتاكت قفلينها اوكى كونتاكت

الحمد الله انكم بخير

الحمد لله على سلامتك و بعدين مينفعش تتدرب على ال drifting فى شوارع العامه :grinder:

أنا ما قريتش كل التعليقات بس عموما كسر الدركسيون جامد علي سرعة عاليه ممكن يقلب العربية ....
فقلعمليه في الأول والأخر بتعتمد علي قوة فراملك وسرعتك ....
بس لو فرملة ما تحودش في نفس الوقت لأن دي كارثه ...وبعدين ممكن تسقط غيار فئلعذم بتاع المطور يلم معك ويتقل العربية ...

اقتباس:

---

المشاركة الأصلية كتبت بواسطة ahmedelghamraw

please eng/ahmed ....... Me at ah.hamdy@yahoo.com

---

حضرتك لو عايز تستفسر على اي حاجة ممكن تبعتلي على الخاص
وانا فعلا قريت رسالتين على الخاص بس من غير ماافهم منهم اي حاجة

حسب نوع السيارة وتحكمك فى العربية