هو سير الكاتينه للبيجو 301 جنزير وليه العربيه لنا بتقفل من الريموت بتنور من غير صوت
عرض للطباعة
هو سير الكاتينه للبيجو 301 جنزير وليه العربيه لنا بتقفل من الريموت بتنور من غير صوت
لما كنت بحجز العربيه قالي ان السير كاوتش مش جنزير ... و العربيه مفيش فيها انذار .. علشان كده ال lock بيقفل و مش بيعمل اي صوت غير صوت القفل بس
يا باشا هى بتنور بس ﻻنها من غير انذار هى سنتر فقط ودى البيحو نسخة الشرق اﻻوسط اما اوربا بينزل فيها اﻻنذار و كمان ebd
اللي اعرفه ان العربيه فيها abs & ebd في كل الفئات .. انا سألت يوم الحجز علي امكانيه تركيب انذار ..قالي الافضل بلاش و كده كده العرببه فيها ايموبليزر فمش محتاجه ... بس مهما كان العربيه لو فيها انذار فده امان اكتر
طب انا لو عاوز اركب الجهاز الي بيفصل البنزين عن العربيه او بيصل الكهرباء لو العريبه اتسرقت
ينفع وبكام
+111
الكلام دا هوا الصحيح,
العربية في مصر بكل فئاتها فيها abs+ebd
وفيها سنتر لوك,, وإيموبلايزر ومفهاش أنذار (سرينة) وكل البيجو كدا,
ومنتاش محتاج تركب سرينة لأن العربية مش هتدور من غير المفتاح,
وفي التوكيل مش بينصحو بتركيب السرينة برضه عشان متأثرش علي السنتر الأساسي بتاعها لأنو مينفعش يتلغي,
بص يا سيدي العربية مش هتدور غير بمفتاحها,,
يعني العربية مش هتدور ولا حد هيعرف يدورها ويسرقها عشان تفكر تركب له جهاز يفصل بنزين أو كهرباء,,
الكلام اللي بتفكر فيه دا بيتعمل مع العربيات الكوري مثلاً اللي مش بينزل فيها أيموبلايزر عشان تبقي طريقة تصعب بيها السرقة علي الحرامي,
أو برضه ممكن تعمل نفس الكلام اللي بتقول عليه دا في العربيات الجديدة.
بس جديده ا ن العربيه مافيهاش انذار علشان فيها ايمبولايزر
ملعوبه
ما كل العربيات اللي فيها ايمبولايزر فيها سارينه الانذا ر
أيه اللي ملعوب فيها في كدا ؟؟ توفير يعني قصدك,!
ومهياش حاجة جديدة لأن البيجو كله من ال 508 و 308 و 407 و 307 و 208 و 207 لحد ال 301,, يعني مش تقصير في حق العربية,
كلهم فيهم سنتر وأيموبلايزر,, يعني صعب تتسرق ولا تدور بس مفهاش خاصية إن السرينة تضرب مع قفل وفتح السنتر,,
ومهياش محتاجة جهاز لأنها خاصية ممكن تضاف أو تتشال من علي السنتر لأن العربية كدا كدا فيها سرينة, صح ولا أيه ؟؟
بس الناس دي في أوروبا عندهم حماية البيئة من العادم,, وحماية البية من الضوضاء التلوث السمعي أولوية قبل أي حاجة,,
طبعاً الصيني والكوري كلام تاني خالص,,
وهتلاقي العربيات الصيني والكوري اللي مفهاش أيموبلايزر بيزودو ليها خاصية السرينة أنها تزمر مع فتح وقفل السنتر وحساس الحركة عشان تزمر لما حد يلمسها,
عشان يدارو علي أنها بتنزل من غير أيموبلايزر,,:Zb_sor1[1]:
وطبعاً السرينة مش هتحمي العربية من السرقة لو الحرامي دور العربية بسرعة وطار بيها,,,
بس الأيموبلايزر هيحمي العربية لانها مش هتدور غير بمفتاحها,
الف شكر لردودكم
ايوا ياباشا اناواخد بالي
لاء طبعا السارينه مش هاتحمي العربيه من السرقه
بس بتفيد انك بتسمع صوت اللوك لما بتقفل السنتر
وبتفيد لو حد فكر انه يفتح العربيه
بس انا باشوف افلام امريكاني
وفيها العربيات فيها سارينه
اكيد فيها ايمبولايزر
ومنها عربيات اوروبي في امريكا
والصيني والكوري فيهم ايمبولايزر وسارينه
يعني السارينه مش نازله في العربيات معدومه الايمبلويزر بس
نرجع تانى و نقول ان دى عربيه اقتصاديه
يعنى لو هنحط سرينه يبقا اولى وحدة رفع ولا ايه؟؟!!
اكتر حاجة عاجبانى في العربية انها اقتصادية بذكاء جدا
مفيش سارينة وانذار بس في ايموبلايزر ( ولو عاوز تعرف فايدة الانذار شوف العربيات الالنترا كانت بتتسرق ازاى والحرامى وهو بيكسر الازاز وينط فيها من غير حتى ما الفلاشر ينور .. )
البيزلاين مرايات عادية مش كهربة ! ( بس عندك ميزة التحكم بنور الكشافات الامامية كهربا من اول فئة ودي حاجة مهمة جدا و انفع من المرايات اللى غالبا بتتظبط ظبطة واحدة وخلاص وظبطها يدويا مش صعب للدرجة )
مفيش مفتاح للشنطة بس الكالون كهربة وبتتفتح من الريموت ومن جوة كهربا ( ودى احسن من ما كانوا عملوها كالون عادى بس )
مفيش فوجات في البيزلاين بس تركيبها سهل جدا والضفيرة والدراع شغالين
مفيش وحدات رفع ولا حتى auto down لازاز السواق على الاقل ! (اللى بقى موجود في الفيرنا دلوقتى) ، وحتى زراير الازاز معمولة في الكونسول مش في الباب للتوفير ، بس خامات التابلوه نضيفة جدا والعربية رغم اقتصاديتها قعدتها مبهرة و فيها لمسة فخامة وشياكة غريبة من جوة
توفير في حاجات تافهة جدا مقابل اساسيات ممتازة شاسيه عفشة موتور فرامل ثبات امان صالون ووسع داخلى وراحة ولا كلمة ولا غبار عليهم
انا كنت مفكر الكاتينة جنزير
امال صوت الموتور عالى ليه بقى ؟ ( مش مضايقنى في السواقة ولا الراحة وغير مسموع داخل العربية )
انا بلاحظه والعربية سلانسيه وانا واقف براها والكبوت مفتوح ، وكمان تحس انه عالى وبخشونة وتكتكة كأنه موتور ديزل ! مش بس صوت عالى
التكتكة المميزة اللى بتفكرنى بموتور الـ 504 :d
دى الحاجة اللى لاحظتها في العربية هى وصوت الهوا ، بالمناسبة عشان ابقى قلت كل الملاحظات
صوت الهوا ده له شقين :
صوت بسمعه جاى من ورا ( صوت ونة مش صوت تدفق هوا ) وده كان بيظهر عند سرعة 80 واكتشفت شيء غريب جدا وهو انى لما بشيل الاريال الصوت بيختفى ! يعنى الاريال هو اللى بيعمل الصوت ده وحاليا فكيت الاريال خالص
الصوت التانى صوت هوا ( تدفق هوا ) من فوق البرابريز او باب السواق بس ده على سرعة اعلى نسبيا يعنى 130 مثلا فما فوق وده طبيعى ومش ملحوظ غير بالتركيز وانا شاري عربية بـ 108 ارخص من الهيونداى اكسنت ، مش هتضايقنى حاجة زي دى او مش هكون متوقع عزل في مستوى مرسيدس مثلا ...
الملاحظات دى (صوت الموتور اللى هو مش مضايقنى اصلا وصوت الهوا) هى الحااجات الوحيدة في العربية لحد دلوقتى ومش مخليانى ندمان انى اشتريتها ابدا ، لان العربية مازالت احسن من عربيات كتير بسعر اغلى
اللى اعرفة (و ممكن يكون غلط) إن مفيش عربية اوروبى موديل حديث بتنزل بجنزير دلوقتى عشان صوتة العالى و خشونتة
الصوت دة يا عمرو مش صوت الموتور، دة صوت المروحة لما بتكون شغالة على السرعة التانية، جرب كدة اول ما تدور الصبح و هى لسة بتسخن تنزل تقف قدام العربية مش هتسمع حاجة خالص
صوت الهوا بعد 130 دة العادى من عربية فى الفئة دى و فى فئات اعلى كمان
بالنسبة لموضوع الاريال دة انا نسيت اجربة امبارح بس هجربة الاسبوع اللى جاى إن شاء الله، لو سمعت الصوت و انا ماشى الصبح، هركن و اشيل الأريال و اشوف أية الاخبار
لا مش صوت المروحة انا قصدى صوت السلانسيه بتاع الموتور نفسه ، وانت قدام الموتور فيس تو فيس مش وانت قافل الكبوت
وانت قافل الكبوت مش مسموع اوى ، ووانت في العربية مفيش اي مشكلة :tumb:
انا بتكلم لما تبقى فاتح الكبوت وشايف المكنة دايرة قدامك
ابقى جرب موضوع الاريال وقوللى ايه الاخبار بس ابقى اركن في حتة امان مش على طريق :)
طيب شوفت عربية بتنزلها بيجو في فرنسا أو في أي حتة فيها أوروبا زي ال 508 مثلاً بينزلو فيها أنذار وبتضرب سرينة لما بتتخبط أو بتفتح باب ؟ عشان أنا مشوفتش,,
وعلي حد علمي بيجو مش بتعمل جهاز الأنذار من زمان لأن الأيموبلايزر بيغني عنه, والعربية مش هتدور من غيره.
وكمان موضوع السرينة بتاع الأنذار مخالف لقوانين الضوضاء اللي عندهم,, وفي دول زي ألمانيا لو عربية فيها ضربت السرينة في الشارع بشكل متواصل سواء حد راكب فيها أو مقفولة بتتخالف وممكن تتسحب بسبب الأزعاج دا.
فال التوكيل علي حد علمي مش شغال بدماغة,, ومش بدافع عنه بس بتكلم كلام موضوعي,
لو كنا شفنا ال 508 أو 308 مثلاً نازل فيها أنذار في فرنسا أو أي دولة تانية في أوروبا, كنا ممكن نقول أحنا محتاجين المواصفات دي تنزل لنا.
لكن عشان نطلب من التوكيل إنو يطلبها من المصنع وهيا العربية فيها حاجات تانية بتغني زي الأيموبلايزر,
فالموضوع دا هيبقي نسبي ساعتها وهيبقي في أيد المصنع تاني زي مانا وضحت لأنو لو المصنع نزلها للوكيل بأيموبلايزر ومن غير أنذار الوكيل مش هيقدر يقوله مش بايع إلا أما تنزلي فيها أنذار.!
لأن العربية كدا كدا هتبيع, ونازلة بنفس المواصفات دي في كل البلاد,,
ومش هتتسرق بالأيموبليزر, بس ممكن تتسرق لو فيها أنذار من غير أيموبلايزر..
العربية لما بتقفل اللوك بينور نور الأنتظار بس لفترة طويلة,, يعني مش بيرعش,
ولما بفتحها بيرعش كتير بلمبات الأنتظار بس بسرعة أعلي من سرعة الأنتظار الطبيعية,
ودا بيوضح أنها قفلت,,
وكمان صوت سنتر البيجو ملحوظ, يعني عامل زي طلقة المسدس كدا,, حاجة محترمة. :d
صعب أن الواحد ميلاحظوش,,
علي عكس في اللانسر البومة مثلاً صوت السنتر كان هادي أوي,,
وكان عندي في اللانسر البومة نفس الكلام بالمناسبة, بتنور بطريقة معينة لما بقفل السنتر,
وأكيد كلنا بنبقي سايقين وكلنا بنشوف يعني وهنبص علي العربية وهيا بتقفل وتفتح.
علي عكس أنك لو مدي العربية ضهرك أو بعيدة عنك لو فتحتها أو قفلتها وسمعت الصوت وجمبها عربية من نفس نوع عربيتك مش هتبقي عارف هل عربيتك اللي قفلت ولا العربية اللي جمبها لو مكنتش نورت. ;-)
عايز أضيف ملحوظة علي الموضوع دا بخصوص سير الكاتينة, :3_3_102[1]:
إن بيجو بتنزل في العربيات اللي مواتيرها بنزين عادية سير كاتينة كاوتش,,
واللي مش بتعدي 120 حصان زي ال 307 وال 301 وال 408.
والعربيات البنزين التربو بتنزل سير كاتينة جنزير,
واللي بيكون عزمها أعلي وبتعدي ال 150 حصان زي ال 308 تربو وال 3008 تربو وال 508 تربو.
والمواتير التربو دي اللي كانت bmw داخلة في تطوريها مع بيجو,
مقابل أن bmw تاخد من بيجو تكنولوجيا مواتير الديزيل اللي كانت بيجو متقدمة فيها جداً في أوروبا عن باقي الشركات.
بالفعل يا استاذ احمد بتنزل فى كل الدول الاوروبيه بعض الموديلات بجهاز انذار وممكن تفصله لو عاوز بيبقى ليه زرار فى الكونسوله جنب الاى درايف فوق زرار النجده والاتصال بالشركه الى مرسوم عليه الاسد وتقدر تشوف الصور على جوجل
وده فيديو من اول الفيديو فيه زرار جنب الاى درايف على اليمين عليه علامه العربيه وجواها مفتاح
Peugeot 508 1,6l THP explicit video 6.avi - YouTube
وده لينك لصوره بس يارب تكون واضحه وهاتلاقى فيديوهات كتير باين فيها
https://www.google.com.eg/search?biw...2F%3B550%3B412
أول مره أعرف إن البيجو بينزل بدون إنذار مصر
علي العموم في الـ307 الفرنساوي (سوق فرنسي-أوروبي) بتنزل بإنذار لكن بيشتغل مع فتح الباب أو الكابوت و لو حتي الشباك مفتوح و قافل الإنذار و دخلت أيدك يضرب إنذار و لو قفلت إنذار و أنت جوه العربيه و هزيت العربيه يدي إنذار
و ليه زرار في التابلوه جنب زرار اللوك بيعرفك أيه اللي حصل للعربيه و أنت بعيد عنها (وميض كل ومضه تدل علي فعل )
أوعو تقولولي مفيش مكن رفع
يا جماعة انا كلمت استاذ احمد سلامة و استاذ مجدي منصور من قطع الغيار و قالى انهم جابوا جهاز انذار للبيجو 301 و بيركبوه في التوكيل الموضوع بس انه علشان لسه نازل فهو غالي شوية لكن بعد كده سعره هيقل و الكلام ده من غمرة
ال 508 جنزير تقريبا ولا مطاط
لو كنت قريت الموضوع,
هتلاقي الرد موجود في نفس الصفحة اللي سئلت فيها السؤال.!! :rfds:
http://www.nilemotors.net/Nile/38799...post3875275563