الموضوع: ترخيص البيجو 301

المشاركة الأصلية كتبت بواسطة mahmed0100

مبروك لكل اللي استلم العربيه و ياريت الناس اللي رخصت العربيه تقولنا خطوات الترخيص من اول استلام الورق في المعرض او التوكيل لحد استلام رخصه العربيه و تكاليفها .. يعني الجانب الروتيني للتراخيص علشان انا واحد من الناس معلوماتي سطحيه عن التعامل مع المرور و الورق و كده... شكرا

بص ياسيدي
1- هتشتري ورق الفحص وتخش بالعربيه عشان ترفع بصمه الشاسيه والمهندس الفني يملي ورق الفحص ديه
2- هتهتمد شهاده اليانات الي انت واخدها من المعرض المفروض ههما يقوللك هتروح انهي شباك
3-هتشتري الطفايه
4- تدفع التامين الاجباري شوف انت بقي عاوز سنه ولا 3 سنين
5- هتشتري ورق ترخيص سواء سنه او تلات سنين
6- هتشتري ملف وتحط فيه كل الورق وصوره من البطاقه
7- تقدمه في شباك الترخيص الجديده وتستني دورك ان تدفع الضريبه
6- بس وترجع تاني لي شباك الترخيص ديدهم وصل الضريبه وتستني دورك في انك تستلم الرخصه
7- بالرخصه هتستلم النمر ومبروك ياباشا وربنا يكفيك شرها يارب

التكاليف كلها حوالي 1500 زياده او اقل حاجه بسيطه

يعني حستخدم شهاده البيانات بس من التوكيل ! .. طيب امال التوكيل او المعرض بيخلصلي ورق ايه ؟ . و الموضوع ده بيخلص في نفس اليوم ؟

المشاركة الأصلية كتبت بواسطة mahmed0100

يعني حستخدم شهاده البيانات بس من التوكيل ! .. طيب امال التوكيل او المعرض بيخلصلي ورق ايه ؟ . و الموضوع ده بيخلص في نفس اليوم ؟

انت بتاخد من المعرض
1- شهاده بيانات بالعربيه
2- مبايعه العربيه
3-صوره من الافراج الجمركي
انا بتكلم لو انت شاري كاش من الوكيل علي طول مش عارف بصراحه اذا كان في اختلاف لو انت شاري من معرض ولا اذا كنت شاري قسط
المفروض الكلام ده يخلص ان شاء الله في نفس اليوم

المشاركة الأصلية كتبت بواسطة akrambadr

انت بتاخد من المعرض
1- شهاده بيانات بالعربيه
2- مبايعه العربيه
3-صوره من الافراج الجمركي
انا بتكلم لو انت شاري كاش من الوكيل علي طول مش عارف بصراحه اذا كان في اختلاف لو انت شاري من معرض ولا اذا كنت شاري قسط
المفروض الكلام ده يخلص ان شاء الله في نفس اليوم

تمام جدا .. الف شكر يا باشا :)

امال في ناس هنا كانت بتقول ان الورق بياخد وقت لغاية لما يستلموه او يحصل استعلام

لو شاري من معرض الاختلاف في الورق حاجة بسيطة مبايعة اضافية ، يعنى بيبقى من التوكيل للمعرض ومن المعرض ليك

والتكلفة 1500 ، ومكان بصمة الموتور تحت مقاس الزيت وانت نازل على البلوك لان ممكن الفنى ما يعرفش المكان

المشاركة الأصلية كتبت بواسطة s.hasan

امال في ناس هنا كانت بتقول ان الورق بياخد وقت لغاية لما يستلموه او يحصل استعلام

الحالات العادية 72 ساعة

المشاركة الأصلية كتبت بواسطة amrelsaqqa

لو شاري من معرض الاختلاف في الورق حاجة بسيطة مبايعة اضافية ، يعنى بيبقى من التوكيل للمعرض ومن المعرض ليك

والتكلفة 1500 ، ومكان بصمة الموتور تحت مقاس الزيت وانت نازل على البلوك لان ممكن الفنى ما يعرفش المكان

تمام يا باشا شكرا علي المعلومه .. و انا حراجع يوم الاستلام ارقام الشاسيه و اماكن البيانات دي كلها قبل ما استلم من التوكيل بس 1500 ده رخصه 3 سنين تمام كده ؟