تجربة سيئة مع بريدجستون الايطالي :( ارجو المساعدة

ازيكوا يا شباب

انا رحت لعبده أمين في المعادي وكان ذوق بصراحة وبعتلي عامل خدني من المكان اللي انا فيه لحد المحل، لاقيت عنده بريدجستون ايطالي ب٥٥٠ وبريدجستون ياباني ب٦٥٠ جنيه

سألته ايه الفرق بينهم؟ قالي الاتنين زي بعض، قولت في تفسي اكيد ما بينصبش عليا لأنه مالوش مصلحة يقولي الايطالي زي الياباني وقولتله هاتلي ٤ ايطالي وركبهم ورصصهم وشحنه نيتروجين ودفعت ٢٢٠٠ جنيه

المشكلة بقي لما قلبت في الكاوتشات لاقيتها تراكشن بي مش ايه ولا دابل ايه، سألت العامل قالي البريدجستون بينزل بي مافيش منه ايه، انا صدقت وسكت، وصدقت بس عشان قريت هنا مش فاكر في اي موضوع ان مافيش فرق بين تراكشن ايه وبي، وكمان العامل بيقول اول مرة اشوف حد بيسأل عن التراكشن، الكل بيهتم بالسنة والنوع والدولة والسرعة وبس

وانا بقي في طريقي من المعادي لاكتوبر، حاسس ان الكاوتشات بقت بتتزحلق في الفرامل مع ان عندي ايه بي اس!!!!!! وجربت في مرة اضغط فرامل جامد قبل مطب لاقيت الكاوتشات فرملت واتزحلقت علي الطريق مع صوت الزحف الشهير بتاعت الكاوتشات المتكلبشة في الرصيف نتيجة الفرامل

بصراحة مضايق جدا ومش حاسس بالامان مع الفرامل دلوقتي، شايفين اعمل ايه؟
ارجعله واقوله يركبلي الياباني وادفعله ٤٠٠ ولا اعمل ايه؟؟؟؟؟؟
برجاء الافادة

حضرتك غلطان من البداية لأنها مفرقتش على 400 جنية يعني دة ياباني و ايطالي اكيد الياباني افضل و انا اوفقك في الرأي انك ترجعهم و تجيب الياباني

يرجع كاوتش مشى على الارض? انا لو مكانه لا اقبل لانى استحرم ابيعه لعميل على انه جديد
انا لو مكانه اقصى شئ اشتريه مستعمل عشان ابيع مستعمل

الفكرة مش انك ترجعهم الفكرة هل هوة هيقبل يرجعهم بعد ما مشيت بيهم ولو قبل وعمل كدة وباعهم لحد تاني هيبقي غش تجاري ...

اقتباس:

---

المشاركة الأصلية كتبت بواسطة omar2017

حضرتك غلطان من البداية لأنها مفرقتش على 400 جنية يعني دة ياباني و ايطالي اكيد الياباني افضل و انا اوفقك في الرأي انك ترجعهم و تجيب الياباني

---

انا كنت ساحب فلوس للياباني، انما صاحب السلعة نفسها قال الاتنين زي بعض، يعني مالوش مصلحة يخليني اشتري الارخص

تفتكر ربحه في الايطالي مثلا اعلي من الياباني؟؟؟

اقتباس:

---

المشاركة الأصلية كتبت بواسطة m i d o

الفكرة مش انك ترجعهم الفكرة هل هوة هيقبل يرجعهم بعد ما مشيت بيهم ولو قبل وعمل كدة وباعهم لحد تاني هيبقي غش تجاري ...

---

طبعا هايبقي غش تجاري اذا كان بالصورة دي

لكن ممكن ارجعهمله وانزل من تمنهم جزء بسيط واللي ييجي يشتري يخيره بين كاوتشات ما استعملتش، او كاوتشات استخدمت مشوار واحد من المعادي لاكتوبر والعكس (يعني ١٠٠ كيلو) بس ارخص ٥٠ جنيه في الكاوتش

ولا شايفين ايه؟؟ هو الفرق كبير كده بين الايطالي والياباني؟؟

هو ايه التراكشن ايه وبي

اقتباس:

---

المشاركة الأصلية كتبت بواسطة hugan

هو ايه التراكشن ايه وبي

---

أنا كمان عاوز أعرف إيه التراكشن ده

اقتباس:

---

المشاركة الأصلية كتبت بواسطة mhkorayem

أنا كمان عاوز أعرف إيه التراكشن ده

---

الاحتكاك او التماسك على الارض وتقاس ب aa a b c
والافضل aa
واخونا اشترى b وكان امامه a اللى هى افضل.
بس الجديد عليا ان الفرق شاسع كده.
ارجو لو كنت غلطان حد يصححلى

هو خليني اقول ان 100 كم مش كافية عشان تحكم على الكاوتش يا عزيزي
وفارق البريدجستون الايطالي عن الياباني مش بالفارق الرهيب اوي دا
في النهاية الماركة او العلامة التجارية لبريدجستون ليها احترامها ولكن خلينا نقول انهي موديل من بريدجستون حضرتك جبته ؟!
جايز انت اخترت غلط اصلا !؟

النقشه يا كبير ايه
gr-90 ?!
و يعني ما كانش عاجبك سعر الموزع المعتمد و لاقيت عنده ارخص كنت جبت الياباني لكن كمان تقوم جايب الارخص من أرخص واحد ؟!؟!؟!؟!؟!
اتأكد من ضغط الكاوتش لكن موضوع انك ترجعه شبه مستحيل

اقتباس:

---

المشاركة الأصلية كتبت بواسطة omar2017

حضرتك غلطان من البداية لأنها مفرقتش على 400 جنية يعني دة ياباني و ايطالي اكيد الياباني افضل و انا اوفقك في الرأي انك ترجعهم و تجيب الياباني

---

القضية مش في ال٤٠٠ جنيه، انا عرفت المشكلة فين خلاص، وهارد علي م كريم عشان هو كان متحامل اوي عليا

ارجو متاعبعة باقي التعليقات :)

[QUOTE=mhkorayem;3875272257][size=4]أنا كمان عاوز أعرف إيه التراكشن ده[/

التراكشن هو معامل بيدل علي مدي تماسك الكاوتش في الارض الرطبة سواء اسمنت او اسفلت، اعلاه دبل ايه بعدين ايه بعدين بي بعدين سي

اقتباس:

---

المشاركة الأصلية كتبت بواسطة mk3

الاحتكاك او التماسك على الارض وتقاس ب aa a b c
والافضل aa
واخونا اشترى b وكان امامه a اللى هى افضل.
بس الجديد عليا ان الفرق شاسع كده.
ارجو لو كنت غلطان حد يصححلى

---

الفرق ما طلعش شاسع ولا حاجة، برجاء متابعة باقي التعليقات عشان هارد بالتفصيل علي م كريم

اقتباس:

---

المشاركة الأصلية كتبت بواسطة ashraf_ibrahim

هو خليني اقول ان 100 كم مش كافية عشان تحكم على الكاوتش يا عزيزي
وفارق البريدجستون الايطالي عن الياباني مش بالفارق الرهيب اوي دا
في النهاية الماركة او العلامة التجارية لبريدجستون ليها احترامها ولكن خلينا نقول انهي موديل من بريدجستون حضرتك جبته ؟!
جايز انت اخترت غلط اصلا !؟

---

هو مش مكتوب عليه ماركة زي تورانزا مثلا، غالبا لتورانزا دي خاصة بالموديل الياباني بس

لو سمحت تابع بقيت التعليقات عشان انا فهمت القصة

اقتباس:

---

المشاركة الأصلية كتبت بواسطة Kareem.ElAraby

النقشه يا كبير ايه
gr-90 ?!
و يعني ما كانش عاجبك سعر الموزع المعتمد و لاقيت عنده ارخص كنت جبت الياباني لكن كمان تقوم جايب الارخص من أرخص واحد ؟!؟!؟!؟!؟!
اتأكد من ضغط الكاوتش لكن موضوع انك ترجعه شبه مستحيل

---

عاوز ارد هنا بقي بالتفاصيل

١) التقشة خاصة بالسيزون، يعني النقشة اللي عانلة زي حرف v بتبقي خاصة بكل المواسم صيفي وشتوي، والنقشة المستقيمة (اللي هي فيه كام مجري بطول الكاوتش) خاصة بالصيف وبالنسبالنا مش هاتفرق في مصر

٢) بصراحة يا استاذ كريم جملتك اللي فيها علامات تعجب واستفهام كتير دي مضايقاني من امبارح للتهجم الغير مبرر في كلامك ولازم ارد، اولا ال٤٠٠ جنيه اللي حضرتك شايفني استبخلت فيها دي باخدها في ساعة من شغل خارجي غير شغلي، وانا مهندس بترول مش حرفي. الموضوع مالوش علاقة بالاسترخاص، وسبق وقلت انا رحت ومعايا تمن الياباني ولما هو نفسه قالي الايطالي زي الياباني صدقته، وجبت الايطالي، وعشان اتأكد رحت فرع فيت اند فيكس وقالي ان البريدجستون الياباني والتايلاندي والاندونيسي نفس السعر (٧٠٥ جنيه) والفرق بينهم هي النقشة بس، وانا معنديش مشكلة في النقشة

٣) نيجي بقي لسبب المشكلة، سبب المشكلة طلع ان العربية ما فيهاش abs زي ماكنت فاكر وبالتالي اتضايقت من زحف الكاوتش، التقطة التانية هي ان للصدفة البحتة اليوم اللي رجعت فيه بأول تحربة للكاوتشات الدنيا مطرت، وبما ان التراكشن خاص بتماسك الكاوتشات علي الاسطح المبللة (المبللة مش الجافة) وبما ان العربية طلع مافيهاش ايه بي اس، والتراكشن بي، فكانت نتيجة طبيعية جداااا ان الكاوتشات تزحف مني في اليوم ده

٤) لزيادة الاطمئنان لتفسيري للموضوع، صحيت الصبح بعد مالدنيا نشفت، وطلعت بالعربية علي ٩٠، وفرملت تلات تربع الفرامل، ماشاء الله العربية وقفت في حوالي ٤ او ٥ متر لما كانت الارض ناشفة

٥) الاستنتاج :)

أ) ارجو عدم التحامل علي اي عضو فينا، ان كنت انا غلطت في حاجة، فأكيد المتحامل ده غلط كتير وانضحك عليه اكتر كمان (ماقصدش انت بعينك، انما بشكل عام)

ب) ان عبده أمين (اسمه المعادي للاطارات والبطاريات) زي الفل، كاوتشات حديثة، نيتروجين وتركيب وترصيص ببلاش، زوق في التعامل، ورخيص جدا

بس نصيحة، اطلع من عنده علي واحد عنده نيتروجين بعداد ديجيتال عشان عبده امين نفخلي الكاوتشات كلها علي ٢٨ والعداد الانالوج قاري عنده ٣٢، انما فيت ان فيكس ظبطتلي الموضوع وب٣ جنيه بس

ونصيحة تانية، لو حد راحله، اول ما ينزل من كوبري المعادي يركن علي طول يمين ويرجع لعبده امين بضهره، انا ركنت شمال، وعشان ادخل للمحل العامل اللي جه معايا لففني من اماكن بنسبة ٨٠٪ هاتحك في حاجة بسبب ضيق الاماكن والسوق اللي هاتدخل فيه

وشكرا للكل اللي شاركني الموضوع ده :)

طيب الحمد لله :]
مبروك يا عزيزي :]

توضيحا بس يا سيدي الفاضل
انا مليش الحق اتهكم ولا أهاجم علي أي شخص أي كان الا اتنين مرسي و السيسي :]
كل ما في الامر انا عارف قد ايه الكاوتش بيبقي روح العربيه و نادرا لما حد بيبقي مقدر انه يدفع الغالي عشان يلاقي
و انت كنت مقتنع ببريدج أخر حاجه و انا عارف فرق السعر في الفرده 50 بس قولت بلاش أقولك لتطلع غير كده و أبان باحور أو بأقولك نصيحه غلط
و انت مهندس بترول يعني عارف ان ال drill pit لو أي كلام بتعمل مصايب مش مشاكل
( انا مهندس ميكانيكا بس piping design engineer )
فاستغربت أو استنكرت انك لما لاقيت اللي انت عاوزه كجوده بسعر كويس و حبيت تجيب الارخص من كده كمان
الغالي تمنه فيه حضرتك و ده مبدأي (انا ساعات مش بأصرف عليا عشان العربيه عاوزه قطعه غيار غاليه)
و لو العلامات الكتير ضايقتك أو زعلتك أو جعلت في صدرك أدني ضيق مني
فانا بأعتذر لحضرتك و أسف انني ضايقتك
المهم ان الكاوتش ضبط الدنيا و الحمد لله و انت عربيتك بتقف و تفرمل وكله عال العال
مبروك عليك الجزمه الجديد للعربيه
و ربنا يكفيك شر المسامير و الحفر و عقبال الطقم الجاي و اللي بعده بس في ال بي ام بقي ان شاء الله
يا رجل هيونداي ميين ( انا معايا هيونداي علي فكره ), هي ديه عربيات :]
بس ربنا يديمها نعمه و يسترها معانا

اقتباس:

---

المشاركة الأصلية كتبت بواسطة kamalshawqi

انا كنت ساحب فلوس للياباني، انما صاحب السلعة نفسها قال الاتنين زي بعض، يعني مالوش مصلحة يخليني اشتري الارخص

تفتكر ربحه في الايطالي مثلا اعلي من الياباني؟؟؟

---

انا شوفت الفرده دى وانا بشترى الكاوتش من شهر
ومرضتش اخدها و التراكشن كان بى ومكنش معايا فلوس الاصلى اليابانى بس شكلها معجبنيش و ومصدقتش ان فيه برديجستون ايطالى
فخدت التايون ب 460 تراكشن a والعربيه مش بتزحف خالص
فى اعتقادى انها بتتباع بالأسم وممكن تكون حاجه أندونيسى او صينى ضاربه الاسم والله أعلم

اقتباس:

---

المشاركة الأصلية كتبت بواسطة kareem.elaraby

توضيحا بس يا سيدي الفاضل
انا مليش الحق اتهكم ولا أهاجم علي أي شخص أي كان الا اتنين مرسي و السيسي :]
كل ما في الامر انا عارف قد ايه الكاوتش بيبقي روح العربيه و نادرا لما حد بيبقي مقدر انه يدفع الغالي عشان يلاقي
و انت كنت مقتنع ببريدج أخر حاجه و انا عارف فرق السعر في الفرده 50 بس قولت بلاش أقولك لتطلع غير كده و أبان باحور أو بأقولك نصيحه غلط
و انت مهندس بترول يعني عارف ان ال drill pit لو أي كلام بتعمل مصايب مش مشاكل
( انا مهندس ميكانيكا بس piping design engineer )
فاستغربت أو استنكرت انك لما لاقيت اللي انت عاوزه كجوده بسعر كويس و حبيت تجيب الارخص من كده كمان
الغالي تمنه فيه حضرتك و ده مبدأي (انا ساعات مش بأصرف عليا عشان العربيه عاوزه قطعه غيار غاليه)
و لو العلامات الكتير ضايقتك أو زعلتك أو جعلت في صدرك أدني ضيق مني
فانا بأعتذر لحضرتك و أسف انني ضايقتك
المهم ان الكاوتش ضبط الدنيا و الحمد لله و انت عربيتك بتقف و تفرمل وكله عال العال
مبروك عليك الجزمه الجديد للعربيه
و ربنا يكفيك شر المسامير و الحفر و عقبال الطقم الجاي و اللي بعده بس في ال بي ام بقي ان شاء الله
يا رجل هيونداي ميين ( انا معايا هيونداي علي فكره ), هي ديه عربيات :]
بس ربنا يديمها نعمه و يسترها معانا

---

لا ياباشا ولا يهنك وشكرا علي التوضيح، احنا الاتنين بينا دريلنج بت مشترك لازم نقدر بعض :)

والحمدلله ان الواحد اطمن علي العربية كده :)

اقتباس:

---

المشاركة الأصلية كتبت بواسطة mohamedxsayed

انا شوفت الفرده دى وانا بشترى الكاوتش من شهر
ومرضتش اخدها و التراكشن كان بى ومكنش معايا فلوس الاصلى اليابانى بس شكلها معجبنيش و ومصدقتش ان فيه برديجستون ايطالى
فخدت التايون ب 460 تراكشن a والعربيه مش بتزحف خالص
فى اعتقادى انها بتتباع بالأسم وممكن تكون حاجه أندونيسى او صينى ضاربه الاسم والله أعلم

---

اتا لما رحت بعدها لفت اند فيكس وقالي ان اي بريدجستون بنستوردها بتكون ياياباني يا اندونيسي يا تايلندي، اي حاجة تانية يبقي مش تبعنا، (مش عارف هو فيت اند فيكس هي التوكيل الوحيد لبريدجستون، ولو هي الوحيد هل ده معناه ان اي حاجة تانية مضروبة، ده قلقني)

قولتله طب ازاي اعرف المضروب؟ قالي انت مش هاتعرف، انا اعرف (وبينفخ السيجارة كده كأن هايبص للدهب يعرف عيار كام) قولتله العربية قدامك اهي، ما تخدمني وتشوفلي اللي مركبه ده مضروب ولا ايه؟ لاقيته اتردد وماقمش يشوف العربية وسكت!!!

مش عازف بقي ايه الحكاية، خلينا نجرب ومع الايام هاعرف احكم عليها إن شاء الله

اقتباس:

---

المشاركة الأصلية كتبت بواسطة mk3

الاحتكاك او التماسك على الارض وتقاس ب aa a b c
والافضل aa
واخونا اشترى b وكان امامه a اللى هى افضل.
بس الجديد عليا ان الفرق شاسع كده.
ارجو لو كنت غلطان حد يصححلى

---

شكراً جداً على المعلومه دي
بصراحه الواحد ماكنش يعرف عنها حاجه
أما نشوف بقى الكاوتش اللي عندي إيه ظروفه بالنسبه للموضوع ده