ملاك الفكترا سي اولا

من الاولاني للتاني زفت

من التاني للاولاني مش زفت تخلف عقلي ... العربيه بتجيب اولاني بدري جدا وهيا لسه ماشيه وبتفرمل العربيه كلها بالموتور والاربي ام يعلى !!! و العربيه تتنخع جامد جدا لو مسايستهاش وظبط رجلك !!


ملاك الاسترا اتش

حركه تسقيط الاولاني دي مش زي الفكترا سي خالص اخف بكتير لكن من اولاني لتاني مش حلو خالص !



المهم

بعد البحث والتدوير والكوابيس بالليل و التفكير العميق والنكد من الايزي ترونك وحركاته اللي بتتسبب ان الفكترا سي بالذات بتجيب كوبلن داخلي و قواعد فتيس


بعد التجربه والافاقه من الصدمه والتأكد انها مش تهيؤات

العربيات كلها متبرمجه غلط يا جماعه

في باراميترز غلط متسببه ان الفتيس بينقل بالتخلف دا (اللي كره الناس في الايزيترونك و بوظ الكبالن والقواعد)

المفروض العربيات دي جايه من المانيا !!! ازاي دا يحصل ؟؟؟؟ معرفش !!!


المهم النقلات في الفكترا سي اختلفت 180 درجه !! بس مش CVT يعني ... لكن تحس الفتيس بيفهم
في الاسترا الاختلاف مش كبير قوي لكن احسن كتير


انا نفذت البرمجه عند محمد هاشم و هوا عرف الخطوات كويس

والله ترددت كتير اقول من اللي الواحد بيشوفه والمشاكل اللي ممكن تحصل لما الواحد بيدل حد على مركز صيانه ولا حاجه

لكن النيه خير وربنا عالم ...


بس عيب اللي عملوه فالعربيات ده عيب والله