لازم 18 سنة و يوم مينفعش في نفس اليوم اللي تميت فيه حتي لو معاك وسايط الدنيا كلها.
لازم 18 سنة و يوم مينفعش في نفس اليوم اللي تميت فيه حتي لو معاك وسايط الدنيا كلها.
طب واضح إن الرجاله كلها معاها رخص .. يا جدعان أنا عامل الموضوع علشان تساعدونى .. ساعدونى الأول بعدين نشوف بقيه الحاجات :d
روح السبت اللى بعده
صور ورقك اكتر من نسخه
مرور التجمع عند المقابر فى ضهر القطاميه هايتس ..... معرفش مواصلات ازاى بس لو معاك عرببيه (معرفش هتعملها ازاى) هتوصل عند جهاز التجمع الخامس هتلاقى فى وشه شارع (القطاميه هايتس على يمينك و مدرسه المصريه على شمالك) طوالى هتلاقى سور امقابر تخش شمال و تمشى مع السور و تلف معاه يمين هتلاقى المرور فى وشك
ياراجل انت مكبر الموضوع ليه
وبعدين مرور التجمع ده حاجة محترمة اوي
الموضوع كله مش هاياخد معاك اكتر من 2 الي 3 ساعات ان شاء الله
اهم حاجة تذاكر كويس علشان امتحان الكمبيوتر
بص اول حاجه موضوع الرخصه ده فكك من الواسطه خالص مالص بالص حرام اصلآ
تانى حاجه اعتمد على نفسك فى كل حاجه
الاختبار النظرى لو الكمبيوتر مش شغال الظابط هيمتحنك فى الاشارات
الظابط اللى امتحنى فى الاشارات شهادة حق نجحنى من غير ما اجاوب على الاسئله كلها صح مش عارف ازاى بس عدت الحمد لله
ابن خالتى كان داخل معايا الامتحان بس بعدها بيومين وسقط فى امتحان الكمبيوتر مع انها اسئله هابله
المهم بعد كده سقطت مرتين او تلاته فى امتحان السواقه مع ان كان معايا عربيه بس كان مهندس رخم على ظباط رخمين وكان اصلآ حرف s رايح راجع وكانت كل حاجه ضيقه وسقطنى على اخر عسكرى خبطته يلا حسبى الله ونعم الوكيل
المره اللى بعدها اللى هى نجحت فيها للأسف اديت للحرامى اللى جنبى 50 جنيه حار ونار فى جته ان شاء الله
مش علشان الفلوس علشان انا ما بحبش ادى حد حاجه وعارف انها حرام بس سقط ناس قبلى علشان ما ادهوش حاجه وفى ناس نجحت من غير ما تديله حاجه بس واحد كان متمرس ما شاء الله ولقى اللى قاعد بيدوسله بنزين علشان يلبسه وراح الواد دايس فرامل ومرخم عليه ونجح عافيه
انا امتحنت تلاته مرات وما ادتهمش حاجه المره الرابعه اديته الخمسين جنيه ونجحت بلد زباله بقى نقول ايه
واخدت الرخصه فى نفس اليوم اللى نجحت فيه فى اختبار السواقه
انتا هتمتحن نظرى فى نفس اليوم والعملى تانى يوم لان مش هيكون معاك وقت وهتأخدها فى نفس يوم العملى
المطلوب بطنه ونظر وهات فصيلة الدم بالمره علشان تخليها معاك وخلاص انا مش فاكر بس تقريبآ مطلوبة
واشترى ملف رخصه خاصه وتعايش بقى وما تقلقش من حاجه
لو جاي من السويس هتاخد الدائري و بعد تاني نفق اللي فوقيه شارع ال90 هتمسك يمينك و هتخش في حارة بطيقة بعد كدة هتنزل النفق و هتدي اشارة شمال عشان تخش في الفتحة الشمال اللي في النفق كدة هتطلع في التجمع التالت و تبقي قربت اوي من القسم هو ورا القطامية هايتس اسأل هناك و مش هتوه.
اشتري ورقة من هناك ب 5 جنيه زاكرها فيها كل الاشارات و ايامي (من سنة) عملولنا محاضرة قبل ما نخش الامتحانين عشان يعرفونا ايه النظام و كدة. هتتسأل في كام اشارة و بعدين تعمل الأمتحان زجزاج و حرف u. اي عربية بتخش الامتحان كان في هاتشباك و اوتوماتيك و كل حاجة مفيش حاجة ممنوعة في خلال اقل من نص ساعة بعد الامتحان هتكون معاك الرخصة ولا اي واسطة.