18 سنه و عايز أطلع رخصه بقى .. و لازم تساعدونى ده أنا ماليش غيركم :d
مساء الخير يا رجاله :)
دلوقتى أنا هاتم 18 سنه السبت اللى بعد الجاى 23/11 .. و عايز أطلع رخصه سواقه و مش عارف أى حاجه :(
أول حاجه أنا مكتوب فى بطاقتى تاريخ الميلاد 23 و ده هايوافق سبت .. ينفع أروح يومها ولا لازم أستنى الحد ؟!
تانى حاجه .. المرور أساسا شغال السبت ولا لأ !؟
تالت حاجه .. أنا ساكن فى مدينه نصر .. هاروح أمتحن فى المرور اللى فى التجمع ده ولا فين ؟!
و ياريت حد يقولى عنوانه أو يوصفهولى علشان مش عارفه :)
رابع حاجه .. أنا لسه طالب فى 3 ثانوى و جبت شهاده قيد من المدرسه و هاجيب شهاده طبيه بتاعه الباطنه و النظر و شويه صور شخصيه و صور بطاقه حلوين كده .. فيه حاجه تانيه أخدها معايا و أنا رايح ؟!
فيه حد قالى تحليل فصيله دم .. ولا ده مش مطلوب ؟!
خامس حاجه .. إمتحان النظرى ده إيه نظامه أو بيبقى عامل إزاى علشان مقلق منه شويه !
سادس حاجه .. الامتحان العملى نفسه بيقولولى بقى صعب جداً .. هو حرف u بس فى الملف بتاعه الاطواق ضيقه جداً .. الكلام ده بجد ولا إيه ؟!
سابع حاجه و الأخيره .. الرخصه هاخدها فى يومها ولا لازم أروح و ارجع اخدها تانى يوم ؟!
خلاص كده كفايه أسئله :d
اللى عارف أى حاجه يقولى يا جدعان و النبى علشان أنا مستنى الرخصه دى من 3 سنين :d
شكراً :)
