الموضوع: ايه الفرق ؟

لتوضيح فقط بالنسبة للفرق بين اى زيت من شركة وشركة تانية
بالنسبة للزيوت التخليقية فهى لاتصنع فى مصر بتستورد من بره فى سفن وبتيجى فى الميناء وكل شركة بتاخد حصتها
سواء التعاون او مصر للبترول او توتال او موبيل او ليبيا اويل واى شركة بتبيع منتجاتها فى مصر وظيفتها فقط هى تعبئة الزيت التخليقى بدون وضع اى اضافات ...الزيت هو هو بس السعر بيختلف حسب تكاليف الشركة الى بتشترى منها لانها لازم تحمل الزبون التكاليف دى عشان كده هتلاقى تفاوت فى الاسعار بين اى زيت تخليقى والتانى.
بالنسبة للزيوت المعدنية بتتكون من زيت اساسى وده الى بيطلع من برج التقطير واضافات لمنع التاكل وتكون الرغاوى واضافات اخرى بتصنعها شركات معروفه عالميا زى شركة ليبرزول مثلا ودى برضه بتيجى من بره ولا تصنع فى مصر ووظيفه شركات الزيون عمل نسبة خلط معينة لعمل زيت له درجة لزوجه مثلا 50 على w20 ومستوى اداء مثلا sm فاى زيت له مستوى اداء معين يقابله زيت اخر بنفس مستوى الاداء وواللزوجه مش هيفرق من شركة للتانية لانها مواصفات عالمية من معهد البترول الامريكى وجمعيه مهندسى السيارات وميقدرش يغير فيها بالاحسن او الاوحش لانها تعتبر غش وميقدرش ياخد الاعتماد من الجهتين دوول
فرق السعر بين اى زيت والتانى بيكون بسبب زيادة تكاليف الدعاية والمرتبات والانتاج فلازم يحملها للزبون الى هيشترى منه بس كده
اسف على الاطاله بس كنت لازم اوضح الجزئيه دى

انا سمعت المعلومة دى من كذا واحد فعلا