الموضوع: برجاء الرد سريعا بخصوص النمر التجارية

المشاركة الأصلية كتبت بواسطة m.basha

السلام عليكم انا ان شاء الله قربت استلم البيجو 301 اللى انا حاجزها من حوالى شهرين و نصف و عرفت ان الورق بيخلص بعد 10 ايام عشان اعرف ارخص المهم طبعا انا مش حاصبر اسيب العربية فى الجراج 10 ايام بعد كل الانتظار ده لحد ما حاستلم العربية بفكر جديا ااجر نمر تجارية الاسبوع ده انا سمعت اليوم ب 50 جنيه فهل فى مشكلة فى موضوع النمر دى و لا ايه
انا سمعت انها بتتسرق بس انا ناوى احطها بداخل العربية عند الزجاج كده فهل فى مشاكل تانية غير العين اللى الواحد حايخدها و لا ايه ياريت الافاده لان اعتقد الحل ده احسن من ان الواحد يمشى من غير نمر

مفيش مشكلة طبعاً في موضوع النمر,, وأنت كدا بتفكر صح واحييك علي تفكيرك دا,,
لأنك لو فكرت تمشي من غير نمر دا أولاً غير قانوني,,
في الحالات العادية أنو مينفعش بأي حال من الأحوال تمشي بعربية من غير نمر أو نمر مش ظاهرة,,
وخصوصاً في الأيام دي ممكن ظابط غلس يسحب من العربية وهيا زيرو وهتبقي مش لطيفة,
في ناس بتغامر, بس النمر التجارية أمان ليك وللعربية عشان متتعرضش لموقف وحش,,


بالنسبة لأنها بتتسرق دا متخافش منها,, محدش هيسرقها لأنها من غير الرخصة ولا تسوي,,
ولا حد يعرف يطلع بدئل فائد غير صاحب النمرة اللي أجرها لك, سواء معرض أو خلافة,,
رخصتها عاملة زي كتاب صغير كدا,, شبه البطاقة الشخصية القديمة بتاعت زماااان فترة التسعينات والتمانينات,,

متفكرش تحطها ورا الأزاز عشان كدا هتبقي زي قلتها,, عملنها قبل كدا قدام وعلقناها ورا والكلام دا كان قبل الثورة بسنة ودفعنا غرامة في لجنة في عز النهار.!!

عشان تمشي صح, هات النمر, وتكلفتها المعقولة 50 وأعلي حاجة ممكن تدفعها 75 مش أكتر من كدا,,
النمرة تركبها بمسامير مش بحبل غسيل, عشان لو حطيتها أي كلام وكروكي كدا دا اللي بيخلي النمرة يا تضيع يا تتسرق,
وعيش حياتك بالعربية عادي لحد ما ترخص وتاخد نمرك الجديدة,, ومبروك مقدماً علي العربية.